shadow
Diocese de Dili > NOTÍCIAS > Notícias > Jornalista TL Comemora Loron Mundial Liberdade da Imprensa ho Marçha

Jornalista TL Comemora Loron Mundial Liberdade da Imprensa ho Marçha

DCDD – Loron 3 fulan Maio Internacionalmente ONU declara nudar loron Mundial ba liberdade da imprensa nian. Iha Timor-Leste hahu kedas iha tinan 2000 wainhira restaura ona nia independéncia, hahu kedas comemora loron liberdade da imprensa ne’e. Comemora loron liberdade imprenssa nebe monu iha loron tolu fulan Maio ne, iha Timor-Leste, Midia sira hotu nebe existe iha nação ida nee, hamutuk ho estudante Universidade sira halao marçha husi Centro Convensão de Dili nia oin too iha Terminal Becora. Iha marçha nee estudante sira lori mos pamfleto no spanduk sira nebe hakerek liafuan sira hanesan; viva liberdade imprenssa, trata Jornalista ho digno no liafuan sira balun nebe hato’o homenagem ba jornalista sira nebe lakon vida wainhira halao sira nia kna’ar liu-liu sira nebe lakon vida iha Timor-Leste.

 Presidente Conselho de imprensa (CI) Virgilio da Silva Guterres iha ocasião nee haktuir katak, “Comemoração ida ne’e tinan-tinan ita continua halo tanba iha momentu neba associação Jornalista Timor Lorosae (AJTL) mak hahu, depois tuir mai iha sindikatu Jornalista Timor leste (SJTL), Timor leste Press unio (TLPU) hamutuk então tinan-tinan ita halo comemoração ho marçha ida”. Presidente Conselho Inprensa nee realsa tan katak, “Hanesan mos iha nivel internacional, comemoração iha Timor mos atu hanoin fali sacrifício sira nebe ema halo ba rai ida ne’e tanba profissão Jornalismo. ita hatene husi kedas Caso Jornalista nain lima iha Balibo (1975) Balibo five, Roger East iha Portu Dili, Francisco Borja, Bernardino “Bedinho” Guterres iha Culuhun, Agus Mulyawan iha Lospalos Apikuru no Sander Toenes iha Becora, ema sira ne’e hotu tanba profissão Jornalista nebe que haruka sira mai buka informação atu fahe ba linha público ikus mai tem que mate iha ita nia rain tanba comflito nebe mosu. Razão ida nee mak iha 3 de Maio tinan-tinan ita hanoin ema sira ne’e. Iha comemoração nee mos ita exige ba Estado Governo rai ida nee nian atu tau matan ba servisu jornalismo nian liu-liu atu fo acesso ba jornalista sira hodi hetan informação nebe que diak ba público.

Iha biban hanesan, Deputado David  Mandati fo nia parabens ba jornalista sira nebe halao knar hodi fahe informação ba público. Relaciona ho comemoração nee Deputado David  Mandati hateten, “Hau fo parabens ba ita nia jovem sira nebe ohin vincula an iha jornalismo nia laran, apesar ita sei iha fraquezas mas dezemvolve, tem que iha espírito compativo e Espírito de sacrifício. Aprende buat jornalismo nee la fácil, maibe tem que iha espírito, tem que fo ho neon, tem que iha moral ba ita nia servisu. moral nee mak ita nia espírito de dedicação ‘tekun dalam apa yang kita lakukan’ para depois ita desemvolve. Ita foin 18 anos, hau lakohi temi nafatin deit buat ida ita foin aprende deit lae! 18 anos nee katak bele lao ona ba oin. Tanba nee tem que buka oinusa para qualidade nee tem que aumenta”. (Alin)

Leave a Reply

Your email address will not be published. Required fields are marked *