shadow
Diocese de Dili > NOTÍCIAS > LETURA DIÁRIA > Quinta – Feira, VII semana Tempo Comum

Quinta – Feira, VII semana Tempo Comum

Primeira Leitura                         Sir. 5. 1-10

Lia housi Livro Ben sirá:

Ha’u oan: Ó keta tau neon metin ba ó nia riku-soi no mós keta dehan: “Ha’u bele moris ho ha’u an rasik”. Ó keta tuir ó nia fuan no ó nia beran atu fó ksolok ba ó nia isin nia hakarak. Ó keta hateten mós: “Ema sé bele ukun ha’u?” Na’i sei fó castigo ba ó. Ó keta hateten: “Ha’u halo sala tiha, maibé buat áat la monu iha ha’u leten”, basá, Na’i, leten aas liu, hatene hei. Ó keta laran metin iha perdua hodi halo sala oi-oin ba bei-beik. Ó mós keta hateten: “Na’i Nia laran-luak boot liu hotu; sei perdua ha’u nia salan hot-hotu”. Lós duni, Na’i laran-luak tebes, maibé, iha mós biit fó castigo, tan sala wa’in; Na’i fó castigo ba ema maksalak sira. Ó keta hein no keta kleur atu husu Na’i Nia perdua; basá, teki-tekir Na’i hamonu  nia malisan iha ó; tan sala, ó bele monu iha castigo. Ó keta laran metin ba ó riku-soi nebé ó hetan hodi han-matak, basá, sira la iha folin iha loron rahun áat nian.

Maromak Futar Lia.

 

Salmo Responsorial                                                                                                                                                               Sal. 1. 1-2, 4, 6 (R. Sal. 39. 5ª)

Refrão : Rahun di’ak ba ema tau neon iha Na’i!!! Repete-se

 

Ksolok ba ema nebé la tuir ema áa nia lia,

La tuir dalan maksalak.

Ksolok ba sira be la hadulur ho ema áat;

Maibé haksolok ho Na’I Nia ukunfuan,

Hodi hanoin nia kalan-loron. Refrão

 

Nia hanesan ai-kudan ida iha wé-inan ninin;

Nafuan tuir tempo, nia tahan la namlaik,

Buat hotu nebé nia halo, sai di’ak de’it. Refrão

 

Maibé, ema áat sira nia moris oin seluk,

Sira hanesan haré-kain be anin lori;

Na’i hatene ema lós nia dalan,

Dalan ema áat sira nian, lori ba rahun áat. Refrão

 

Aclamação                                                                                                                                                                                                            cf. 1Tes. 2. 13

Refrão : Aleluia. Aleluia!! Repete-se

 

Simu ba ho laran tomak lia menon nebé Na’i hato’o ba imi;

La’os hanesan ema nia liafuan, maibé, nu’udar

Maromak futar liafuan. Refrão

 

Evangelho                                                                                                                                                                                                              Mc. 9. 41-50

Na’i Jesus Cristo nia Evangelho nu’udar São Marcos haktuir:

Iha tempo neba, Jesus lia tun ba escolante sira: “Ema nebé fó wé copo ida ba imi tan imi Ha’u Nia emar, – Hau hateten kedas ba imi – ema ne’e sei la lakon nia kolen.

Ema ruma dada karik ba áat labarik oan ruma be fiar Ha’u, di’ak liu tara fatuk inan ida be hodi dulas batar ne’e ba ema ne’e nia kakorok, hafoin, sóe tiha nia ba tasi. Ó nia liman dada karik ó ba sala, tési tiha nia. Hetan moris rohan laek ho liman ida de’it, di’ak liu fali ho liman rua tomak tama iha inferno, nebé áhi la mate. Ó nia lori karik ó ba sala, tesi tiha nia. Tama ba moris rohan laek ho ain ida de’it, di’ak liu fali ho ain rua tomak tama iha inferno. Ó nia matan ida dada karik ó ba sala, losu tiha nia. Ó tama iha Maromak Nia reino ho matan fuan ida de’it, di’ak liu fali tama iha inferno ho matan fuan rua hotu; iha inferno ular oan nebé han ó, sei la mate mohu, áhi nebé sunu ó sei la mate. Tebes duni, ema hotu sei hamer ho áhi. Masin buat ida di’ak, maibé, nia lakon karik nia mer, ho sáida imi sei hamer nia? Imi iha masin iha imi-an rasik, imi hotu moris hamutuk iha hakmatek ba”.

Lia Maksoyn.

Leave a Reply

Your email address will not be published. Required fields are marked *