shadow
Diocese de Dili > NOTÍCIAS > LETURA DIÁRIA > IV Domingo da Páscoa (ANO C)

IV Domingo da Páscoa (ANO C)

Primeira Leitura               Act. 13, 14. 43-52

Lia housi livro Apóstolo sira nia hahalok:

Iha loron hirak nebá, Paulo ho Barnabé husik tiha Perga, sira ba to’o Antióquia iha Pisídia. Iha loron sábado ida, sira tama ba tur iha sinagoga. Reunião hotu tiha, ema Judeu barak ho sira nebá tuir sira ho laran ida de’it, sira tuir kedas Paulo ho Barnabé. Wainhira sira ko’alia ho ema sira ne’e, Paulo ho Barnabé husu barak ba sira atu laran metin ba Na’i Maromak. Iha sábado tuir fali, ema cidade laran tomak mai halibur hamutuk atu rona Maromak lia-fuan. Hare’e ema lubun boot ne’e, judeu laran moras teb-tebes, hodi hasara Paulo ho lia tolok no lia aat. Ho aten boot, Paulo ho Barnabé hateten: ’’uluk knanain, ami haklaken Maromak nia lia-fuan ba imi. Maibé, tan imi la simu lia-fuan ne’e, tan imi rasik hanoin katak imi la soy atu simu moris rohan-laek, ami fila oin ba ema gentio sira, basá, Na’i haruka ami halo Nunee:’’ha’u foti nu’udar naroman ba nação hotu, ami bele lori maksoin la’o lemo rai’’. Rona tiha lia hirak ne’e, ema gentio sira laran ksolok  teb-tebes, hodi hahi Na’i nia lia-fuan. Ema hotu-hotu nebe’e Maromak fihir ona atu simu moris rohan-laek, ema sira ne’e fo duni laran hodi fiar. Nunee, Na’i lia-fuan namkari iha fatin tomak nebá. Maibé, judeu sira hasa’e, lia ba Na’i-ulun ba feto sira be hamta’uk Maromak no Na’i-ulun mane sira cidade nain, atu sira funu hasoru Paulo ho Barnabé, to’o duni sai sira Na’in rua housi sira rain. Paulo ho Barnabé liki tiha rai-rahun housi sira ain, hafoin sira Na’in rua liu ba rai icónio. Escolante sira fali haksolok teb-tebes, Espírito Santo hela ho sira.

Maromak futar lia.

 

Salmo Responsorial                                                                                                                                                                     Sal. 99, 3-5

Refrão : Ita hotu Maromak nia povu, ita mai hamutuk tan Nia naran!!! Repete-se

Povu halibur tan nia lia-fuan,

povu hamutuk ho kristu Jesus. Refrão

 

Povu rai-klaran haklaken Jesus kristu,

haNa’i, hananu ho ksolok. Refrão

 

Povu fiar metin iha kristu nia domin,

povu haksolok hein maksoin. Refrão

 

Kristu Maromak, ita nia mahein,

soy ita ema ho laran luak. Refrão

 

Segunda Leitura                                                                                                                                                                Apoc. 7, 9. 14b-17

Lia housi Livro Apocalipse:

Ha’u João, haré ema lubun boot ida sura labele; ema sira ne’e, mai housi nação hotu-hotu, mai housi lian hotu-hotu; ema sira ne’e hamrik hela iha trono nia oin no iha bibi-oan nia oin. Sira hatais mutin hotu, kaer iha liman ai-sanak matak. Katuas ida hateten ba ha’u Nunee:  “ema sira ne’e mai housi susar laran; sira fase sira nia hatais halo mutin hodi bibi-oan nia ran. Tan ida ne’e, sira hamrik iha Maromak nia trono oin, kalan loron iha Na’i Maromak, iha Nia kreda nia laran. Ema ida be tur hela iha trono, nia mak sei hamahan sira iha nia ai-hun. Sira sei la hamlaha, la hamrok tan ona; loron sei la habai tan sira; anin manas sei la hu tan ona sira… bibi-oan nebe hamrik hela iha trono klaran, nia mak sei hatudu dalan ba we-matan moris nian. Na’i Maromak sei hamaran sira nia mata wen hotu.

Maromak Futar Lia.

 

Aclamação                                                                                                                                                                                           Jo. 10, 14

Refrão : Aleluia, Aleluia!! Repete-se

Ha’u mahein di’ak; ha’u hatene Ha’u nia bibi sira,

sira mos hateten Ha’u. Refrão

 

Evangelho                                                                                                                                                                                     Jo. 10, 27-30

Na’i Jesus kristu nia evangelho nudar são João haktuir:

Iha tempu neba, Jesus hateten ba judeu sira: “Ha’u nia bibi sira rona Ha’u lian; ha’u hatene sira, sira mai tuir Ha’u. Ha’u fo ba sira moris rohan-laek: sira sei la mate; ema ida sei la bele hasai sira housi ha’u liman. Ha’u nia Aman, ida be haraik sira mai ha’u, Nia mak boot liu hot-hotu. La iha ema ida bele hasai sira housi ha’u Aman nia liman. Ha’u ho ha’u Aman, ami ida de’it”.

Lia Maksoyn.

 

Leave a Reply

Your email address will not be published. Required fields are marked *