shadow
Diocese de Dili > NOTÍCIAS > Notícias > Mensagem Papa nian ba Dia Mundial de Oração pelas Vocações

Mensagem Papa nian ba Dia Mundial de Oração pelas Vocações

12 de maio de 2019 – IV Domingo da Páscoa.

Aten brani hodi ariska ba promessa Maromak nian

(Adapta Lian Tetun : Fr. Levinson)

 

Doben maun alin inan feton sira! Hafoin, liu tiha esperiénsia nebé moris no klean, iha fulan outubru liubá, iha Sínodo nebé dedika ba joven sira, Jornada Mundial Juventude  ba dala XXXIV nebé mak foin lalais ita celebra iha Panamá. Eventu boot rua nebé halo Igreja ba rona lian husi Espíritu Santu no mós moris foin sa’e sira nian, sira nia hanoin, sira nia naha todan nebé sira lori no ba esperansa nebé mak moris iha sira.

Iha Loron Mundiál Oração ba Vocação sira nian, hare fila fali ba buat nebé mak hau bele fahe ho foin sa’e iha Panamá, ha’u hakarak halo reflesaun kona-ba Na’i nia bolu, nebé halo ita sai hanesan portador ba promesa no husu ita atu aten brani hodi fó ita nia moris ho Nia no tamba Nia. Ha’u hakarak kaer ba aspetu rua ne’e: promesa no risku, contempla hamutuk ho imi kona ba pasagem Evangelho nian nebé koalia kona ba vocação primeiro discípulo sira nian besik tasi ibun Galileia nian (cf. Mc 1, 16-20).

Maun-alin, Simão no André, hamutuk ho Tiago no João hala’o sira nia moris lor-loron nian hanesan peskadór. Iha sira nia kna’ar ida ne’e, sira mós apreende kona ba lei natureza nian, bainhira anin hu’u contrário no laloran doko maka’as ró sira. Iha loron balu sira hetan sorte makas iha sira nia serviço nebé mak fó recompensa ba sira nia kolen, maibe dala ruma mós, serviço iha kalan tomak la to’o atu hakonu sira nia rede sira, no fila ba tasi ibun kolen no triste.

Ida ne’e mak situasaun sira nebó mós comum iha moris ita ema nian, iha nebé ita ida-idak hasouro ho hakarak sira nebe mak iha ita nia fuan, no hala’o atividade sira nebé mak ita hein katak bele fó recompensa, no halo ita tama iha tasi nebe bele lori ita atu buka buat nebé mak bele fó haksolok ba moris. Mas dala barak iha haksolok ida ne’e, ita la hatene katak precisa mos iha coragem atu bele lori ita nia ró nebé mak dala barak hasouro laloran boot ou frustração se wainhira ita fila ho rede mamuk.

Iha história vocação ida-idak nian, acontece hasouro malu ida. Jesus la’o tuir dalan, hare peskador sira no hakbesik ba sira… Nune’e mós ho ema nebé mak ita hili atu bele moris hamutuk iha matrimónio, ka bainhira ita senti dalan ba moris consagrada nian: ita moris iha hasoru malu ida, nebé iha momento balu halo ita hare promessa ksolok nian ida, nebé mak bele fó ksolok ba ita nia moris. Nune’e mós iha tempo nebá, iha tasi Galileia nian, Jesus ba hasoru peskador sira hodi hapara sira nia moris lor-loron nian hanesan peskador. No hodi halo promessa ida ba sira: “Ha’u sei halo imi sai peskador ema nian” (Mc 1,17). (Homilia no XXII Dia Mundial da Vida Consagrada, 2/II/2018).

Maski nune’e, Maromak nia bolu, la’os intervenção Maromak nian iha ita ema nia liberdade; la’os naha todan ida nebé mak tau iha ita nia kabas. Maibe, Iniciativa domin Maromak nian, hodi mai hasouro ita no convida ita atu tama iha projeto boot Maromak nian, nebé halo ita sai hanesan participantes, no hatudu mai ita horizento tasi ida nebé luan, nebé mak sei fo ikan nebé barak.

Maibe, Maromak nia hakarak mak, atu ita nia moris labele sai hanesan moris nebe nakdoko no iha kadeia laran, atu labele lao tuir hahalok at sira lor-loron nian no atu labele permanece metin deit iha fatin perante opções sira nebé mak bele fo significado mai ita. Na’i lakohi atu ita husik moris lor-loron nian, hodi hanoin katak afinal laiha buat ida nebé mak diak duni atu compremete ho laran tomak no hamos buat sira hotu nebé mak la hakmatek iha laran hodi buka dalan foun atu bele lao tuir. Se dala ruma halo ita experimenta pesca ida nebé miraculosa, ne’e hatudu, Maromak hakarak atu ita descobre katak, Nia bolu ita ida-idak ho maneira oi-oin ba buat nebé mak boot, no atu moris ne’e labele metin deit iha redi sira nebe mak laiha sentido no iha buat sira nebé mak hamate ita nia fuan. Ho liafuan badak, vocação hanesan convite ida nebé laos atu halo ita parado hela iha tasi ibun ho redi iha liman, maibé tuir Jesus husi dalan nebé mak Nia hanoin mai ita, ba ita nia ksolok no mos ba diak ema hotu nian nebe mak haleu ita.

Maski nune’e, atu hakuak promesa ida ne’e: presiza iha mós aten brani hodi hili. Sente katak Nia bolu duni ita atu hola parte iha mehi ida nebé boot, primeiro discípulo sira, “husik kedas sira nia redi hodi tuir Nia” (Mc 1, 18). Ida ne’e signifika katak, atu simu Na’i nia bolu, presiza atu envolve-an totalmente no aten brani hodi hasoru desafio sira hotu; presiza mos atu husik buat sira hotu nebé mak kesi metin ita iha ita nia ró kiik ne’e, no teri netik ita atu halo decisão nebé definitiva; husu mos ita nia vontade tomak ho kbiit atu descobre Maromak nia projecto nebé mak iha ba ita nia moris. Maibe, wainhira ita tama iha tasi klean vokasaun nian, ita la bele para deit hodi hadia ita nia redi no ró nebé fó seguransa mai ita, maibé ita tenki fiar iha promesa Na’i nian.

Ha’u hanoin, iha Maromak nia bolu ba moris Cristã nian, nebé mak ita hotu simu iha Batismo, fó hanoin mai ita katak ita nia moris la’os fuan housi buat nar-naran deit, maibe hanesan buat folin boot ida housi Maromak ba nia oan sia nebé Nia hadomi, nebé halibur hamutuk iha família boot kreda nian. Iha comunidade Kreda nian mak moris no desenvolve existência cristã, liu-liu housi Liturgia nebé mak lori ita ba rona Maromak Nia Futar Lia Fuan no iha graça Sacramento nian; iha Liturgia mak, housi idade nebe sei kiik ita hahu tama iha arte oração nian no partilha fratena. Ida ne’e tamba fó mai ita moris foun no lori ita ba Cristo, Kreda mak ita nia inan; tamba ne’e ita tenki hadomi nia, maski wainhira ita hare ba Kreda nia oin iha fraqueza no salan, no ita tenki fó liman hodi contribui atu nia bele sai furak no naroman liu tan, atu nune’e bele sai sasin domin Maromak nian iha mundo.

Hafoin, moris sarani nian hetan nia expressão iha opsaun sira nebé, wainhira confere ho dalan nebé concreto iha ita nia moris, hodi contribui mós ba Reino Maromak nian atu buras iha sociedade. Ha’u hanoin iha opsaun atu kaben iha Cristo no forma família ida, nune’e mós iha vocação sira seluk nebé liga ho servisu nian, no ba profisaun sira, iha kompromisu, iha kampu caridade nian, no iha solidariedade nian, iha responsabilidade sosiál no polítika, no seluk tan. Koalia kona-ba vocação sira nebé mak halo ita sai ema nebé lori promessa diak nian, domin no justisa, la’os ba ita-an rasik, maibé mós ba kontestu sosiál no kulturál nebé ita moris ba, nebé mak precisa atu sai sarani nebé nakonu ho aten brani no sai sasin Reino Maromak nian.

Iha hasoru malu ho Na’i, ema ida bele sente laran monu ba Na’i nia bolu ne’e, ba moris consagrada nian ka ba moris nailulik nian. Hanesan buat ida nebé mak fo ksolok no,  iha tempu nebé hanesan, halo hakfodak, tamba  bolu ida nebé  halo ita atu sai nudar  “peskadór ema nian” iha ró Kreda nian liu housi entrega-an tomak no compromisso ba knaar ida nebe fiel ba Evangelho no maun-alin sira. Hili ida ne’e inklui mos risku atu husik buat hotu-hotu hodi tuir Naʼi no consagra-an tomak ba Nia hodi kolabora iha Nia obra. Maibe, iha buat barak nebe mós bele tahan no teri netik descisão ida ne’e, nune’e mós, iha hahalok sira mundo nian  nebé parece laiha fatin ba Maromak no ba Evangelho, bele halo ita desanima no monu iha situação “kolen no lakon esperança”. (Homilia na Missa com sacerdotes, pessoas consagradas e movimentos laicais, Panamá, 26/I/2019).

Maski nune’e, la iha ksolok boot liu fali ba ida nebé ariska ka entrega nia moris ba Na’i! Liu-liu ba imi foin sae sira, ha’u hakarak atu dehan: la bele diuk ba Na’i nia bolu! Wainhira Nia bolu imi housi dalan ida ne’e karik, labele contra maibe laran metin iha Nia. Imi labele husik atu tauk domina imi. Maibe, hanoin nafatin katak,  ba sira nebé mak husik redi no ró hodi tuir Nia, Na’i promete ksolok moris foun nian, nebé hakonu imi fuan no fó ksolok ba dalan moris nian.  

Doben belun sira, la’os sempre fásil atu discerne vokasaun rasik no orienta moris ne’e. Tanba ne’e, iha nesesidade no haka’as-an foun housi parte Kreda nian, Na’ilulik sira, religiozu sira, animadores pastorais, edukadór sira , atu bele fahe, liu-liu ba foin sa’e sira, tempo atu rona no halo discernimento. Precisa iha mós pastoral ba foin sa’e sira no vokasional nebé bele tulun atu bele descobre Maromak nia projeto liu husi oração, meditação ba Maromak Nia Liafuan, adoração eucarística no diresaun espirituál.

Hanesan dala barak hatudu durante Jornada Mundial Juventude iha Panamá, ita precisa hateke ba Maria. Iha istória Maria nian, vocação mós sai hanesan promessa ida no mós hanesan risku ida. Nia Missão mós la’os fácil, maibé Nia la husik atu ta’uk manan Nia. Maria nia hatan Sim “hanesan Sim ida nebé mak hakarak atu compremete no ariska, ida nebé mak entrega tomak, no la hein buat seluk liu fali certeza hodi hatene katak nia mos portadora promessa ida ne’e.

Ha’u husu ba imi ida-idak: ó sente, ó mós portador ba promesa ida ka lae? Promessa ida nebé mak ha’u lori iha fuan, no fó ba Nia kontinuidade? Maria mós iha  missão ida nebé dificil, maibe difikuldade sira la’os motivu atu dehan “não”. Los duni katak, iha complicação sira, maibé labele hanesan ho sira nebé mak ita haré wainhira tauk hapara ita tamba ita la hare antes kedas, se buat hotu “mos ka garantido”. (Vigília ho foin-sa’e, Panamá, 26/I/2019).

 

Iha Loron ne’e, ita hamutuk iha orasaun hodi husu ba Na’i atu halo ita descobre Nia projetu domin nian iha ita nia moris, no fó mai ita aten brani atu ariska iha dalan nebé, hori uluk kedas, Nia hanoin mai ita.

Vaticano, Memória de São João Bosco,

31 de Janeiro, 2019.

Franciscus

Leave a Reply

Your email address will not be published. Required fields are marked *