shadow
Diocese de Dili > NOTÍCIAS > Notícias > DIT REALIZA GRADUAÇÃO BA DALA XI

DIT REALIZA GRADUAÇÃO BA DALA XI

DCDD – Dili Institute of Technology DIT iha loron 10 fulan Maio tinan 2019 realiza tan graduação ba dala XI. Momento ida nee sai especial liu tan ou pela primeira vez cerimónia graduação nee halao hamutuk ho loron aniversário DIT nian ba XVII. Total estudantes nebe tuir cerimónia graduação ba XI iha tinan 2019 nee hamutuk 99 estudantes iha área Enginaria, Petrólieo, Manajemto no hospitalidade.

Reitor DIT Álvaro Menezes Amaral nian iha nia Discurso sira hateten, “ohin10 de Maio de 2019 Dili Institute of Technology DIT celebra nia aniversário ba dala XVII. Loron ba loron la sente DIT halo nia knar hodi servi rai doben Timor-Leste. Iha Futuro desafios nebe DIT hasoru sei todan liu tan, maibe ho ita nia servisu hamutuk, ita nia determinação, ita nia qualidade no ita nia team nebe sólido halo ita sei enfrenta desafios ho diak no ita sei manan ita nia mehi”.

Além de nee Reitor DIT mos husik hela nia mensagem ba graduado sira katak, “Cerimónia graduação hanesan último evento académica nebe imi participa iha DIT. Imi nia sucesso nebe ohin ita celebra liu husi cerimónia solene nee foin mak passo primeiro. E começa aban ba oin imi sei emfrenta desafios barak liu tan, situação problemático boot liu tan. Ho ida nee husu ba graduado sira atu sai solução ba situação hirak nee no sai nafatin estudante durante imi nia vida tomak ho nunee imi sei aprende nafatin saida mak imi nia experiência no vida sei hanourin ba imi. Nunee mos hau husu ba imi atu uja matenek nee hodi servi no hodi halo transformação ba ita nia família, colega, sociedade no naçãos. Tanba nee hatudu ba katak DIT laos boot iha naran deit, maibe nia graduados mos iha qualidade atu contribui ba dezemvolvimento iha ita nia rain.

Iha sorin seluk, presidente interino ba cerimónia aniversário no graduação DIT João Mariano Saldanha iha nia discurso mos hateten, “hakasan sai solução ba problema no labele sai fali naha todan ba iha sociadade. Imi graduado sira sai husi nee liu husi processo naruk ida no ami husu ba ita boot sira katak laos surat tahan ka Diploma nee mak importante, maibe buat nebe mak imi hetan iha aula durante tinan 3 ka 4 nia laran nee mak importante hodi aplica iha sociedade no iha moris”.

Biban hanesan representante graduado DIT nian ba XI nee hateten, em nome colegas graduado sira afirma katak ho experiência, capacidades intelectuais sira nebe ami hetan iha DIT, ami fiar katak licenciatura husi Dili Institute of Technology sei contribui ba desemvolvimento ba estado ida nee iha linha desemvolvimento hotu hanesan setor privado, setor público no sociadade emgeral. (Angelson)

Leave a Reply

Your email address will not be published. Required fields are marked *