shadow
Diocese de Dili > NOTÍCIAS > LETURA DIÁRIA > Segunda – Feira, VIII Semana Tempo Comum (ANO C)

Segunda – Feira, VIII Semana Tempo Comum (ANO C)

Primeira Leitura                    Sir. 17. 20-28

Lia housi livro Ben Sirá:

Ha’u oan doben: Na’i la bandu atu fila ba Nia, sira nebé hakribi sira salan, no fó kbiit ba sira nebé lakon tiha ona fiar atu fila hikas ba Nia. Ó fila ba Na’i hodi husik salan, nune’e, iha Nia futar oin, husu Nia perdua. Fila ba Ida be iha Aas liu ba, sóe ba kotuk lia bosok no buka hadook-an housi buat hotu. Sé mak sei hahi Na’i Maromak iha mate sira nia hôrik fatin, iha sira be moris no sira be hahi Nia, nia fatin? La’o ho povo santo be moris no haklaken Maromak Nia glória. Keta monu ba sala nebé ema fiar laek sira halo, hahi Na’i molok ó mate; sira nebé mate ona, tan sira la iha ona, sira la hahi tan ona Nia. Hahi Na’i wainhira ó sei moris; hahi Nia wainhira ó sei moris ho isin di’ak. Hahi Na’i no hana’i Nia tan Nia laran-luak. Hanesan Nia laran luak boot tebes, nune’e mós Nia perdua ba sira nebé fila hikas ba Nia!

Maromak Futar Lia.

 

Salmo Responsorial                                                                                                                                                               Sal 31(32), 1-2, 5, 6, 7 (R. 11ª)

Refrão : Imi be laran lós, haksolok iha Na’i!!! Repete-se

 

Rahun di’ak ba ema nebé hetan ona perdua ba salan;

No kasu ona nia salan.

Rahun di’ak ba ema nebé Na’i la hetan salan,

La hetan bosok iha klamar. Refrão

 

Na’i, ha’u sala, maibé ha’u hakribi ha’u salan;

Ha’u la buka subar ha’u salan.

Ha’u dehan: “Ha’u sei dehan sai ha’u salan ba Na’i,

Itaboot perdua ha’u salan”. Refrão

 

Na’i, ema hotu sei husu Ita tulun iha oras susar;

Wainhira wé boot sei sa’e áas, sei la toman nia.

Na’i, Ita ha’u subar fatin, soi ha’u housi susar,

Halo ha’u fila hikas ho knananuk manan nian. Refrão

 

Aclamação                                                                                                                                                                                                                 2 Cor. 8. 9

Refrão : Aleluia. Aleluia!! Repete-se

Na’i Jesus Cristo be riku, halo An kiak tan imi,

Atu imi bele sai riku hodi nia kiak. Refrão

 

Evangelho                                                                                                                                                                                                             Mc. 10. 17-27

Nai Jesus Cristo nia Evangelho Nudar São Marcos haktuir:

Iha tempo neba, wainhira Jesus atu la’o ona, ema ida halai hasouru Nia, tuku tur ba rai hodi husu Nia, “Mestre di’ak, Ha’u sei ha’u sei halo sá atu bele hetan moris rohan laek?” Jesus hatan ba nia, “Tansá ó dehan Ha’u di’ak? La iha ema di’ak; Maromak mesak mak di’ak. Ó hatene ukunfuan sira: keta oho, keta halo adultério, keta na’uk, keta foti lia bosok hasouru ema, keta lohi ema, hamta’uk ó nia aman no inan”. Nia hatan hodi dehan ba Nia, “Mestre, ha’u moris tuir sira ne’e hotu houri kiik kedas”. Jesus fihir nia didiak, hadomi nia hodi dehan ba nia, “Buat ida de’it mak ó sei kuran: ba, fa’an ó nia sasan tomak, fahe ba ema kiak sira no ó sei hetan rikusoi iha Lalehan; hafoin, mai tuir Ha’u”. Nia neon sala tebes tan liafuan hirak ne’e; nia ba ho neon nakraik, basá nia iha rikusoi barak.

Jesus hateke hale’u, dehan ba Nia escolante sira, “Susar tebes duni ba ema riku sira atu tama iha Maromak nia reino”. Escolante sira hakfodak ho liafuan sira ne’e. Maibé Jesus dehan fali ba sira, “Oan doben sira, susar oin sá atu tama iha Maromak  nia reino. Kuda Camelo ida atu  tama iha daun nia kuak lalais liu fali ema riku ida atu tama iha Maromak nia reino”. Sira hakfodak liu tan hodi hateten ba malu, “Nune’e karik, ema sé mak bele hetan maksoyn?” Jesus hateke ba sira hodi dehan: “ba ema la bele, maibé ba Maromak lae, basá ba Maromak buat hotu bele de’it”.

Lia Maksoyn.

Leave a Reply

Your email address will not be published. Required fields are marked *