shadow
Diocese de Dili > NOTÍCIAS > Notícias > EMA HOTU DEVE JORNALISTA SIRA

EMA HOTU DEVE JORNALISTA SIRA

DCDD – Comemora loron liberdade imprenssa nebe monu iha loron tolu fulan Maio ne, Departemento comunicação social, Faculdade Ciência Política, Universidade Nacional Timor-Leste (UNTL) halao marçha husi Campus UNTL Caicoli to iha taci ibun palacio governo nian. Iha marçha ne estudante sira lori mos pamfleto no spanduk. Iha pamfleto no spanduk sira ne estudante sira hakerek liafuan sira hanesan; viva liberdade imprenssa, trata Jornalista ho digno no liafuan sira balun nebe hato’o homenagem ba jornalista sira nebe lakon vida wainhira halao sira nia kna’ar liu-liu sira nebe lakon vida iha Timor-Leste. Hafoin to iha tasi ibun parte palacio governo nian, chefe departemento Comunicação social, Marcelino Magno ba Jornalista sira hateten iha Jornalista barak maka sacrafica sira nia an atu haklaken lian los “ iha Timor-Leste jornalista barak maka fo sira nia vida ba rai ne, começa husi Caso Jornalista nain lima iha Balibo, Roger East iha Portu Dili, Francisco Borja, Bernardino “Bedinho” Guterres iha Culuhun, Agus Mulyawan iha Lospalos Apikuru no Sander Toenes iha Becora. To agora caso hanesan sei aconteçe nafatin iha rai seluk nudar eis Jornalista hau mos uluk lakon hau nia amigo diak ida ho naran Muhamad Syarifudin “Udin” husi Jornal Bernas  Jogjakarta Indonesia nebe lakon nia vida tanba nudar jornalista nebe crítico hasoru regime Soeharto” Dehan Marcelino Magno.

Chefe departemento ne mos apela ba estudante Comunicação Social sira atu banati tuir Jornalista sira nebe maka halao hela nia kna’ar, tanba nudar estudante sira deve jornalista sira no laos deit estudante maibe ema hotu-hotu . Marcelino Magno mos hatutan Estudante sira comemrora loron ne atu hatudu mos sira nia apoio moral ba Jornalista sira atu labele tan iha torturação, intimidação ba Jornalista sira, laiha tan sensura ba noticia sira. Comemoração ne remata ho sunu lilin no kari aifunan ba tasi laran nudar homenagem ba Jornalsita sira nebe lakon sira vida wainhira halao sira nia kna’ar. (R. Mauloi)

Leave a Reply

Your email address will not be published. Required fields are marked *