shadow
Diocese de Dili > NOTÍCIAS > Notícias > CANOSSIANA NAIN 6 SIMU PROFISSÃO PERPÉTUA

CANOSSIANA NAIN 6 SIMU PROFISSÃO PERPÉTUA

DCDD, loron 8 fulan Maio 2019, Irmã nain 6 husi Congregação Filhas da Caridade Canossiana (Ir. Terezinha A. Mota, FdCC, Ir. Terezinha Mesquita, FdCC, Ir. Maria S. Pinto, FdCC, Ir. Recardina Pinto, FdCC, Ir. Noémia F. X. Soares, FdCC, Ir. Fernanda M. Sarmento, FdCC) halo sira nia profissão Perpétua no Madre Candida de Castro Pereira celebra Bodas de Prata de Vida Consagrada Canossiana nian. Celebração eucarística votos Perpétua no Bodas de Prata de Vida Consagrada Canossiana nian nee preside husi bispo de Dili Dom Virgílio do Carmo da Silva hamutuk ho bispo de Baucau Dom Basílio do Nascimento ho tan Nailulik sira iha SE Catedral Dili.

Dom Basílio do Nascimento bispo de Baucau be lori reflexão iha Santa missa nee iha ninia homilia hateten, “Se mak hakarak servi lao tuir Hau”. Tansa mak sira ohin halo votos Perpétua e balu celebra 25 anos vida consagrada iha Congregação Canossiana. Hateke ba sira nia oin, ita bele dehan hirak nee hotu tuir dalan ida ne’e seidauk bosan, ladauk kole, pronto atu hala’o nafatin ba oin, masque dala ruma estres, dala barak mataben suli, dala dala barak oin naburut ba malu iha comunidade, dala barak lia maka’as ba malu, maibe mos koko aitarak. Moris tuir vida conselhos Evangélicos nian, ita bele husu motivação ka razão saida mak lori labarik feto hirak ne’e atu moris tuir dalan consagrada nian tuir tempo nebe ohin sira mai apresenta iha ne’e”.

Liu tan Prelado nee dehan tan, “Ha’u kaer São Paulo nia liafuan rua hodi koko fo naroman, tuir ha’u nia hanoin ba celebração ohin. Liafuan ida mak se o fiar iha o nia fuan no confessa ho o nia ibun katak Jesus mate tiha no moris hias fali husi mate sira leet o sei hetan salvação no liafuan ida seluk mak se Cristo la moris hias karik ita nia fiar ne’e leet de’it. Celebração Festa Santa Madalena nian no votos perpétuas e jubilares hetan nia razão de ser iha liafuan ida ne’e “Cristo la moris hias karik ita nia fiar ne’e leet de’it”. Maibe ema nebe haré husi liur, husi sorin la fiar nian ema halo bebeik pergunta ida ne’e; oinsa mak imi sarani sira prova katak imi nia Jesus Cristo ida ne’e moris hias duni! Tan iha Bíblia laiha testamunha ida que haré Jesus sai husi rai kuak. Dehan de’it katak São Pedro no São João ba duni iha rai kuak, maibe haré de’it hena mamuk nebe falun Jesus nia isin-Cristo nia isin laiha”. Se ita lahatene hatan ba questão ida ne’e, ita nia fiar namlele, ita nia fiar arasca no hahalok hotu nebe ita halo iha Uma Kreda ne’e la folin buat ida. Ita nia hahalok nu’udar sarani ne’e mamuk no labarik feto hirak ne’e no ita hotu halo buat ida la hun la dikin di’ak liu ba halo buat seluk em vez de consagra ita nia vida hodi servi Uma Kreda. São Pedro dehan imi buka fo razão atu hatan kona ba imi nia fiar. No liafuan ida seluk mos São Paulo dehan esperar contra toda a esperança katak biar esperança laiha ona mos ita hein nafatin”.

Dom Basílio haklean tan nunee; Saida mak prova ka Cristo moris hias! Ha’u kaer pergunta ida ne’e tanba ema barak husu no ita dala ruma halo buat ida ne’e rutina de’it tanba ita haré ema seluk halo. Ita la buka hatan hodi justifica ita nia fiar, depois dala ruma ita sai de’it funcionário Uma Kreda nian, ita haluhan tiha katak ita sai sasin kona ba Jesus Cristo mesmo que la halo buat ida tan iha ita nia vida. Se ita boot sira ba Actos dos apóstolos nebe loron hirak ne’e mosu bebeik iha missa to’o capitulo 13 Apóstolu sira nia liafuan mak ne’e de’it “Nia moris hias ami han-hemu no hela hamutuk ho Nia wainhira Nia moris hias tiha Nia sei hela ho ami iha rai, ami sai sasin kona ba ne’e”. Madres profissantes perpétuas  ho jubiladas sira, ema ida la haré Cristo sai husi rai kuak  maibe buat nebe ita halo ohin ne’e nia basé ou nia fundamento ou hanesan teologia dehan nee acontecimento fundador ida nee apóstolo sira nia sasin, apóstolo sira nia testamunho kona ba Jesus moris hias.

Ikus liu Dom Basílio dehan tan, buat nebe ohin ita halo iha Uma Kreda ne’e baseia ba acontecimento ida ne’e la haré Jesus Cristo nia moris maibe ita hametin ita nia fiar iha ema hirak nebe apóstolo sira haré ho matan no fo testamunho kona ba Jesus nia moris. Jesus nu’udar Cristo halo-An ba ema mate tiha moris hias fali sae ba lalehan hodi lori ema hotu ba lalehan. Ita ida-idak nia descoberta, ita ida-idak nia esperiencia ho Cristo, ita ida-idak nia vida, ita ida-idak nia aceitação kona ba Cristo iha ita nia moris, ita ida-idak nia adesão kona ba Cristo, ita nia seguimento ba Nia, ita nia comprimisso ba vida tomak, ita nia busca de identidade configuração ho Jesus Cristo, buat hirak ne’e hotu sai consequência husi Apóstolo sira nia testamunho no sira nia sasin. Tuir sira nia ain fatin, ita mos descobre Jesus Cristo iha ita nia moris tuir ita nia sasukat. Cristo la hatudu nia-An ida ne’e ita descobre Nia dala ida de’it iha ita nia vida, Cristo hatudu nia-An no ita descobre Nia neneik. Processo ida ne’e ho nia etapas no avanços e reduz-clarezas e confusões, tristezas e alegrias, decisões e incertezas mak haboot no hametin ita nia fiar iha Jesus Cristo hodi halo consagra an ba Maromak iha ita nia moris tomak. Quanto mais, buat ida fiar metin ne’e la’os dala ida de’it. Ha’u custuma hateten katak ita descobre Maromak iha ita nia vida quando ita hateke ba kotuk. Momento ohin, loron ida ne’e ita hakarak descobre Maromak nia ain fatin iha ita nia vida, ita hateke ba kotuk desde hahu to’o ohin mak ita haré Maromak dala hira, dala hira Maromak tau Nia liman iha ita nia kabas leten, dala hira Maromak hatudu dalan, dala hira Maromak fo naroman no buat hirak ne’e hotu ita nia descoberta iha passado, hirak ne’e mak hametin ita nia fiar, haklean ita nia fiar no aumenta ita nia fiar iha Jesus Cristo, wainhira ita descobre sentido de vida consagração ba Maromak iha ita nia moris, maka ita hametin an tan iha ita nia lalaok ne’e”.  (Marta)

Leave a Reply

Your email address will not be published. Required fields are marked *