shadow
Diocese de Dili > NOTÍCIAS > LETURA DIÁRIA > VII DOMINGO TEMPO COMUM (ANO C)

VII DOMINGO TEMPO COMUM (ANO C)

Primeira Leitura                     1Sam. 26, 2. 7-9. 12-13. 22-23

Lia housi Livro Profeta Samuel:

Iha loron hirak nebá, Saúl, liurai Israel nian, lao tun ba rai-fuik maran Ziph nian, ho ema mane rihun tolu, hili housi Israel, atu ba buka David iha rai fuik maran. Iha kalan, David ho Abigail hasoru funu-nain nee. Saúl toba hela iha ai-hun, ninia diman tiding hela iha nia toba-fatin ulun, Abner ho funu-nain sira toba haleu nia. Abisai dehan ba David: “Maromak ohin, halo o nia funu-balu monu iha o liman. O husik hau, hodi nia diman, hedi nia ba rai, isin ida deit, lalika dala rua”. Maibé, David dehan ba Abisai: “o keta halo mate nia. Ema ida nebe mak foti tiha liman hasoru Maromak nia emar, hafoin la hetan castigo?”. David foti tiha Saúl nia diman ho kantil housi nia toba-fatin ulun, sira nain rua ba ona. Ema ida la hare, ema ida la hatene, ema ida la hader. Sira hotu toba dukur, la hatene tuir rai, basá, Nai halo sira dukur todan. David liu tiha ba sorin, ba tiha dook iha foho leten. Iha tiha ona dook David hakilar: “liurai, diman mak nee, haruka atan ruma mai hoal. Nai selu ida-idak tuir nia justice. Ohin, Maromak fo ona ita mai hau, maibé, hau lakohi foti liman hasoru Nai nia emar”.

Maromak Futar Lia.

 

Salmo Responsorial                                                                                                                                                  Sal. 102(103), 1-2. 3-4. 8. 10. 12-13

Refrão : Nai Maromak laran luak, domin wain!!! Repete-se

 

Hau klamar hahi Nai

Hau moris tomak hawelok Nia naran santo

Hau klamar hahi Nai,

La haluha Nia kmanek tomak. Refrão

 

Nai kasu o salan tomak,

Nia perdua o nia hahalok aat hotu

Hasai o moris husi susar,

Haraik kmanek no rahun diak. Refrão

 

Nai laran luak, domin wain,

La rai hirus, perdua nafatin

La haré ita tuir ita nia hahalok aat,

La selu tuir ita salan. Refrão

 

Hanesan loron sae dook housi loron-monu,

Nunee ita Nai hadook ita housi salan.

Hanesan Aman ida laran diak ba nia oan,

Nunee, ita Nain hadomi sira nebe hamtauk Nia. Refrão

 

Segunda Leitura                                                                                                                                                                                             1 Cor. 15. 45-19

Lia housi São Paulo nia surat ba sarani sira iha Corinto:

Maun-alin sira: Ema ida uluk, Adão, Maromak hakiak nudar buat moris ida. Cristo, Adão ida ikus, sai nudar Espírito ida nebe fo moris. Ida uluk laos Espíriot nian, maibé, isin nian, ida ikus mak Espírito. Ema ida uluk mai housi rai, mai housi rai-rahun; ida ikus mai housi lalehan. Tamba Adão mai housi rai, ninia oan sira mos rai nian; Cristo tan mai housi lalehan, nia oan sira mos lalehan nian. Tan uluk, ita Adão rai nia ilas, nunee mos ita sei sai Adão lalehan nia ilas.

Maromak Futar Lia.

 

Aclamação                                                                                                                                                                                                                    Mt. 6, 28

Refrão : Aleluia. Aleluia!! Repete-se

Imi buka hadomi imi nia funu-balun sira,

Hodi halo di’ak ba ema sira hotu nebé rai odi hasouru imi. Refrão

 

Evangelho                                                                                                                                                                                                                Lc. 6, 27-38

Nai Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba escolante sira nunee: “Hau dehan ba imi sira be rona daudaun Hau: imi buka hadomi imi nia funu balu, buka halo diak ba ema sira be rai odio hasoru imi; imi reza ba sira be halo aat imi. Ema nebe basa o nia oin sorin, o fo tan o nia oin sorin ba; ema nebe hadau o nia hena taka, o fo tan o nia faru ba nia. Ema nebe husu, o fo;  ema nebe lori o nia soin, o lalika husu fali. Buat nebe imi hakarak ema atu halo ba imi, imi mos halo nunee ba ema. Imi hadomi karik ema nebe hadomi imi, prémio diak sa imi hein atu simu? Ema maksalak sira mos halo hanesan nee. Imi empresta karik ba ema sira be bele fo fila, imi hein prémio diak sa atu simu? Ema maksalak sira mos empresta sira nia riku soin, hein atu simu fali nia folin. Maibé, imi buka hadomi imi nia funu balu sira, hodi halo diak no empresta, lalika hein simu buat ida. Nunee, imi nia prémio sei boot teb-tebes, imi sei sai Maromak oan; Maromak nebe laran luak ba ema aat no laran makerek. Imi buka sai ema laran diak hanesan imi Aman laran diak. Imi keta hanoin aat ema, atu ema la bele hanoin aat imi. Imi keta duun todan ba ema, atu ema labele duun todan ba imi. Imi fo perdua, imi mos sei simu perdua. Imi fo, imi mos sei simu. Ema sei tau ba imi liman buat diak barak, sai naresin. Basá, imi halo oin sa ba ema, nunee mos ema sei halo ba imi”.

Lia Maksoyn.

Leave a Reply

Your email address will not be published. Required fields are marked *