shadow
Diocese de Dili > NOTÍCIAS > LETURA DIÁRIA > VIII DOMINGO TEMPO COMUM

VIII DOMINGO TEMPO COMUM

Primeira Leitura                    Sir 27, 5-8 (4-7)

Lia housi Livro Ben-Sirá:

Wainhira ita doko ‘peneira’, hela deit mak buat foer, nune’e mos ema sira nia hahalo aat mosu iha sira nia lia-fuan.  Áhi forno nia manas hatudu sana-rai nia to’os oin sá; nune’e mos, hodi nia ko’alia mak sei koko ema. Ai nia fuan mak sei hatudu toos diak eh toos aat; nune’e mos, ema nia lia-fuan mak sei hatudu nia laran oin sá. O keta hahí lae ema ida, molok rona ninia lia-fuan. Nune’e mak sei koko ema sira.

Maromak Futar Lia.

 

Salmo Responsorial                                                                                                                                                                 Sal 91(92), 2-3. 13-14. 15-15

Refrão : Na’i, buat di’ak tebes hahí Ita Boot!!! Refrão

 

Di’ak tebes duni hahí Nai;

Hahí Ita naran, áas liu hotu;

Dader haklaken Ita laran luak,

Kalan hawelok Ita laran mos. Refrão

 

Ema di’ak naburas hanesan tali klobor,

Hamrik los nu’udar Cedro Líbano .

Kuda hela iha Nai kadunan,

Sira naburas iha Maromak futar oin. Refrão

 

Too otas narik sira fuan tebar,

Moris nafatin buras nafatin

Atu haklaken katak Nai hau fatuk-inan sala la’ek,

Tesi lia la sala. Refrão

 

Segunda Leitura                                                                                                                                                                                              1Cor 15, 54-58

Lia Housi São Paulo nia surat ba sarani sira iha Corinto:

Maun alin sira: Iha loron ikus, ita nia isin nebe bele dodok, sei la dodok; ita nia isin nebe sei mate, sei la mate. Iha loron nee mak sei sai tuir los Escritura: ”Mate sei lakon. Mate, buat o manan iha nebe? ”. Maibé, o nia besi kroat mak pecado; pecado nia kbiit mak lei. Maibé, fo agradece Maromak nebe halo ita manan hodi ita Nain Jesus Cristo. Nune’e, maun alin sira, imi fiar metin nafatin ba, badinas liu tan hodi kaer Nai nia knar. Imi hatene ona katak iha Nai futar oin, imi nia haka’as-an la folin buat ida.

Maromak Futar Lia.

 

Aclamação                                                                                                                                                                                                                      Lc 6, 40

Refrão : Aleluia. Aleluia!! Repete-se

Escolante la liu Mestre, Maibé, escolante nebe

Estuda diak, sei sai hanesan mestre. Refrão

 

Evangelho                                                                                                                                                                                                                 Lc 6, 39-43

Nai Jesus Cristo nia Evangelho Nudar São Lucas haktuir:

Iha tempo neba, Jesus dehan tan ai-knanoik nee: Oin sa ema matan delek ida bele dada matan delek seluk? Sira nain rua sei la monu hotu iha rai-ko’ak ida? Escolante la bele liu fali mestre; maibé, escolante estuda diak, sei sai hanesan mestre. Tan sá mak o haré duut-musan iha o nia maluk nia matan, maibé, o la haré ai-baluk iha o nia matan rasik? oin sá mak o bele dehan ba o nia maluk; maluk, o husik husik hau hasai tiha du’ut musan housi o nia matan, maibé,  o la haré ai-baluk iha o nian? Laran makerek, hasai tiha ai-baluk housi o nia matan, mak o bele haré mos atu hasai duut-musan hosui o nia maun-alin nia matan. La iha ai-hun diak nebe fo fuan aat, nune’e mos la iha ai-hun aat nebe bele fo fuan diak. Ai-hun atu fo fuan di’ak eh aat, ema hatene housi nia fuan; ema la kuu ai-fuan figo eh ai-fuan uvas housi ai-tarak. Ema nebe diak, hasai buat diak housi diak hirak nebe halot iha nia laran; ema nebe aat, hasai buat aat housi aat hirak nebe haloot iha nia laran, basá, ibun dehan sai buat nebe nakonu iha nia laran.

Lia Maksoyn.

Leave a Reply

Your email address will not be published. Required fields are marked *