shadow
Diocese de Dili > NOTÍCIAS > Notícias > D. VIRGÍLIO INAUGURA UMA COMUNIDADE ORDEN DOS PREGADORES NIAN IHA HERA

D. VIRGÍLIO INAUGURA UMA COMUNIDADE ORDEN DOS PREGADORES NIAN IHA HERA

DCDD- Loron 4 fulan Maio tinan 2019, mahein diocese de Dili Dom Virgílio do Carmo da Silva, SDB no FR Bonifacio Garcia Solis OP, Superior Provincial husi Provincia Nossa Senhora do Rosário halo inauguração ba Comunidade husi Orden dos Pregadores dahuluk iha Timor-Leste iha Hera. Iha inaugaração ba uma comunidade religiosa Dominicano nian iha Hera ne’e participa mos husi comunidade religioso/a sira no sarani iha Hera nian. Depois de benção ba uma Comunidade Religioso Dominicano nian ne’e, Dom Virgílio do Carmo da Silva mos preside mos missa ida hamutuk ho Comunidade religioso/a, sarani sira hotu nebe hola parte iha evento inauguração nian ne’e. Tan ne’e iha  Dom Virgílio do Carmo da Silva nia homilia foca liu ba missão sira Comunidade Orden dos Pregadores halo ba rai Timor.

 “Ohin ita mai iha ne’e hanesan oportunidade di’ak ida hodi acompanha inauguração uma boot Pe. Dominicano sira nian lori ita atu hanoin fila fali katak São Domingos iha tinan 800 liu ba hahu ona haklaken missão sira nian atu sai pregador hodi lori nafatin Maromak nia liafuan ba ema hotu. Tinan 800 nia laran nebe Na’i Maromak liu husi Fonte Dominicano ninian HAKLAKEN MAROMAK NIA LIAFUAN BA MUNDO TOMAK. Masque hasoru buat barak maibe la’o nafatin to’o ohin. ita mos hatene katak iha história iha kedas tinan 1500 missionário sira tama iha Timor amo Dominicano sira mos hola parte hodi sai primeiro missionário nebe tama iha ita nia rai. Iha acontecimento ida ne’e ita hanoin atu agradece liu-liu uma ida ne’e hanesan ohin ita rona katak uma ida ne’e sei sai hanesan fatin formação atu sira hela, liu-liu fatin formação Espiritual nian. Iha Dominicano sira nia carisma atu kuda iha sarani sira nia leet kona ba conhecimento nebe klean kona ba Maromak nia futar liafuan tanba Dominicano sira nia carisma ou sira nia missão mak HAKLAKEN.Uma ida ne’e ninia missão atu hakalken. Ne’e duni, família Dominicano sira nebe ohin mai iha ne’e tem que sente orgulho ba missão ida ne’e, tanba imi nia missão atu haklaken, atu sai masin. Tan ne’e atu haklaken didiak precisa simu formação nebe di’ak mos no precisa descobre di’ak liu tan. mos tan ne’e ita reza atu nune’e bele sai duni hanesan liafuan nebe ohin temi dehan LAUDARE, BENEDICERE PREDICARE bele sai duni missão liu-liu ba iha família Dominicano iha Timor Leste”.

Prelado ne’e haklean tan katak, Ohin quando fo bença ba uma ida ne’e, iha Hera aumenta tan comundade religioso iha paróquia Hera nian. Ne’e duni iha Hera ne’e comunidade religiosos sira karik hamutuk 10 resin ona mak existe tanto feminino ou masculino no desafio boot ida ba religioso-religiosa hotu nebe mak mai iha ne’e hakarak apelo ba ita boot sira, iha ne’e iha religioso-religiosa barak, iha joven barak, iha ne’e mos iha familia barak, iha ne’e mos iha sarani barak, iha ne’e mos dala ruma iha problema buras, problema familia nian buras, problema abuzu nian, problema sira seitas nia mos tama sai uma ba uma barak. Tan ne’e ha’u nia apelo ba religioso-religiosa atu labele hela de’it iha convento maibe temque colabora hamutuk ho amo paróco, sai husi ita boot sira nia convento hodi hakbesik ka visita sarani sira hodi loke ita nia uma sira ba comunidade sira nebe dala barak precisa ita nia tulun. (Marta/Leo)

Leave a Reply

Your email address will not be published. Required fields are marked *