shadow
Diocese de Dili > NOTÍCIAS > Notícias > EXORTAÇÃO APOSTÓLICA PÓS-SINODAL

EXORTAÇÃO APOSTÓLICA PÓS-SINODAL

CHRISTUS VIVIT

HUSI SANTO PADRE

FRANCISCO

BA JOVENS NO BA POVO MAROMAK NIAN TOMAK

(Adapta Lian Tetun : Mário de Oliveira Pires)

I Parte

Cristo Moris

  1. CRISTO MORIS: iha Nia mak ita nia esperança no juventude kmanek liu iha mundo ne’e! Saida deit mak kona nia sai jovem, sai foun, hafoun moris. Tamba ne’e liafuan sira uluk liu nebe ha’u hakarak hatoo ba cada jovem cristão, mak hirak ne’e: Nia moris no hakarak ó mos moris!
  2. Iha ó, hamutuk ho ó no sei lahusik ó. Husi buat hirak nebe halo ó hadook an, hamutuk ho ó mak ida nebe Moris Hias hodi bolu no hein ó nia hahuu foun ida. Uainhira ó sente todan tanba tristeza, rai hirus, tauk, dúvidas ou fracassos, Jesus hamutuk iha ó nia sorin atu fo fila ó nia força no esperança.
  3. Com afeto, ha’u hakerek ba jovens cristãos tomak, Exortação Apostólica ida ne’e, ou seja, carta ida nebe fo hanoin convicções balun husi ita ninia fiar, ao mesmo tempo, encoraja no moris buras iha santidade no iha compromisso tuir prol husi vocação ne’e rasik. Maibé, fó hanesan marca miliário ida iha dalan sinodal nia laran, simultaneamente ha’u hatoo mos ba Povo Maromak nian tomak, ba pastores no ba ema fiar nain, tamba reflexão kona ba jovens no ba jovens interpela duni no estimula ba ita tomak. Tamba ne’e, iha parágrafos balun koalia diretamente ba jovens, enquanto sira seluk oferece abordagens nebe gerais liu ba discernimento eclesial.
  4. husik hela mai ha’u atu inspira husi riqueza reflexões nian no diálogos husi Sínodo tinan kotuk nian. Iha ne’e labele halibur tomak contribuições hotu– bele le fali iha Documento Final –, maibé buka nafatin atu assume, iha redação carta ida ne’e nian, propostas balun nebe parece significativas liu. Nune’e, ha’u nia liafuan sira sei hariku liutan lian ema fiar nain sira rihun ba rihun iha mundo, nebe halo duni too ba Sínodo sira ninia opiniões. Mesmo jovens laos fiar nain, nebe hakarak loos atu participa ho sira ninia reflexões, hatuur mos questões nebe hamoris iha ha’u interrogativos foun sira.

Capítulo I

SAIDA LIAFUAN MAROMAK NIAN DEHAN KONA BA JOVENS?

  1. Mai ita haklean rikusoin balun husi Sagrada Escritura, iha nebe dala barak mak koalia kona ba jovens no oinsa mak Maromak hasoru malun ho sira.

Iha Antigo Testamento

  1. Iha época nebe mak jovens oituan hela, textos balun hatudu oinsa mak Maromak hare husi matan seluk. Por exemplo, hare José nebe hanesan quase kiik liu iha família (cf. Gn 37, 2-3) no, ikus mai, Maromak comunica ba nia liuhusi mehi kona ba buat boot no hakat liu ninia maun sira iha cargos importantes uainhira nia ho idade ruanulu (cf. Gn 37 – 47).
  2. Iha Gedeão, ita mos reconhece ba sinceridade husi jovens nian, nebe mak lahakarak atu dulcifica realidade. Uainhira nia dehan ba Maromak atu hamutuk ho nia, tamba ne’e nia dehan: «Se Maromak hamutuk ho ita, então tamba sa mak acontece buat hirak ne’e hotu ?» (Jz 6, 13). Maibé Maromak la rai hirus ho censura ida ne’e no hawain kbiit ba nia: «ba ho ó nia kbiit tomak, no salva Israel» (Jz 6, 14).
  3. Samuel mak adolescente inseguro ida, maibé Maromak comunica ho nia. Graças ba conselho iha adulto ida ne’e, loke ninia fuan hodi rona Maromak ninia bolu: «koalia ba, Nai; ita atan rona » (1 Sm 3, 9-10). Tamba ne’e, ida ne’e profeta boot ida nebe tama iha momentos importantes ninia nação nian. Liurai Saul mos jovem ida, uainhira Maromak bolu atu cumpre ninia missão (cf. 1 Sm 9, 2).
  4. Quando liurai David escolhe tiha, sei labarik oan. Profeta Samuel lao ba buka futuro liurai nian iha Israel, no ema ida apresenta an ba nia, hanesan candidatos, ninia oan nebe boot liu ho experientes liu. Maibé profeta dehan ida nebe escolhido ne’e mak David, labarik oan nebe hein bibi (cf. 1 Sm 16, 6-13), tamba «ema hare aparências, maibé Maromak hare fuan» (16, 7). Glória husi juventude metin iha fuan do que iha força física ou iha impressão nebe provoca iha sira seluk.
  5. Salomão, uainhira sucede ninia pai, nia sente lakon no dehan ba Maromak: «Ha’u labele sai jovem inexperiente ida nebe mak lahatene oinsa mak atu ukun» (1 Re 3, 7). No entanto, sentimento tauk juventude nian nebe iha halo nia husu ba Maromak nia sabedoria no haraik ba nia missão. Buat nebe acontece atu hanesan ho profeta Jeremias, bolu nia atu tau matan ba ninia povo uainhira nia sei jovem hela. Tauk, hodi dehan: «Ah! Nai Maromak, ha’u lahatene koalia, tamba ha’u sei jovem hela» (Jr 1, 6).

Maibe Maromak husu ba nia atu labele koalia nune’e (cf. Jr 1, 7), acrescenta tan : «labele sente tauk iha sira leet, tamba ha’u mak sei hamutuk ho o hodi fó liberdade ba sira» (Jr 1, 8). Entrega profeta Jeremias nian ba ninia missão hatudu katak ida ne’e mak possível atu halo, sei halibur kbiit juventude nian no kbiit husi Maromak.

  1. Donzela judia nian, nebe mak halao hela serviço militar estrangeiro Naaman nian nebe mai ho intervenção fiar nian tulun ona nia hodi cura ninia moras (cf. 2 Re 5, 2-6). Jovem Rute hanesan exemplo ida husi generosidade atu nafatin iha companhia banin mane nian, nebe mak moris faluk no mesak (cf. Rt 1, 1-18), no hatudu mos ninia tauk nebe mosu iha ninia moris (cf. Rt 4, 1-17).

Iha  Testamento Foun

  1. Haktuir aiknanoik ida husi Jesus (cf. Lc 15, 11-33) katak oan mane «nebe jovem liu» hakarak sai husi ninia aman nia uma hodi ba iha rai seluk(cf. 15, 12-13). maibé, ninia mehi atu moris mesak nakfilak tiha ba libertinagem no moris mesak (cf. 15, 13), no prova ona ninia dureza husi solidão no kiak (cf. 15, 14-16). Todavia, sai diak tebes hodi considera fali no hahu foun (cf. 15, 17-19): decide atu hamriik (cf. 15, 20). Ne’e mak típico husi fuan jovem nian nebe hakarak atu muda, sai diak hodi hamriik no husik atu instrui ninia moris. Oinsa mak laacompanha ninia oan mane iha tentativa foun ne’e ? maibé ninia maun boot nebe iha ona fuan maduro no husik nia an ho ganância, egoísmo no inveja (cf. 15, 28-30). Jesus louva liu mak jovem pecador nebe retoma dalan diak do que ida nebe sente an fiel, maibé la moris iha espírito domin nian no misericórdia.
  2. Jesus, nebe eternamente jovem, hakarak fo mai ita fuan ida nebe jovem bebeik. Nune’e iha nia mak Maromak nia liafuan husu atu : «hamoos an husi fermento tuan, atu sai foun iha massa foun» (1 Cor 5, 7).

Ao mesmo tempo convida ita atu despoja ita an sai «ema tuan» hodi ita mos hatais fali hanesan «ema foun» (Col 3, 9.10), husi ema jovem.[1] no, uainhira hakarak explica saida mak hatais foun fali husi juventude nebe mak «la kolen atu hafoun bebeik» (3, 10), dehan ho significado ida atu iha «sentimentos misericórdia nian, bondade nian, humildade nian, mansidão nian, paciência nian, suporta dadaun ita ida-idak no perdoa nafatin ita mutuamente, se ema ruma iha razão atu queixa hasoru sira seluk» (3, 12-13).

Ida ne’e katak verdadeira juventude mak iha fuan ida nebe diak tebes ba hadomi. Pelo contrário, saida mak halo tuan klamar mak buat hotu nebe ita haketak husi sira seluk. Tamba ne’e mak conclui: «iha buat sira ne’e hotu, hatais imi an ho domin, hanesan laço husi perfeição» (3, 14).

  1. Ita mos nota katak Jesus lagosta saida mak adulto sira hare hodi desprezo ba sira nebe jovens liu ou sira nebe, despoticamente, ba sira nia serviço. Pelo contrário, husu nafatin atu: «se mak hakarak sai boot liu nia tem que sai kiik» (Lc 22, 26). Ba nia, idade labele estabelece privilégios; no facto husi ema balun nebe iha tinan kiik lasignifica folin laiha ou iha dignidade natoon deit.
  2. Maromak nia liafuan dehan jovens precisa hetan tratamento «hanesan maun alin » (1 Tm 5, 1), no recomenda ba inan aman: «Aman-inan sira keta halo imi nia oan sira laran todan, keta sira lakon esperança» (Col 3,21). Jovem ida labele tama iha desanimado; ne’e mak ninia mehi rasik nebe boot, buka horizontes nebe luan, rona barak liu, iha vontade hodi conquista mundo, sai diak liu atu simu propostas desafiadoras no deseja contribui ho diak liu husi nia rasik atu harii buat nebe aas liu. Tamba ne’e, ha’u husu ba jovens tomak atu labele husik imi an atu sira naok esperança, repete nafatin ba imi ida-idak: «keta husik ema larespeita ó tamba ó foinsa’e» (1 Tm 4, 12).
  3. Ao mesmo tempo, porém, recomenda ba jovens katak: «imi foinsa’e sira, haraik an ba imi nia katuas sira» (1 Ped 5, 5). Bíblia sempre convida atu iha respeito profundo ba idosos, tamba sai tesouro experiência nian, experimenta êxitos no fracassos, ksolok no tribulações boot husi moris, esperanças no desilusões, no, iha silêncio fuan ninian, rai didiak histórias oi-oin nebe husu mai ita atu bele ajuda hodi labele halo sala tan, nem bosok ita ho miragens bosok. Liafuan husi idoso sábio ida convida ita atu respeita ba limites nebe loloos no hatene atu domina tempo: «hanorin mos ba foinsa’e sira atu hatene ukun an» (Tit 2, 6). Laos ida nebe diak mak monu iha culto juventude nian, nem iha postura juvenil nebe mak despreza sira seluk husi sira ninia tinan ou tamba mesak husi tempo seluk. Jesus dehan ema matenek mak hatene hasai rikusoin husi buat foun no tuan (cf. Mt 13, 52).  Foinsa’e matenek nakloke ba futuro, maibé metin nafatin atu valoriza saida mak husi experiência ema seluk nian.
  4. Iha Evangelho Marcos, aparece ema ida, nebe rona Jesus nebe fo hanoin nia kona ba ukunfuan Maromak nian, exclama: «Ha’u moris tuir sira ne’e hotu houri kiik kedas » (10, 20). Salmo mos dehan ona : «Itaboot mak ha’u nia esperança, ó Nai Maromak, no ha’u nia confiança desde ha’u sei foinsa’e. (…) harii iha ha’u, ó Nai, desde ha’u ninia foinsa’e no too ohin loron haklaken bebeik ó nia kmanek sira» (71/70, 5.17). ami nunca arrepende hodi haraik ami rasik ninia foinsa’e atu halo diak, loke fuan ba Nai no moris hasoru buat aat sira. Husi ne’e hotu, labele husik ami ninia foinsa’e, antes hametin no hafoun: «Ne’e [mak Na’i] ida nebe(…) sei hafoun ha’u hanesan manu makikit» (Sal 103/102, 5). Tamba ne’e, Santo Agostinho lamenta tebes : «Tarde liu ItaBoot hadomi ha’u, ó beleza tuan liu no foun liu ! Tarde liu ItaBoot hadomi ha’u»[2] maibé ema riku ida ne’e, nebe fiel ba Maromak iha ninia foinsa’e, husik ninia otas hotu atu naok mehi sira, prefere atu hela iha buat diak tomak (cf. Mc 10, 22).
  5. Entretanto, iha passagem paralela husi Evangelho Mateus nian, mosu mos jovem ida (cf. Mt 19, 20.22) nebe hakbesik ba Jesus hodi husu barak (cf. 19, 20), ho espírito nakloke-an típico husi foinsa’e, nebe buka horizontes foun no desafios foun. Na realidade, ninia espírito laos ona hanesan jovem liu, tamba sei kaer metin hela ba rikusoin no comodidades. Ho ibun, dehan hakarak buat ida nebe liu, maibe, quando Jesus husu ba nia atu sai generoso no distribui ninia rikusoin sira, sura mos husi saida mak nia iha atu fahe tiha hotu. «hodi rona tiha ne’e, foinsa’e ne’e fila kotuk hodi lao ho triste» (19, 22). Renuncia ba juventude.
  6. Evangelho koalia mos mai ita kona ba jovens prudentes nebe pronto nafatin no matan moris, enquanto sira seluk moris iha distraídos no toba dukur (cf. Mt 25, 1-13). Com efeito, possível atu lao hanesan ho foinsa’e sira rasik, hametin moris ne’e iha buat nebe semo, toba nafatin iha toba fatin, lakohi tan atu kuda relações nebe klean no tama iha fuan moris nian; husi hahalok ida ne’e, porém, prepara an ba futuro ida nebe kiak, sem substância. Ou, pelo contrário, bele husik deit juventude atu kuda dadaun sasan furak no boot no, nune’e, prepara ba futuro ida nebe hakonu moris no rikusoin interior.
  7. Se lakon vigor interior, mehi sira, entusiasmo, esperança no generosidade, iha ne’e iha Jesus, oinsa mak nia hapara feto faluk nia matan ben uainhira ninia oan nebe mate, no Maromak, ho ninia kbiit Moris Hias nian, exorta ba nia: «Foinsa’e, Ha’u dehan ba ó: Hamriik ba!» (Lc 7, 14).

21. iha ne’e, laiha tan dúvida, textos seluk tan nebe barak husi Maromak nia Liafuan nebe bele haroman ita iha ita ninia moris. Ita sei analisa hamutuk fali iha capítulos hirak tuir mai.

 

Sei Continua>>>>

Leave a Reply

Your email address will not be published. Required fields are marked *