shadow
Diocese de Dili > NOTÍCIAS > REFLEXÃO > IMPORTÂNCIA HUSI DOMINGO DE RAMOS

IMPORTÂNCIA HUSI DOMINGO DE RAMOS

Domingo Ramos hanorin ita atu lao tuir Cristo hodi nunee renuncia ita ninia an rasik, mate iha rai hanesan trigo musan atu nunee bele fo fuanSemana Santa começa ho Domingo de Ramos, tamba celebra entrada Jesus nian iha Jerusalém hodi sae kuda camelo ida –hanesan símbolo haraik an nian – no povo baibain sira hakilar, basa liman hodi hakilar “ida nebe mai hodi Nai nia naran”. Povo nee haree Jesus nebe halo moris Lazaro husi Betânia foin lalais no sente rahun kamnek ida nee. Nia iha duni certeza ho acontecimento nebe Messias anuncia husi profeta sira; maibe povo ida nee duni maka sei enganado iha tipo de Messias nebe Cristo rasik. Hanoin mos katak bele sai Messias politico ida, libertador social nebe bele hasai Israel husi Roma ninia ukun no lori fila nia ba hetan fatin aas hanesan tempo Salomão nian. Atu hatudu lolos ba povo ida nee katak Nia laos Messias temporal no político, libertador efêmero ida, maibe libertador boot pecado nian ida, abut husi sala hot-hotu nian, então, Jesus tama iha cidade boot, ba Jerusalém patriarcas nian no liurai sagrados ninia fatin, sae kuda camelo ida; expressão husi pequenez terrena nian. Nia laos Liurai mundo nee nian! ho forma ida nee duni maka, Domingo de Ramos inícia ba Semana Santa, nebe kahur kedas ho hakilar hosana nian, nunee mos hakilarkona ba Cristo nia terus. Povo sira simu Jesus hos sira ninia ramos de oliveiras no palmeiras.

Ramos mos fo hanoin kona ba ita ninia batismo Ramos hirak nee significa vitória: “Hosana ba David nia oan: rahun diak ba ida nebe mai hodi Nai nia naran, Liurai Israel; hosana leten aas ba”. Ramos santos halo ita hanoin fali, katak ita hotu batizados, Maromak oan, membros Cristo nian, participantes Igreja nian, defensores husi fé católica, especialmente iha tempos difíceis ida nee, iha nebe maka desvaloriza no sama tiha ba rai. Ramos sagrados nebe lori ita ba ita ninia uma, hafoin Missa hotu, fo hsnoin msi ita katak ita sai ida deit ho Cristo iha luta ida deit maka salvação mundo nian, luta nebe makaas hasoru pecado, dalan ida iha direção ba Calvário, maibe sei too ba moris hias.

 

Sentido husi Procissão Ramos nian

Sentido husi Procissão Ramos nian maka hatudu peregrinação iha rai, nebe cada cristão realiza iha dalan moris rohan laek nian ho Maromak. Nia fo hanoin fali ita katak ita hanesan deit ema lao rai iha mundo nee; nebe mos passageiro deit, transitório deit, nebe sei liu lalais deit. No hatudu mai ita katak ita horik fatin lolos laos iha mundo nee, maibe iha eternidade, nebe iha nee ita hotu bele moris deit hanesan exílio nebe lalais no ba hamutuk iha Aman ninia uma. Missa Domingo de Ramos lori narração husi São Lucas kona ba Ita Nai Jesus Cristo ninia terus : Ninia angústia mortal iha toos Oliveiras nian, ninia ran nebe nasulin ho kosar, beijo traiçoeiro Judas nian, prisão, maus-tratos nebe mai husi soldados sira nia liman rasik iha Anás ninia uma, Caifás; Ninia julgamento iníquo iha Pilatos nia oin, depois, iha Herodes ninia oin, Ninia condenação, povo sira hakilar “hedi nia ba Cruz, hedi nia ba Cruz”; lia kroat sira, humilhações, iha dalan ba too Calvário, Cirineu ninia tulun, consola ba feto laran diak sira, Cruz terrível nebe Nia hulan, Ninia diálogo ho naok ten laran diak, Ninia mate no moris hias. Entrada “solene” Jesus nian iha Jerusalém Entrada “solene” Jesus nian iha Jerusalém sai ona prelúdio husi ninia terus no humilhações. Hirak nee hotu mai husi ema hirak nebe hahi Nia, motiva husi Ninia milagres, agora fali hatudu liman ba Nia no barak maka husu atu hedi Nia iha Cruz. Jesus, nebe hatene ema ninia fuan, la sente iludido. Falsidade hira ba hira maka iha ema ninia attitudes ema nian! lições hira ba hira maka husik mai ita iha Domingo de Ramos ida nee! Mestre hanorin mai ita, ho factos no exemplos, katak ninia, de fato, laos husi mundo nee. Katak Nia laos mai atu halakon César no Pilatos, maibe atu halakon inimigo ida nebe pior liu no invisível: nee maka pecado. No tamba nee maka precisa sacrifica Nia an; simu terus, liuhusi mate atu harahun mate; lakon moris atu manan moris. Nai Jesus Cristo dala barak maka decepciona; hanoin katak Nia bele duni sai Pilatos no muda ninia reino husi David no Salomão iha Israel;

maibe Nia mai hodi sae deit kuda camelo ida nebe frágil no kiak. Ema barak hanoin : “katak Messias maka nee ? nebe sai libertador ? hanesa mau lohi ida! Hanesan bosok ten ida nebe merece simu cruz ba ita nin ia hadook an”. Talvez Judas iha ona decepção nebe boot liu. Domingo Ramos hanorin ita atu luta ho Cristo no ho Igreja nunee, consequentemente, ita ninian mos, nee maka luta contra pecado, desobediência ba Lei Sagrada Maromak nian, nebe ohin loron ema hatais iha ain, too cristãos lubuk ida maka prefere atu moris iha Cristianismo “light” ida, adaptado ba sira ninia gostos no interesses, no tuir deit sira ninia conveniências. Haruka deit, hanesan Papa emerito Bento XVI dehan, “ ditadura husi relativismo, Domingo Ramos hanorin mai ita atu lao tuir Cristo hodi nunee bele renuncia ita ninia an rasik, mate iha rai nee hanesan trigo musan ida nebe bele fo fuan, enfrenta laran nakali sira no ofensas tamba deit Evangelho Jesus nian. Nia maka hasai ita ninia comodidades no ita ninia facilidades, atu lori ita ba hamutuk iha ninia kbiit salvação nian. (Mário de Oliveira Pires)

Leave a Reply

Your email address will not be published. Required fields are marked *