shadow
Diocese de Dili > NOTÍCIAS > REFLEXÃO > KUIDADU MESTRE FALSO!

KUIDADU MESTRE FALSO!

Maluk leitor sira mak Cristo hadomi…

Tema central liturgia nian iha Domingo semana nee convida ita nobun hodi reflecte ona ba questão: buah hirak nebe ita hatama iha fuan no fo iha testemunha/sasin, mai husi Jesus eh keta ita nia critério eh expressão de egoista rasik karik?

Leitura Evangélica Domingo semana nee, fo mai ita critério balun hodi tulun ita halo discernimeto (tetu iha fuan) lia verdadeiro no lia falso mestre ida nian. Ohin loron, situação socio-económico ou socio-política halo ema barak mosu ba público hanesan mestre da verdade maibé, na realidade ema nee bosok ten boot ida.

Exemplo concreto ita bele acompanha iha media social hanesan facebook, ema balu mosu mai halo previsão (ramalan) kona ba saida mak sei acontece iah tempo oin, balu halo amanaln ba número lotaria (SDSB 4 angk bola merah) hodi habosok cliente transfer osan, balu mai fali ho Bisnis MLM (Multi Level Marketing) ho promessa osan funan boot no bele sosa kareta ferrari maibé de facto, ema barak lakon osan la iha resultado, balu fali maske sarani maibé, lori osan no lilin meain ba koo sorti iha cina maromak, seluk tan semana semana tama internet (google) hodi haree sorti husi fitun zodiak…nst.

Novidade hirak nee hotu barak eh oitaon contribui mos ba ema nia comportamento fiar no moris sarani nian. Sarani barak prefere fiar liu matan dook ho cina maromak do que fiar Jesus. Seluk tan ba missa tanba tauk inferno maibé sira confia liu mehi hodi manan bola merah SDSB nian.

Mestre nebe lolos (verdadeiro Mestre) mak hirak nebe fo sasin kona ba Jesus Cristo nudar mestre lolos. Fo sasin liu husi moris, comunhão, unidade, respeita, comportamento, fraternidade (persaudaraan), domin. Ao passo que mestre falso mak hirak nebe halo promessa bosok, hirak nebe hais ema nia osan liu husi ramalan SDSB bosok ten sira, hirak nebe mai apresenta Doutrina falsa hanesan Testemunha jeova tama uma sai uma, hirak nebe mai tawarkan bisnis MLM hodi hais ema nia osan maibé, ikus mai ema barak sai vítima tanva osan semo lakon hotu, ema balu hais ema nia osan hodi promete servisu ba rai liur, balu falsifica documento hodi sai vetrano maske uluk nia la apoia luta independência,…nst.

Too iha ponto ida nee, sarani precisa matan moris neon nain basá, novidade bosok ten hirak nee contradís ho espírito (semangat) sarani ida nian. Basá, lalaok falsa hirak nee sei produs intolerância, hipocrisia (munafig/fingido), autoritarismo nebe hamosu divisão no confusão iha sociedade leet até que sai da mak mestre falso sira nee hatoo, sempre dook husi doutrina Jesus Cristo nian.

Maluk Leitor sira mak Cristo hadomi……….

Primeira Leitura aconselha (convida) ho hanoin prático ida nebe útil (sangat berguna) tebtebes; iha neba hanorin ita atu la bele julga uluk ema ruma wainhira husi liur, husik ita hatene lolos ema nee husi saida mak nia apresenta husi nia fuan (não julguemos as pessoas pela primeira impressão ou por atitudes mais ou menos teatrais: deixemo-las falar, pois as palavras revelam a verdade ou a mentira que há em cada coração).  

Iha sociedade, ita gosta procupa ou sibuk liu ema seluk do que ita-an rasik. Governante ida preocupa ho Bem Comum (ema barak nia diak), nee positiva. Maibé ema ida mak preocupa eh julga ema seluk por motivo pessoal, nee negativa tan ita haluha atu hadia uluk ita nia-an. Artista Abito Gama dehan; Haré ba o nia-an, haré ba ema seluk, sukat ba mai itrua hanesan deit. Nee ita bele interpreta katak; hadia ita nia comportamento eh hatudu sasin nudar sarani.Iha parte Segunda Leitura, São Paulo halo conclusão catequética ida ba sarani Corinto sira kona ba moris hias (Ressurreição).  Iha loron nee mak sei sai tuir los Escritura: ”Mate sei lakon <<…>>, Maibé, fo agradece Maromak nebe halo ita manan hodi ita Nain Jesus Cristo. Nune’e, maun alin sira, imi fiar metin nafatin ba, badinas liu tan hodi kaer Nai nia knar. Husi ita nia comportamento eh moris sarani nebe diak, halo ema seluk banati tuir no ita hamutuk harí comunidade sarani foun ida tuir Jesus Cristo nia doutrina nebe lori ita ba moris ksolok rohan laek. O forno prova os vasos do oleiro e o homem é posto à prova pelos seus pensamentos. O fruto da árvore manifesta a qualidade do campo: assim as palavras do homem revelam os seus sentimentos. Ita ia qualidade nudar Cristão (Católica) ema haré laos husi saida mak ita hatete maibé, ema sei haré no julga/comprova liu husi saida mak ita halo eh hatudu.

Evangelho nebe Jesus hanorin, apresenta Jesus nudar primeiro Mestre da verdade hafoin ita nobun nebe sai Jesus nia membro ita precisa banati tuir hodi aplica iha moris, saida mak Jesus haruka. Maske Escolante la hanesan ho Mestre maibé, Jesus encoraja ita hodi liu husi esforço, ita bele sai hanesan mestre. Ita nia qualidade hanesan mestre eh lae, preicisa comprova eh hatudu iha ita nia comportamento rasik. Osan meas ema prova liu husi processo ida, nunee ita nia qualidade nudar Jesus nia emar, tenke expressa iha comportamento sarani nian.

Se ema ruma mai hanorin doutrina foun nebe la iha liga,cão ho saida mak Jesus haruka, ita tenke matan moris neon nain hodi hatene katak nee mestre falso basá, saida mak nia hanorin, desvia eh desorienta iha husi Jesus ia hanorin sira// Quando alguém apresenta a própria doutrina e não as propostas de Jesus está, muito provavelmente, a desorientar os irmãos. A comunidade deve ter isto presente, a fim de não se deixar conduzir por caminhos que a afastem do verdadeiro caminho que é Jesus. Assim Seja e Bem Haja. (ignas)

Leave a Reply

Your email address will not be published. Required fields are marked *