shadow
Diocese de Dili > NOTÍCIAS > Notícias > SARANI AITARAK LARAN COMEMORA FESTA S. JOSÉ OPERÁRIO

SARANI AITARAK LARAN COMEMORA FESTA S. JOSÉ OPERÁRIO

DCDD – iha loron 1 fulan Maio nudar loron ba Festa do trabalho. Iha tinan 1955 Papa Pio XII tau loron “Festa do Trabalho” nee ninia mahein mak São José Operário hodi hatudu katak Nia mak modelo ba trabalhador sira hotu. Iha Timor-Leste, Instituição, Paróquias no estação sira nebe foti São José Operário sai protetor, iha loron nee liburan hamutuk hodi celebra festa boot nee. Tan nee, iha Capela São José Operário Aitarak laran Paróquia Motael liburan hamutuk iha capela aitarak laran hodi celebra festa boot nee. Iha comemoração nee inicia ho Eucaristia nebe preside husi Padre Pároco Motael, Pe. Guilhermino da Silva. Nunee mos iha celebração nee iha Sacramento sira hanesan; primeiro cominhão hamutuk nian 96 no batismo hamutuk 113.

Iha Pe. Guilhermino da Silva ninia homilia relaciona ho festa São José Operário nee hateten, “Los duni, ita sarani nia fiar nebe iha sei la sai roman ba ema seluk se ita la hatudu liu husi obra, hanesan São José mane simples ida nebe ho nonok hala’o nia kna’ar nu’udar badaen simples, Nia foti Nia obrigação nu’udar laen hodi tuba iha uma kain ida nebe Maromak nia Oan presença ba. São José precisa realiza nia hahalok tan ne’e nu’udar provas concreta nebe hatudu katak ita nu’udar fiar ida nebe boot no klean”.

Liu tan Pe. Pároco Motael nee hateten; “Maromak nia liafuan ohin nian hakarak hanorin ita hotu atu ita labele hafoun ita nia laran no ita nia hanoin ho sentimento nebe negativo nebe ikus mai bele oho mate sentimento domin no fiar ba ema seluk, ate badaen ai. Ita precisa aprende husi figura foun nebe simples no bai-bain maibe Nia badinas no fiar tebes ba Nia kna’ar, Nia iha responsavel boot ba Nia obrigação, Nia mak São José, Jesus nia Aman hakiak no Na’in Feto Maria nia kaben nebe ohin ita celebra Nia loron. Iha pribadi José katak badaen ai nia an seviço liman nian hetan dimensão divina ho Nia seviço simples ba responsabilidade máximo hodi hakiak to’o boot Maromak nia Oan Mane ita Na’i Jesus Cristo ba mundo nia salvação. São José nu’udar ema fiar na’in no hatene tebes katak seviço mak foti sa’e ema nia valor no dignidade nu’udar Maromak nia criatura no bele halo ema participa iha obra criação ho Maromak nia obra redenção nian.

Iha parte ikus nian Pe. Guilhermino da Silva observa katak, “Celebração ida ne’e, hakarak convida ita hotu atu reflete no compriende valores no significa seviço. Ita fo folin ba moris ne’e liu husi seviço ka hala’o ita nia kna’ar ho didi’ak. Seviço alende ita foti sa’e ita nia qualidade no valoriza ita nia dignidade ita hakarak mos atu hahi Maromak no fo glória ba Maromak nebe halo ona digno ba ita no Nia husu atu ita dezenvolve mundo ne’e ba ita nia moris rasik. Estudante sira nebe hamahan an iha São José Operario nia mahan, ita precisa kaer principio nebe José hatudu ona iha Nia moris, badinas hala’o ita nia kna’ar ho responsabilidade máximo, liu-liu ba aman-inan sira. Aman sira keta hanoin harii uma kain no responsabilidade ba de’it oan, la facil maibe ita precisa temque  halo ho haraik an no laran metin ba Maromak nia tulun. Ema barak haré obra simple ne’e no ema simples sira hanesan fuan tatoli tanba ne’e ema barak ohin loron gosta atu ema bolu sira ka hakerek sira nia titúlo acádemico nebe sira iha. Ema hanoin katak nia-an maka’as ona ho titúlo acádemico nebe nia iha. Iha realidade la hanesan katak la’os ema hotu nebe iha titúlo acádemico boot bele sai ema nebe maka’as no la’os ema hotu nebe maka’as ne’e iha titúlo acádemico boot.

Ita precisa haré Jesus wainhira Nia mosu iha publico hodi hanorin lialos no matenek, ema la simu tan sira hatene Nia mai husi familia simples ida katak Nia badaen ida nia Oan, Nia la escola iha univercidade nune’e Nia laiha titúlo acádemico nebe boot hanesan ema matenek ohin loron maibe Ninia idea no Ninia hanoin transforma kedas mundo tomak to’o ohin loron nune’e ema barak fiar no rona Nia no ema barak hakarak tuir Nia.Liu husi ita nia capela ida ne’e, ita hakarak atu ita hadia ita nia qualidade fiar nian di’ak liu, ita fiar iha Na’i Maromak nebe bolu ita atu serbi Nia liu husi ita nia moris ema bai-bain nian. Dala ida tan, ita precisa hanoin katak la’os ema nebe iha titúlo boot bele halo buat di’ak maibe ema simples nebe iha vontade boot bele buka muda mundo nia lala’ok iha moris lor-loron nian”. (Leo)

Leave a Reply

Your email address will not be published. Required fields are marked *