shadow
Diocese de Dili > NOTÍCIAS > LETURA DIÁRIA > Terça – Feira, VIII Semana Tempo Comum (ANO C)

Terça – Feira, VIII Semana Tempo Comum (ANO C)

Primeira Leitura                    Sir. 35. 1-15

Lia housi livro Ben Sirá:

Halo tuir lei, hanesan hasa’e sacrifício wa’in, moris tuir ukunfuan hanesan hasa’e sacrifício maksoyn nian. Ema nebé fó agradece, hanesan hasa’e karan u’ut farinha nian no fó esmola hanesan hasa’e sacrifício hahi nian. Buka fó ksolok ba Na’i hodi hadook-an housi buat áat; hadook-an housi han-matak no bosok hanesan sacrifício kasu sala nian. Ó keta hakbesik ba Na’i ho liman mamuk, basá, ó tenki hasa’e ba Na’i buat hotu tuir lei haruka. Ema nebé lós hasa’e presente  iha altar ho balada bokur, nia moris kmanek sa’e to’o Na’i be iha leten Aas liu Nia futar oin. Na’i simu ema lós nia sacrifício, hanoin kona ba nia sei hela metin ba nafatin. Hahí Na’i ho laran tomak, keta karak hasa’e aihan nebé silu dala uluk housi to’os ka natar. Iha ó nia buat karan hot-hotu hatudu ó nia oin ksolok, ho laran di’ak hasa’e ó nia esmola iha fatin santo. Ó hasa’e ba Na’i be iha leten Aas liu ba tuir buat nebé Nia haraik ba ó ho laran ksolok tuir ó nia kbiit. Tanba Na’i sei selu ó liu fali dala hitu. Ó keta hasa’e sacrifício ho laran makerek, basá, Na’i la simu no mós Nia la haksolok ho sacrifício be la lós, tanba Na’i nu’udar juiz, la haré ba ema nia oin.

Maromak Futar Lia.

 

Salmo Responsorial                                                                                                                                                          Sal 49(50). 1, 2-3ab, 3c-4 (R. 2ª)

Refrão : Ba ema nebé moris tuir dalan lós, ha’u sei fó Maromak Nia maksoyn!!! Refrão

 

Libur hamutuk Ha’u ema sira,

Sira be simu Ha’u Nia moruk hodi hasa’e sacrifío!

Lalehan haklaken Nia justice,

Maromak rasik tesi lia. Refrão

 

Ha’u Nia povo rona mai, Ha’u sei ko’alia,

Ha’u sei fó sasin hasouro ó.

Ha’u la kesar ó tan ó nia sacrifício sira,

Ó nia buat karan sira iha nafatin Ha’u oin. Refrão

 

Hasa’e sacrifício hahi nian ba Maromak,

Halo tuir ó lia hakotu ba Leten Aas liu ba,

Sacrifício hahi nian mak haksolok Ha’u, ba ema be tuir dalan lós

Ha’u sei fó Maromak Nia maksoyn. Refrão

 

Aclamação                                                                                                                                                                                                                   Mt. 11. 25

Refrão : Aleluia. Aleluia!! Repete-se

Rahun di’ak ba Ita, Aman, Na’i lalehan no rai nian, tan

Ita hatudu mistério reino lalehan nian ba kiik sira. Refrão

 

Evangelho                                                                                                                                                                                                            Mc. 10. 28-31

Nai Jesus Cristo nia Evangelho Nudar São Marcos haktuir:

Iha tempo nebá, Pedro hahu ko’alia ba Jesus dehan: “Ami husik buat hotu hodi tuir Ita”. Jesus simu hodi dehan: “Tebes, Ha’u dehan ba imi: Ema nebé husik uman, husik feton-naan, husik maun-alin, inan, aman, oan ka to’os,  tan ba Ha’u no tan ba Lia-Foun iha oras ne’e, nia simu uma, simu maun-alin, feton-naan, inan, oan no to’os sira, atus ida liu fali uluk nian; maibé, ema sei duni, hodi fó terus mós nia. Aban bain-rua, nia sei hetan moris rohan laek. Sira wa’in be uluk, balun sei ikus, sira be ikus sei uluk fali”.

Lia Maksoyn.

Leave a Reply

Your email address will not be published. Required fields are marked *