shadow
Diocese de Dili > NOTÍCIAS > Notícias > MENSAGEM DO PAPA FRANCISCO BA QUARESMA DE 2019

MENSAGEM DO PAPA FRANCISCO BA QUARESMA DE 2019

«Basa mundo tomak hein mana-manas tempo wainhira sei hatudu Maromak nia oan sira» (Rm 8, 19)

 

Maun alin no inan feton doben sira !

Tinan-tinan, liuhusi Inan Igreja, Maromak «haraik ba ema fiar nain sira graça preparação nian, iha ksolok fuan ne’ebé moos, atu bele celebra didiak festas pascais, atu ikus mai (…), participa duni iha mistérios renovação cristã nian, nune’e bele to’o ba plenitude filiação divina» (Prefácio Quaresma I nian). Tamba ne’e, husi Páscoa ba Páscoa, ita mos bele la’o ba realização husi salvação ne’ebé ita simu tiha ona, graças ba mistério pascal Cristo nian: «basa, iha esperança mak ita hetan maksoin» (Rm 8, 24). Mistério salvação ne’e, moris ona iha ita durante ita nia moris iha rai ne’e, ne’e mak processo ida dinâmico ne’ebé abrange mos iha história no ba criação tomak. São Paulo too ba dehan: «basa mundo tomak hein mana-manas tempo uainhira sei hatudu Maromak nia oan sira» (Rm 8,19). Iha perspetiva ida ne’e, ha’u hakarak oferece propostas reflexão balun, ne’ebé bele acompanha ita nia dalan hakribit salan nian iha Quaresma nia laran.

 

1. Redenção husi criação

Celebração ba Tríduo Pascal ne’ebé sura husi paixão, mate no ressurreição Cristo nian, ponto culminante husi Ano Litúrgico, sempre bolu ita atu moris iha itinerário preparação nian ida, cientes atu sai hanesan Cristo (cf. Rm 8, 29) ne’e mak dom inestimável ida husi misericórdia Maromak nian. Se ema hotu moris hanesan Maromak Oan, se moris hanesan ema redimida, hodi husik Espírito Santo mak ukun(cf. Rm 8, 14), no hatene reconhece no pratica Maromak nia ukun fuan, atu hahu husi lei ne’ebé rai metin iha fuan no iha natureza, beneficia mos fuan, coopera dadaun ba ninia redenção. Tamba ne’e, criação – dehan São Paulo – deseja lalaok intensíssimo ne’ebé se manifesta hanesan Maromak nia oan sira, ne’e mak, moris hirak ne’ebé goza graça husi mistério pascal Jesus nian ne’ebé mos plenamente hetan fuan diak, destina an atu hetan ninia  amadurecimento ne’ebé completo iha redenção husi ema ninia isin rasik. Uainhira caridade Cristo nian transfigura iha santo sira nia moris – espírito, klamar no isin –, hirak ne’e hasae gloria ba Maromak, ho fuan, contemplação no arte, envolve mos iha ne’e criatura sira, hanesan hatudu admiravelmente  «Cântico husi maun loron matan», husi São Francisco de Assis (cf. Encíclica Laudato si’, 87). Iha mundo ne’e, mosu duni harmonia ne’ebé moris husi redenção continua– no hanesan ne’e bebeik – hetan ameaça husi kbiit  negativa  pecado no mate nian.

 

2. A força destruidora do pecado

Com efeito, uainhira ita lamoris hanesan Maromak oan, dala uain ita lao tuir comportamentos ne’ebe harahun nian husi ita nia maun alin sira no husi criatura sira seluk – maibé mos husi ita nia an rasik –, considera dadaun, husi forma mais ou menos consciente, ne’ebé mos bele usa sira hanesan buat diak. Então hatuur duni nia nudar  intemperança, lori dadaun estilo moris nian ida ne’ebé viola limite sira ne’ebé mak ita ninia condição humana no natureza husu mai ita atu respeita, lao tuir desejo sira ne’ebé  labele controla tan, hanesan iha livro Sabedoria nian, sei bele  atribui ba ímpios, ou seja, ba sira hirak ne’ebé laiha Maromak hanesan ponto referência husi sira ninia ações, nem esperança ida ba futuro (cf. 2, 1-11). Se ita labele fila fali ba Páscoa, ba horizonte Ressurreição nian, ne’e claro katak sei hotu hodi hatur lógica husi buat hotu ne’ebé imediatamente, atu sai nain cada vez mais.

Hanesan ita hatene, causa husi sala hotu mak pecado, ne’ebé, desde ninia aparição iha ema ninia leet, interrompe tiha comunhão ho Maromak, ho ema seluk no ho criação, iha ne’ebé mak ita hasoru ligação antes de mais laos tan buat ida liuhusi ita ninia isin. Harahun tiha comunhão ho Maromak, rohan mos ho relação harmoniosa husi seres humanos ho meio ambiente, iha ne’ebé ita hotu hetan bolu atu moris, iha ponto jardim nian ne’ebé sei transforma iha deserto (cf. Gn 3, 17-18). Trata husi pecado hirak ne’e hodi lori ema atu considera hanesan maromak criação, atu sente ninia nai loloos no usa nia, laos ba fim domin nian husi Criador, maibé ba ninia rasik nia interesse iha detrimento criaturas nian no husi ema seluk. Uainhira sei haketak an husi ukunfuan Maromak nian, ukunfuan domin nian, rohan mos atu afirma ukunfuan ne’ebé makaas liu husi sira ne’ebé fraco liu. Pecado – ne’ebé belit iha ema ninia fuan (cf. Mc 7, 20-23), hatudu dadaun hanesan avidez, ambição ne’ebé harahun bem-estar, desinteresse ba ema seluk ninia diak no dala barak mos husi nia an rasik – lori ba  exploração husi criação (ema no meio ambiente), dudu husi ganância insaciável ne’ebé mak considera desejo tomak hanesan direito ida no, cedo liu ou tarde liu, sei hotu hodi harahun inclusive se mak domina nia.

 

3. Kbiit moris diak nian husi hakribit salan no perdão

Tamba ne’e, criação ne’ebé mak iha hodi impelenta necessidade ne’ebé sei revela ba Maromak oan sira, sira ne’ebé mak sai «criação foun»: «ne’e duni ema hela iha Cristo karik, nia sai duni buat foun ida. Buat tuan nian liu tiha ona; haree ba buat hotu foun fali ona» (2 Cor 5, 17). Com efeito, ho ninia manifestação, criação rasik bele mos «halo páscoa»: sei nakloke ba lalehan foun no rai foun (cf. Ap 21, 1). No dalan ba Páscoa nian bolu ita precisamente atu restaura ita ninia fisionomia no ita ninia fuan hanesan cristãos, liuhusi hakribit salan, conversão no perdão, atu ita mos bele moris iha rikusoin tomak graça mistério pascal nian.

«Impaciência» ida ne’e, hanesan expetativa husi criação ne’ebé sei haree ba satisfação uainhira hatudu duni ba Maromak nia oan sira, ne’e katak, uainhira cristão sira no ema hotu tama decididamente iha «parto» katak conversão. Ita hamutuk, criação tomak mak hetan bolu atu sai husi «escravidão corrupção nian, atu too ba liberdade iha glória Maromak oan nian» (Rm 8, 21). Quaresma mak sinal sacramental husi conversão. Nia bolu ema fiar nain tomak atu hola isin ida, husi forma intensa liu no concreta, mistério pascal iha ninia vida pessoal, familiar no social, particularmente liuhusi jejum, husi oração no husi esmola.

Hadera an, ida ne’e mak, aprende atu modifica ita ninia atitude ho ema seluk no criaturas: hakat liu tentação ne’ebé «satan» buat hotu hodi mos satisfazer ita ninia  voracidade, capacidade hodi sofre tamba domin, ne’ebé bele preenche ita ninia fuan ne’ebé mamuk. Harohan, atu hatene renuncia idolatria no autossuficiência husi ita ninia ha’u, no ita mos declara an hanesan ema ne’ebé necessita Maromak no ninia laran luak. Fo esmola, atu sai husi insensatez moris nian no halibur buat hotu ba an rasik, ho ilusão ne’ebé hametin ita iha futuro ne’ebé laos ita nian. No, nune’e, hasoru fila fali ksolok husi projeto Maromak nian ne’ebé coloca ona iha criação no iha ita ninia fuan:  projeto hodi hadomi ba deit Nia, ba maun alin sira no ba mundo tomak, hetan fali domin ida ne’e iha ksolok ne’ebé loloos.

Maun alin inan feton doben sira, «quaresma» husi Maromak Oan consisti ona hodi trama iha rai fuik maran criação nian hodi halo nia fila fali ba jardim comunhão nian ho Maromak ne’ebé antes ne’e pecado hahu husi ne’e (cf. Mc 1,12-13; Is 51,3). Ne’ebé ita nia Quaresma sai duni dalan ida hanesan atu hakat ba, atu lori duni esperança Cristo nian mos ba criação, ne’ebé « sei hetan liberdade husi escravidão corrupção nian, atu alcança liberdade iha glória Maromak oan nian» (Rm 8, 21). Labele husik ita an atu hakat mamuk deit iha tempo favorável ida ne’e ! ita husu ba Maromak atu tulun ita hodi realiza dalan loos nian ba conversão. Ita precisa husik egoísmo, hateke loos ba ita an rasik, no fila ita an ba Páscoa Jesus nian; halo ita an besik ba maun alin bin feton sira ne’ebé kuran, fahe ho sira rikusoin espirituais no materiais. Nune’e duni, ita sei hetan iha ita ninia vida concreta vitória husi Cristo kona ba pecado no mate, ita mos sei dada criação no nia kbiit transformadora.

 

Vaticano, Festa de São Francisco de Assis, 4 de outubro de 2018.

Franciscus

Leave a Reply

Your email address will not be published. Required fields are marked *