shadow
Diocese de Dili > NOTÍCIAS > REFLEXÃO > Regra de Ouro-Tampil Beda

Regra de Ouro-Tampil Beda

               Não Julgueis!…. Imi keta duun todan ba ema, atu ema labele duun todan ba imi. Imi fo perdua, imi mos sei simu perdua. Imi fo, imi mos sei simu. Papa Francisco dehan: “Que o ódio deixe o lugar ao amor; a mentira à verdade; e a vingança ao perdão; e a tristeza à alegria”.

               Ponto principal husi conteudo Evangelho Domingo semana nee, hanorin ita oinsa aplica modelo perdão no hahalok diak nebe tenke diferente ho ema seluk (gentio eh ateu sira) alias tampil beda oitoan. Comporta moris nebe diferente ho ema seluk atu ema bele haré ita nia identidade Cristã (Católica). Jesus fo chamda atenção katak; se ita comporta lalaok nebe hanesan ho ema nebe laos fiar nain, ita sei manan saida? Manan saida wainhira ita gosta konta ema seluk nia vida eh buka ema seluk nia parte fraco hodi lekar tun sae, enquanto ita rasik difícil atu hadia ita nia moris saran.i..dala ida tan Jesus dehan: Não Julgueis!….basá, buat nebe o halo ba ema seluk,…loron ida ema seluk se halo ba o.

 

               David la brani foti liman eh hanoin aat hodi oho Saúl maske Maromak saran ona liurai Saúl nia mate iha nia liman. David hakarak fo oportunidade ba liurai Saúl hodi entende sentido perdão do que vingansa. Segunda Leitura, São Paulo hanorin sentido perdão atu ita adopta Jesus nia hanorin nudar Adão foun nebe fo importância ba parte espiritual (klamar) do que improtância isin nian.

 

               Evangelho contém espécie de código moral nebe tenke sai hanesan característica discípulo (escolante) Jesus Cristo nian. Buat hotu nebe resume iha conteudo Evangelho, nudar sarani, ita considera hanesan <<Regra de ouro>> ba actuação moral nian; ”Buat nebe imi hakarak ema atu halo ba imi, imi mos halo nunee ba ema”//” O que vós desejais que os outros vos façam, fazei-o também vós a eles”. Regra nee quando aplica iha prática, naton ona atu ita muda sociedade ida no imagem família nian, iha nebe ita hotik ba.  

 

               Se ita reflecte didiak Segunda Leitura seman nee nian, ita bela hetan impressão negativa ida katak; Antigo Testamento conhecido ho forma negativa:” «Não faças a ninguém o que não queres que te façam»// Saida mak la gosta, keta halo ba ema(Tb 4, 15)”. Jesus fali propõe forma positiva hodi dehan: Buat nebe imi hakarak ema atu halo ba imi, imi mos halo nunee ba ema//«Tratai os demais como quereis que eles vos tratem».

                Husi sorin seluk, Evangelho São Lucas nian nee mos hasuli ponto interrogação balu basá, Jesus husu ita aplica comportamento balu nebe susar ita aplica iha moris sarani; «Se alguém te der uma bofetada numa face, oferece também a outra. Se alguém te tomar o manto, deixa-o levar também a túnica. Dá a quem te pedir e, se alguém tirar o que é teu, não peças que o devolva»// Ema nebe basa o nia oin sorin, o fo tan o nia oin sorin ba; ema nebe hadau o nia hena taka, o fo tan o nia faru ba nia. Ema nebe husu, o fo;  ema nebe lori o nia soin, o lalika husu fali.

               Lalaok hirak nee iha prática ita ladun haré eh até que ita rasik fuan la boot atu husik ema selik basá ita nia hasan. Mentalidade ema Timor nian mak; se o basa hau, hau mos sei basa o para ita rua sente moras hanesan. Iha Antigo Testamento ita hatene princípio Mata ganti mata, Gigi ganti gigi significa; se ema ruma basa o, o mos fila basa nia. Se uma ruma tolok o, o fila tilok fali nia. Jesus nia lia menon hakarak muda radicalmente lalaok nee hodi dehan; Ema nebe basa o nia oin sorin, o fo tan o nia oin sorin ba <…> . Los duni nee difiícil maibé, imagina se ita nudar saani aten boot hodi tau iha prática, valor boot tebes. Husi critério hirak nee hotu, Jesus husu atu oinsa ita aplica sentido domin no perdão ba ema seluk.

               Nudar Jesus nia emar fiar nain, Jesus haruka ita nobun atu opõe (sai oposição) ba buat aat, husik tiha lalaok violento sira tuir ita nia hakarak hodi adopta fali princípio regra de ouro. Basá, regra de ouro sei concilia hikas ita ba exigência hodi combate potência eh tendência humana nebe halakon ita nia sentimento perdão. Se oin sorin ba nia basa la precisa ita tau iha prática maibé, basta ita hatene fo perdão, nee naton ona hodi justifica ita nia identidade Católica.

               Iha Timor Leste, situação política provoca actos crime bar-barak ho motivo Grupo Arte Marcias iha cidade Dili no Município balu hanesan Liquiça no Baucau. Precisa ita reflecte katak; se confronto mosu, ita hana malu ho se? Ita rai ódio no vingansa ba se, ita hafu malu ho? Ho ema estrangeiro? Ho ema Indonésia? ho ema cina? Lae! Afinal ita Timor Oan mak fila oho malu, fila hana malu, fila vinga malu. Ema seluk haré hamnasa deit hodi dehan; Ukun-an tiha ona mos sei hare malu aat nafatin nee.

               Sarani balu defende partido liu fali nia fiar, balu defende nia grupo liu fali nia família, seluk aproveita atu soran deit. Too ponto ida nee, ita atu fo sala ba se? Ba Maroamk? Ba estado? Ba partido? Ba grupo? Ba família? Lae! Buat hotu precisa hahu husi ita-an rasik ho apoio família no ema seluk nian. Tudo é possível; Buat hotu bele deit acontece wainhira ita iha rasik vontade atu opta ba moris nebe merece tuir roman Evangelho nian. Atu sai ema nebe hatene ita mos precisa reflecta São João Paulo II nia menon: “Cristo ensinou-nos a perdoar.

 

               Atu buat perdão bele mosu, Papa Emérito Bento XVI hameno: “Jesus exorta-nos à conversão interior: explica-nos o motivo pelo qual nos perdoa e ensina-nos a fazer do perdão recebido e oferecido aos irmãos o “pão quotidiano” da nossa existência”.

               Kmanek liu wainhira maluk sira nebe pertence ba qualquer grupo Arte Marciais nebe karik balu mos sarani Catolico atu tau iha hanoin Beata Maria Ana nebe hameno “Há mais felicidade no perdão do que na vingança” significa; ita ita hetan ksolok/felicidade iha perdão do que iha vingança. Se ita brani aplica ida nee, ita sai Cristão (Católico nebe diferente ho ema seluk). “Tudo quanto quiserdes que os outros vos façam, fazei-lho vós também”/ Buat nebe imi hakarak ema atu halo ba imi, imi mos halo nunee ba ema. Assim Seja e Bem Haja (ignas)

Leave a Reply

Your email address will not be published. Required fields are marked *