shadow
Diocese de Dili > NOTÍCIAS > Notícias > ICR Relaliza Graduação Sétimo Turno (VII)

ICR Relaliza Graduação Sétimo Turno (VII)

DCDD – Sexta-Feira (01/03/2019), Instituto de Ciência Religiosa São Tomas de Aquino (ICR) realiza tan Graduação ba agente Graduando hamutuk 103 nebe acaba sira nia curso iha areia Licenciatura no Bacharelato ba formação Professores Moral e Religão iha escola no programa ba Bacharelato Pastoral Social nian iha Salão São José Catedral Dili.

Vigário Episcopal Assuntos Educação nian Pe. Guilhermino da Silva iha nia discurço hateten, Imi Creda nia oan nebe Creda prepara imi iha ho ciência religioso nian iha Instituição ICR. Tan imi laos deit Creda Cristo nian, maibe imi Cristo nia ain liman atu serbi Creda. Imi mak Cristo nia escolante.  Ohin imi remata ona imi nia estudu iha ICR. Oras ne’e ho imi nia garduação ida ne’e, Creda diocese nian husik imi ba iha sociedade atu sai masin no naroman, atu hanorin Cristo nia povo iha fatin nebe imi horik ba. Imi sei la’o iha sociedade timor laran atu buka moris, maibe imi keta haluha imi Cristo bolu atu serbi nia Creda. Imi professional Creda nian, tan ne’e buka nafatin tempo atu serbi Creda, maske ne’e exige imi nia sacrifício. Buka hare tuir patriarka sira Creda timor nian, maske sira catequista deit, maibe sira missionário diak tebes nian iha Timor. Sira la to’o iha ensinu superior hanesan ohin imi hetan, maibe sira ho sira nia simplicidade, sira consegue haboot no haburas Creda iha Timor. Tan ne’e continua nafatin espírito serbi nian ida ne’e iha imi nia moris.

Vigário Episcopal Assuntos Educação nian Pe. Guilhermino da Silva hatutan tan katak, Oras ne’e estafeta liderança nian iha ona imi nia liman, kaer no uja ba hodi hanourin geração foun be sei monu iha imi nia liman. Iha loron rua ka tolu liu ba ne’e mosu críticas iha FB kona ba serbisu administração iha paróquia. Serbisu administração la satisfas público tan trabalhador nebe serbisu iha administração laiha sistema de serbisu. Tan nee, imi sira foin graduado hakbesik an ba paróquia, besik ba padre pároco sira serbisu ho sira hodi hadia sistema serbisu iha paróquia.

Iha biban hanesan, Reitor Instituto de Ciência Religiosas (ICR), Padre Urbanus Bunga Lolon hateten; Dezemvolmento hahu hosi educação ho lia fuan seluk educação sai chave ba dezemvolvimento iha ita nia moris tomak tanba resultado hosi educação tem que fo responde ba necessidade moris lor-loron nian. ICR nudar ensino superior ida iha Timor-Leste foin halo graduação ba dala VII. Total estudante nebe hetan ona graduação mak hanesan; programa serbisu social bacharelato estudantes hamutuk 155. Ba tinan ida ne’e nia laran ICR hahu prepara an atu loke licenciatura ba serbisu social. Programa bacharelato ba formação professores foin hetan ema 204 no programa licenciatura ba formação professores ema hamutuk 264. Total estudante sira nebe hetan ona graduação iha ICR hamutuk estudantes 623, hosi programa formação profesores bacharelato no licenciatura total 468 estudantes. Total escola iha Timor Leste hosi ensino basíco too ensino secundária tuir dadus iha tinan 2010, total escola nebe existe hamutuk 1360 escolas. Ita nia professor/a sidauk to’o significa katak sira nebe hetan graduação hosi ICR formação professores escola rihun ida resin maibe quando la hetan serbisu problema laos ita nian, problema ida idak nia problema. Iha biban ida nee hau mos hakarak hatoo obrigado barak ba governo Timor-Leste liu husi Ministério Educação nebe suporta ona ami tinan-tinan sempre fo subsidio hodi bele hasaei capacidade Docesnte sira no mos tulun iha processo aprendizágem. Processo husi graduação ohin loron laos resultado husi hau nia serviço nudar Reitor no Corpo Docente sira deit, maibe husi colaboração diak husi Instituição oi-oin no ema barak sira nia laran luak. (Alin)

(Photo Alin Soares)

Leave a Reply

Your email address will not be published. Required fields are marked *