shadow
Diocese de Dili > NOTÍCIAS > Notícias > VALORIZA NO TANE AS ESTADO NIA INTERESSE

VALORIZA NO TANE AS ESTADO NIA INTERESSE

DCDD – Liafuan xave ne’e mak Comandante Geral PNTL foun hatoo iha cerimonia tomada de posse hodi mos celebra aniversario PNTL nian ba dala XIX. Iha cerimonia aniversario PNTL nian no tomada de posse comandante geral PNTL no II comandante ne’e participa husi  ex-titulares orgãos soberania sira, membros do governo, titulares husi orgãos constitucionais, embaixadores, representante corpo diplomatica sira, policias no civis husi PNTL sira, comvidados husi rai liur no rai laran. Cerimonia ne’e hala’o iha loron 27 fulan Março de 2019 iha academia policia de comoro.   Iha discurso comandante geral PNTL Faustino da Costa A. Ma dehan : “ami na’in rua, ha’u ho srgundo comandante Mateus Fernandes mak lideransa maximo iha PNTL maibé ami hatene katak sei iha comandante geral ida iha leten liu mak lei no constituição”. Liutan ne’e Faustino hateten “tinan 19 nia laran PNTL hamriik laos ona idade ida sei labarik, maibé considera ida ne’e idade labarik ne’ebé atinge ona idade jovem nian, no tempo atu hatene no aprende buat foun balun iha ninia moris”.  Iha tinan 19 nia laran ne’ebé ema hotu acompanha, PNTL ne’ebé ho ninia liderança sira ne’ebé liu ona consegue lidera no lori ona PNTL husi idade hodi coloca an hanesan jovem ida.

“Atu bele iha mudança iha PNTL mak precisa amandamento ba lei organica, estrutura PNTL nian inclui meios no infraestruturas no desenvolvimento tecnologico firmes ne’ebé precisa hadia” afirma Faustino.

iha biban hanesan Presidente da Republica coloca mos iha descurso katak “ho modo especial hanesan Presidente da Republica hatoo ninia gratidão ba PNTL no ninia membro sira ne’ebé ho digno, no dedicada hodi hala’o serviso lor-loron ba país nia diak no país ninia estabilidade”. Liu tan ne’e presidente da Republica observa katak “ ida ne’e mos mak momento ida oinsa mak halo reflexão iha dalan sira ne’ebé la’o ona to’o ohin loron hodi desenvolve diak liutan mudanças ho ninia forma ida hodi contribui halo consolidação ba sistema ida iha segurança interno no moderno”.

“ritmo husi mudança ne’e boot tebes, processo ne’ebé dadaun ne’e la’o hodi halo renovação ba cargo chefia nian ne’ebé ita asiste dadaun iha PNTL hanesan buat diak ida” dehan Presidente da Republica.

“Hanesan presidente da Republica hato’o ha’u nia votos de sucesso hodi cumpre itaboot ninia missão ho tulun itaboot ninia segundo comandante Mateus Fernandes”. Salienta presidente da Republica.

Ikus liu Presidente da Republica dehan “ iha ocasião mudança nian ne’e no husi buat loos hotu ne’ebé iha, ha’u mos liafuan agradecimento nian no reconhecimento publico ba antecesor Comisario Julio da Costa Hornai ne’ebé presente iha ne’e, ne’ebé liuhusi ninia dedicação hodi halao serviço ida ho competencia iha PNTL nia oin”

Cerimónia aniversario PNTL nian ba dala XIX no tomada de posse ba comandante geral no segundo comandante remata ho parada militar husi companhia PNTL tomak. (Marvel Olive)

Leave a Reply

Your email address will not be published. Required fields are marked *