shadow
Diocese de Dili > NOTÍCIAS > Notícias > LIDERANÇA, PAZ NO ESTABILIDADE

LIDERANÇA, PAZ NO ESTABILIDADE

DCDD,-coincide kedas ho tema eclesia mundial nian ne’ebé papa Francisco proclama ona iha tinan ne’e hodi foti hanesan tinan juvenil nian, ho ninia topico “Juventude Missionaria, Ne’ebé Ba Hodi Haklaken”  mak iha loron Quarta-Feira (03/04/2019) Universidade Nacional Timor Lorosa’e liu husi gabinete aconselhamento traça ba estudante universitario sira hodi hala’o retiro anual ba tempo Quaresma nian iha Igreja Nossa Senhora Immaculada Conceição-Catedral-Dili ho ninia tema mak “Liderança, Paz no Estabilidade”. Pe. Nivio Correia Lebre, FdCC nudar capalão ba UNTL hateten “retiro ida ne’e nian halao husi UNTL hodi prepara joven universitario sira hodi lori fali estudante sira, ho nune’e bele haree fila fali estudante tomak nia aspeto espiritual nian hodi confessa, hadia didiak sira nia an ba festa Pascoa”.

Kona-ba objetivo husi retiro ne’e Padre capelão ne’e hateten “ objetivo principal ne’e mak atu lori sarani ida-idak liu-liu sarani universitario sira UNTL nian hodi besik liutan ho Maromak, alem de habesik sira an ho Maromak, halo sira mos bele cria sensibilidade ida katak ho Maromak mak ita nia modo de servi ne’e liuhusi servi ema seluk”.

Ikus liu iha mensagem ba sarani no liu-liu estudante sira iha Timor Padre Nivio dehan “ oinsa mak iha momento forte no importante tebes ne’e, ao mesmo tempo Papa Francisco rasik traça ona tinan ida ne’e hanesan tinan juvenil nian, tamba ne’e Santo Padre husu liu-liu atu sai Juventude Missionaria, ne’ebé ba hodi haklaken, ne’ebé han malun kedas ho ita ninia situação hodi coloca kedas kona ba “Liderança, Paz no Estabilidade” ne’e katak haree ba joven sira hanesan agente ba paz nian, hanesan agente ba estabilidade nian hodi cria sensibilidade ida oinsa moris hamutuk hanesan joven ne’ebé produtivo, ativo no inovativo iha sira ida-idak nia moris”.

Participa iha retiro ne’e mak estudante universitario tomak UNTL nian ho pregador ba retiro ne’e mak Pe. Leandro Maria Alves. (Marvel Olive & Marta)

Leave a Reply

Your email address will not be published. Required fields are marked *