shadow
Diocese de Dili > NOTÍCIAS > Notícias > ACTIVIDADE ORGÃO LEGISLATIVA NIAN IHA LORON 1 DE ABRIL DE 2019

ACTIVIDADE ORGÃO LEGISLATIVA NIAN IHA LORON 1 DE ABRIL DE 2019

DCDD – Actividade orgão legislativa nian iha loron 1 de Abril de 2019 hahu kedas ho aprovações de votos pesar ba matebian nain rua mak hanesan Caetano dos Santos (Manu Fuik) no Helder Manuel Pires Piedade(Foho Rai Bo’ot). Hafoin de ne’e iha mos declarações políticas husi Bancada Parlamentares, intervenções husi Senhores distintos Deputados no ikus liu mak informação husi Sua Ex.cia Ministro da Reforma Legislativa e dos Assuntos Parlamentares kona ba questões ne’ebe hatoo husi Senhores Deputados tomak.

Iha ocasião ne’e Ministro da Reforma Legislativa e dos Assuntos Parlamentares  Sr. Fidelis Magalhães  informa “ uluk nanain governo apresia tebes ho votos pesar ne’ebé ohin distintos deputados tomak hato’o ona ba matebian nain rua, Caetano dos Santos (Manu Fuik) no Helder Manuel Pires Piedade(Foho Rai Bo’ot) no reconhecimento ba sira nia contribuição tomak ba luta ukun rasik an, no expressa solidariedade ba familia emlutada no familia boot RENETIL nian”.

Tuir mai hato’o mos questões seluk ne’ebé deputado sira foti, uluk liu mak UNTL nian, Ministro ne’e dehan “  hala’o tiha ona encontro ida iha conselho de ministro, ne’ebé tuir lei dehan conselho geral UNTL nian tem que apresenta sira ninia proposta kona ba lista estudantes tinan ida ne’e nian, tamba ne’e hamutuk hela ho UNTL, no ami sei confirma fali ho senhor Ministro Ensino Superior hodi supervisiona diak liutan processo ida ne’e”.

Hatan ba questão deputado Antoninho Bianco nian kona ba comunidade Timorense nian iha rai liur, Ministro da Reforma Legislativa e dos Assuntos Parlamentares ne’e dehan “ governo regista hodi coordena ho Ministerio de Justiça, hodi facilita precesso sira hanesan passaporte, registo no mos quetões relevantes kona ba ita nia comunidade sira iha rai liur”

Ba assunto ponte Bangladesh nian iha Viqueque   Ministro da Reforma Legislativa e dos Assuntos Parlamentares ne’e hato’o ona ba ministerio obras publicas no iha biban seluk uainhira koalia kona ba estrada Lolotoe Ministro Fidelis Magalhães dehan “ estrada Lolotoe ne’e, governo hatama plano  iha tinan 2019 no sei construi iha 2020, maibé antes ne’e halo tiha ona estrada so que laiha qualidade, tamba simu tiha projeto maibé laiha responsabilidade hodi nune’e abonda tiha de’it, ida ne’e ita tem que hadia”.

“problema lixo iha Dili, tama iha plano 2019 ne’e, estatal halo ona processo hodi halo sistema foun ba gestão lixo nian, maibé problema ida mos mak conscencialização ne’ebé mos importante tamba ita soe lixo latuir oras, ita precisa fixa lai oras ne’ebé mak mai colheita lixo ne’e, atu nune’e  ema soe lixo ne’e antes” dehan Ministro da Reforma Legislativa e dos Assuntos Parlamentares hodi hakotu ninia intervensão. (Alin, Marta & Marvel Olive)

Leave a Reply

Your email address will not be published. Required fields are marked *