shadow
Diocese de Dili > NOTÍCIAS > Notícias > JESUS CRISTO SEMPRE JOVEM

JESUS CRISTO SEMPRE JOVEM

  1. Jesus mak «jovem entre jovens tomak, atu sai exemplo husi jovens no consagra sira an ba Maromak».[3] tamba ne’e, Sínodo dehan « juventude mak período original ida no estimulante husi moris, nebe Jesus rasik moris ona, santifica ona».[4] nebe refere mai ita Evangelho kona ba juventude Jesus nian?

Juventude Jesus Nian

  1. Nai Maromak «entrega ona ninia espírito» (Mt 27, 50) iha cruz ida, uainhira nia iha ona idade 30 nia laran (cf. Lc 3, 23). Ne’e mak importante atu foti consciência katak Jesus jovem ida. Fo nia moris iha fase ida ohin nian hodi define oinsa mak sai foinsa’e adulto. Iha juventude nebe loloos, hahu ona ninia missão pública no, nune’e, hatudu duni«naroman boot ida» (Mt 4, 16), sobretudo uainhira lori fali ba extremo dom husi ninia moris. Ida ne’e mak ninin hodi laos deit improvisado, maibé iha duni preciosa preparação ida ba ninia juventude tomak, iha cada memonte husi ninia momentos tomak, tamba «buat hotu, iha Jesus nia moris, mak sinal husi ninia mistério»[5]no «moris tomak husi Cristo mak mistério redenção nian».[6]
  2. Evangelho lakoalia husi Jesus nia meninice, maibé conta mai ita factos balun husi ninia adolescência no juventude. Mateus coloca período ida ne’e husi juventude Nai nian entre episódios rua: regresso husi ninia família ba Nazaré, depois husi tempo exílio nian, no ninia batismo iha Jordão, iha nebe hahu ninia missão pública. Imagens Jesus menino nian nebe ikus liu mak iha refugiado kiik iha Egito (cf. Mt 2, 14-15) no, hafoin, ba iha repatriado iha Nazaré (cf. Mt 2, 19-7 23). Primeiras imagens Jesus nian, jovem adulto, mak Nia apresenta ona mai ita, liu-liu iha ema barak iha mota Jordão nia ain, hodi simu batismo husi ninia primo João Batista, hanesan mos qualquer ninia povo ida (cf. Mt 3, 13-17).
  3. Baptismo ida ne’e laos hanesan ita nian, nebe ita introduz iha moris husi graça, maibé sai consagração ida antes hahu missão boot ida iha ninia moris. Evangelho dehan ninia batismo mak motivo husi júbilo no comprazimento husi Aman: «Ó mak Ha’u Oan doben liu » (Lc 3, 22).

Imediatamente Jesus mosu ho Espírito Santo nebe nakonu iha nia no Espírito Santo lori Nia ba rai fuik maran.

Nune’e, pronto nafatin atu lao ba haklaken no halo diak, liberta no fo isin diak (cf. Lc 4, 1-14). Cada jovem, uainhira sente bolu atu cumpre missão ida iha rai ida ne’e, ne’e mak convite ida atu reconhece iha nia liafuan nebe hanesan katak Maromak Aman dehan ba Jesus: «Ó mak Ha’u Oan doben liu».

  1. Iha intervalo entre episódios rua ne’e, aparece ida nebe mak hatudu Jesus iha plena adolescência: uainhira fila fali ba Nazaré ho ninia inan aman, hafoin ida ne’e Nia lakon tiha no sira hetan fali Nia iha Templo (cf. Lc 2, 41-51). Iha Nazaré, texto dehan Jesus «halo tuir sira nia hakarak» (Lc 2, 51), pois lasimu iha nia família. Então Lucas acrescenta katak «Jesus sai boot ba dadaun iha matenek, otas, no kmanek iha Maromak no ema sira nia oin» (2, 52). Ho liafuan seluk, Nia prepara an tiha ona no, iha período ida ne’e, haklean tan ninia relação ho Aman no ho ema seluk. São João Paulo II explica ona katak labele otas boot deit fisicamente, maibé «iha Jesus mos mosu crescimento espiritual ida», tamba « plenitude husi graça iha Jesus mak relativa ba idade: iha bebeik plenitude, maibé plenitude crescente ida ho idade nebe cresce».[7]
  2. Ho base iha dados evangélicos ne’e, ita mos bele afirma katak Jesus, iha ninia fase juvenil, Nia «forma dadaun», prepara dadaun atu realiza projeto nebe Aman iha ona. Ninia adolescência no juventude orienta ona iha missão nebe aas liu.
  3. Iha adolescência no juventude, nia relação ho Aman hanesan Oan nebe Aman hadomi liu; atraído husi Aman, cresce nafatin hodi hola fatin hanesan Nia: «Imi lahatene katak Ha’u iha Ha’u Aman nia uma?» (Lc 2, 49). Maibé, labele hanoin katak Jesus hanesan adolescente solitário ida ou jovem ida nebe taka an ba nia an rasik. Nia relação ho ema hirak nebe hanesan foinsa’e nebe mos mak compartilha ho moris tomak iha família nian nebe integra diak liu iha aldeia. Aprende mos ofício husi aman no, hafoin, substitui ona nia hanesan carpinteiro. Tamba ne’e iha Evangelho, dala ida, bolu nia hanesan «badaen ai nia oan»(Mt 13, 55) no, seluk, simplesmente « badaen ai» (Mc 6, 3). Detalhe husi ne’e hatudu katak nia husi aldeia hanesan mos sira seluk, relaciona ho normalidade tomak. Laiha ema ida mak Nia considera hanesan jovem estranho ida ou separa husi sira seluk. Tamba ida ne’e duni, uainhira Jesus hahu hedi hanorin, ema sira nebe lahatene didiak hodi explica matenek sira nee mai husi nebe: «Laos ida ne’e mak José nia oan?» (Lc 4, 22).
  4. Lialos mak «Jesus mos laotas boot iha relação ida nebe taka metin no exclusiva ho Maria no José, maibé husi hahalok diak nebe book Nia iha família boot, iha nebe hasoru parentes tomak no belun sira».[8]Hanesan ne’e mak sei compreende katak, atu fila husi peregrinação ba Jerusalém, ninia inan aman sira ho hanoin diak ba adolescente ho tinan 12 ne’e (cf. Lc 2, 42) Se book an livremente entre ema hirak ne’e too ponto ida katak laos Nia mak sira hare durante loron tomak: «Sira hanoin katak Nia lao ho maluk sira, lao tiha loron ida, mak sira buka Nia iha parente no maluk sira leet» (Lc 2, 44). Com certeza – halo sira lahakmatek –, Jesus iha nebá no la’o ho sira seluk, halimar ho sira nebe otas hanesan nia, rona dadaun histórias husi adultos no compartilha alegrias no tristezas husi caravana. Hodi expressa ba «caravana» peregrinos nian, Lucas usa termo grego synodía, hodi hatudu precisamente ba ida ne’e «comunidade iha caminho», iha nebe mak sei integra ba sagrada Família. Diak tebes ba confiança nebe iha Nia deposita nia inan aman, Jesus book an livremente no aprende atu lao ho ema seluk.

Ninia juventude haroman ita

  1. Aspetos moris Jesus nian ne’e bele sai duni inspiração ba jovem tomak nebe cresce no sei prepara atu cumpri ninia missão. Ida ne’e implica moris ida buras iha relação ho Aman, iha consciência atu sai membros ida husi família no husi aldeia, no iha disponibilidade atu Espírito santo mak halibur no ukun iha cumprimento missão nian nebe Maromak tau fiar ba nia, ninia vocação. Se laos ida ne’e sei ignorado iha pastoral juvenil, atu laos cria projeto sira nebe isola tiha fali jovens husi família no husi mundo, ou transforma sira iha minoria seleta ida nia laran no preserva nia husi contágio tomak. Loos duni, ita mos precisa projetos nebe bele hakbiit, acompanha no fo sai hasoru malun ho ema seluk, serviço generoso, missão nian.
  2. Laos dook liu nem sai dook husi Jesus nebe haroman ita, ba ita boot jovens tomak, maibé hahu husi juventude rasik nebe partilha ho ita. Ne’e mak importante liu hodi contempla Jesus hanesan jovem nebe mak Evangelhos hatudu mai ita, tamba sai loloos ona, ida husi ita, no, iha Nia sai buat ida possível hodi reconhece diak liu traços husi jovens tomak ninia fuan. Ita hare, por exemplo, iha caraterísticas tuir mai : «Jesus iha duni confiança incondicional ida iha Aman, tau matan didiak husi amizade ho ninia discípulos no, too ba iha momentos crise nian, metin nafatin ho sira. Manifesta compaixão ida nebe klean husi sira nebe kbiit laek, especialmente ema kiak sira, sira nebe moras, maksalak sira no sira nebe ema hewai. Iha coragem atu hasoru autoridades religiosas no políticas husi ninia tempo; moris iha experiência hodi sente incompreendido no descartado; experimenta tauk husi sofrimento no conhece fragilidade husi Paixão; hateke loos ba futuro, tau ninia an iha Aman nia liman hakmatek no confia iha kbiit Espírito nian. Iha Jesus, jovens tomak sei bele hare fali».[9]
  3. Husi sorin seluk, Jesus moris hias no hakarak halo ita sai participantes husi novidade Moris Hias nian. Nia mak juventude lolos iha mundo nebe tuan ba dadaun, no nune’e mos juventude iha universo nebe hein, hela entre «moris tur ahi nian» (Rm 8, 22), sei hatais foun fali ho ninia naroman no ho ninia moris. Hamutuk ho Nia, ita mos bele hemu husi we matan loloos nian nebe hali ita hamoris nafatin ita ninia mehi sira, projetos no ideais nebe boot, hatoo mai ita iha anúncio moris nian nebe folin ba moris. Iha detalhes interessantes rua husi Evangelho Marcos nian, ita mos bele nota bolu loloos nian kona ba juventude nebe moris hias: iha paixão Nai nian, aparece jovem medroso ida nebe buka atu tuir Jesus, maibe halai molik deit (cf. 14, 51-52), jovem nebe mak laiha força hodi husik buat hotu atu tuir Jesus; enquanto, hamutuk ho rate mamuk, ita hare mos jovem ida «hatais hena mutin» (16, 5), nebe husu atu labele tauk no haklaken ksolok Moris Hias nian(cf. 16, 6- 7).
  4. Maromak bolu ita atu haroman fitun iha kalan nakukun jovens seluk nian; convida mos ita atu haree ba astros nebe loloos, ou seja, sinais balun nebe oi-oin nebe Nia haraik mai ita atu labele hela metin deit iha fatin, maibe ita mos lao tuir semeador nebe observa fitun hodi bele hamoos toos. Maromak haroman fitun ba ita, hodi ikus mai ita mos bele lao nafatin: «fitun sira nebe lakan ho ksolok iha ninia fatin, nia bolu sira no sira hatan» (Br 3, 34-35). Maibe Cristo rasik, ba ita, naroman boot esperança nian nebe haroman ita iha ita ninia kalan, Nia mak hanesan « fitun boot raihun mutin nian» (Ap 22, 16).

Juventude husi Igreja

  1. Sai foinsa’e, liufali idade ida, hanesan estado fuan nian ida. Tamba ne’e, instituição antiga ida hanesan Igreja bele hafoun no fila fali ba sai jovem iha cada fase husi fase sira nebe oi-oin husi ninia história nebe naruk. Com efeito,iha ninia momentos dramáticos liu, sente bolu atu fila ba essencial husi domin uluk nian. Hodi hanoin fali ba lialos ida ne’e, Concílio Vaticano II afirma ona, «riku husi tempo naruk nebe liu ona sei moris nafatin, no lao hamutuk ba perfeição humana ida iha tempo no ba destinos ikus nian husi história no husi moris, nia mak juventude loloos husi mundo». Iha nia, mak possível atu hasoru Cristo, « companheiro no belun husi foinsa’e sira».[10]

Igreja ida nebe husik nia an atu hafoun bebeik

  1. Ita husu ba Nai nebe liberta Igreja husi sira nebe hakarak halakon nia, haabut an ba tempo nebe liu ona, teri netik nia, halo nia labook an. Ita mos husu atu hadook nia husi babeur seluk: fiar katak nia mak jovem tamba simu buat hotu nebe mundo oferece ba nia, fiar katak sei hafoun tamba subar ninia mensagem no troka kulit ho sira seluk. Laos! Hanesan foinsa’e uainhira nia rasik nia an, uainhira simu kbiit nebe foun bebeik husi Liafuan Maromak nian, husi Eucaristia, husi presença Cristo nian no husi kbiit ninia Espírito lor-loron nian. Jovem mak uainhira consegue fila bebeik ba ninia hun.
  2. Certamente Ita, mak Igreja nia membros, ita laprecisa mosu hanesan sujeitos estranhos. Ita hotu precisa sente maun alin no vizinhos, hanesan Apóstolos nebe «tau laran ba povo tomak» (At 2, 47; cf. 4, 21.33; 5, 13). Ao mesmo tempo, porém, ita mos iha aten barani hodi sai oin seluk, hatudu mehi seluk nebe mundo ne’e laoferece, sai sasin ba kmanek generosidade nian, husi serviço, husi pureza, husi fortaleza, husi hakribit salan, husi fidelidade ba vocação rasik, husi harohan, husi luta ba justiça no bem comum, husi domin ba kiak sira, husi amizade social.
  3. Igreja Cristo nian bele monu bebeik iha tentação nebe lakon entusiasmo, tamba husik atu rona apelo Maromak nian ba risco fiar nian, fo buat hotu sem fahe perigos tomak, no fila fali ba buka seguranças mundanas nebe bosok. Precisamente hanesan jovens nebe bele tulun hametin foinsa’e sira, atu labele monu iha corrupção, labele para, labele orgulho deit, labele transforma deit iha seita, sai kiak liu no testemunhal, besik liu ba ida ikus liu no descartados, luta ba justiça, husik an atu hatama an ho humildade. Foinsa’e sira bele confere ba Igreja kona ba beleza husi juventude, uainhira estimula capacidade «hodi haksolok ho saida mak hahu ona, hodi fo lahein atu husu fali, hodi hafoun no hakat ba conquistas foun sira».[11]
  4. ema barak husi ita mak laos ona foinsa’e nebe mak precisa ocasiões nebe mak iha lian no estímulo foinsa’e nian, no « proximidade ne’e cria condições ba Igreja atu sai espaço diálogo nian no sasin fraternidade nian nebe diak tebes».[12]Ita mos precisa cria espaços diak liu iha nebe lian sira foinsa’e nian bele fo sai: «rona mak sai possível ba intercâmbio ida husi dons, iha contexto empatia nian. (…)

Ao mesmo tempo, estabelece condições ba anúncio Evangelho nian ida nebe verdadeiramente fo sai, ho modo incisivo no klean, ne’e mak ita ninia fuan».[13]

Igreja ida nebe matan moris ba sinais sira tempo nian

  1. «Enquanto Maromak, religião no Igreja labele liu deit husi liafuan oi-oin ba foinsa’e bar-barak, hanesan mos buat nebe hatudu liu ba figura Jesus nebe sensíveis, uainhira nia mak hatudu ho modo atraente no eficaz».[14] Tamba ne’e ida ne’e mak necessário katak Igreja labele haklean liu deit kona ba nia an rasik, maibe buka liu-liu mak reflete kona ba Jesus Cristo. Ida ne’e implica liu atu reconhece humildemente buat concretas balun nebe bele muda no, ba nune’e, precisa halibur mos visão nomos críticas husi foinsa’e sira.
  2. Iha Sínodo, reconhece ona katak « número consistente ida husi foinsa’e sira, husi motivos nebe mesak oi-oin, labele husu ba Igreja, tamba labele considera ba ninia existência significativa. Aliás, buat balun husu nia atu expressamente husik iha paz, dala balun, uainhira nia presença hanesan importuna no too ba irritante. Dala barak mos pedido ida ne’e moris iha desprezo acrítico no impulsivo, maibe nani iha ninia hun sira nune’e mos iha razões oi-oin no respeitáveis: escândalos sexuais no económicos; falta preparação husi ministros ordenados, nebe lahatene reconhece ho maneira adequada ba sensibilidade jovens tomak nian; cuidado didiak iha preparação homilia no iha apresentação Liafuan Maromak nian; papel passivo nebe atribui ba jovens iha comunidade cristã nia leet; dificuldade husi Igreja fo razão husi ninia posições doutrinais no éticas liuhusi sociedade atual».[15]
  3. Biar nune’e iha foinsa’e sira nebe laran diak hodi hare Igreja ida nebe sei manifesta humildemente metin husi ninia dons nomos exerce diak tebes crítica leal no fraterna ida, jovens seluk mak reclama Igreja ida nebe rona liu, katak labele hakat liu tempo hodi condena mundo. Lakohi hare Igreja ida nebe nonok no tauk, maibé deseja liu mak atu funu bebeik hasoru assuntos rua ou tolu nebe halo nakukun. Atu sai credível ba foinsa’e sira matan, precisa dala barak recupera humildade no simplesmente rona, reconhece, iha nebe mak sira seluk hateten, naroman balun nebe bele tulun atu descobre diak liu Evangelho. Igreja iha defensiva, nebe lakon humildade, nebe husik atu rona, nebe la fo fatin atu questiona, lakon ninia juventude no transforma fali ba museu. Oinsa sei bele iha Igreja ida nune’e hodi simu mehi sira husi foinsa’e sira? Biar iha verdade husi Evangelho, ida ne’e lasignifica bele compreende plenamente; antes, bele haburas bebeik iha compreensão husi rikusoin inesgotável ida ne’e.[16]
  4. Por exemplo, Igreja ida nebe tauk liu no ninia estrutura bele constantemente sai crítica husi discursos tomak kona ba defesa direitos husi feto sira nian, no hatuur constantemente riscos no sala hirak nebe possíveis husi reclamações hirak ne’e. Ao passo que Igreja ida nebe moris bele reage hodi fo atenção ba legítimas reivindicações husi feto sira, nebe mak husu barak liu ba justiça no igualdade; bele hakat fila fali ba história no reconhece trama naruk ida husi autoritarismo nebe mai husi parte mane sira nian, husi sujeição, formas oi-oin atan nian, abusos no violência machista. Ho hare ida ne’e, sei bele halao ninia reclamações husi direitos no sei fo duni ida ne’e, convictamente, ninia contribuição ba reciprocidade ida diak liu entre mane sira no feto sira, biar lasimu ho buat hotu nebe propõem husi grupos feministas balun. Husi linha ida ne’e, Sínodo hakarak atu hafoun empenho Igreja nian «contra discriminação tomak no violência ho ninia hun mak sexo».[17]Ida ne’e mak reação husi Igreja nebe mak hakarak atu foinsa’e no sei husik atu hatama an no estimula husi sensibilidade foinsa’e sira nian.

Maria, Foinsa’e husi Nazaré

  1. Iha fuan Igreja nian, resplandece Maria. Nia mak modelo boot ba Igreja jovem ida, nebe deseja lao tuir Cristo ho frescor no docilidade. Uainhira sei jovem liu simu ona anúncio husi anjo, labele tan atu halo perguntas (cf. Lc 1, 34). Maibe iha klamar nebe disponível no dehan:

«Ne’e sa, Na’i nia atan oan mak ne’e» (Lc 1, 38).

  1. «Sempre impressiona ba kbiit husi “sim” Maria, jovem nian. Kbiit husi ida ne’e mak “halo tuir ita liafuan ba”, nebe dehan ba anjo. Sai ona buat ida distinta iha aceitação passiva ou resignada. Hanesan buat ida nebe distinta husi “sim” nebe dala barak dehan: “Diak; ita sei prova hodi hare saida mak acontece”. Maria laconhece frase “ita sei prova hodi hare saida mak acontece”. Ne’e determina tiha ona: compreende deit do que atu hapara no dehan“sim”, sem hafutar ho liafuan. Hanesan buat ida nebe liu, qualquer buat nebe diferente. Hanesan “sim” husi se mak hakarak atu compromete ona no hatuur an ba, husi se mak hakarak atu fiar an tebtebes, sem iha garantia seluk “para além” husi hatene certeza nebe mak sai portadora promessa nian. Ha’u husu ba imi ida-idak: imi sente ona portador iha promessa ida ? promessa nee rasik ha’u lori iha ha’u nia fuan, precisa fo bebeik ba nia? Maria iha, laiha dúvida tan, missão difícil ida, maibe dificuldades tomak laos motivo atu dehan “não”. Com certeza iha complicações, maibe laos sai hanesan saida mak verifica ona uainhira covardia paralisa ita hodi labele hare, antecipadamente, buat hotu claro ou garantido. Maria la faan seguro husi nia moris! Maria embarca ona iha jogo no, tamba ne’e, mak nia forte, nia mak “influenciadora”, nia mak “influenciadora” Maromak nian! “sim” no desejo hodi servi sai fortes liu do que dúvidas no dificuldades».[18]
  2. Sem husik tiha evasões nem miragens, «Nia hatene acompanha terus husi ninia Oan mane (…), apoio-Nia hodi tau matan nafatin no protege-Nia ho fuan. Ho terus nebe sofre ona! Maibe la hamonu nia Oan. Sai feto ida forte husi “sim”, nebe apoia no acompanha, protege no hakuak. Ne’e mak guardiã boot husi esperança (…). Husi Nia, ita mos aprende hodi dehan “sim” ba paciência obstinada no ba criatividade husi sira nain 12 nebe la desanima no hahu foun fali».[19]
  3. Maria mak donzela husi klamar boot hodi hasae ksolok (cf. Lc 1, 47), hanesan jovenzinha ho matan nebe haroman husi Espírito Santo, nebe contempla ona iha moris ho fiar no rai buat hotu iha ninia fuan (cf. Lc 2, 19.51). lahakmatek, hamutuk nafatin iha dalan: uainhira hatene ona katak ninia prima precisa nia, lahanoin deit ba ninia projetos rasik, maibe «hiit an lalais ba foho» (Lc 1, 39).
  4. No, sente necessário atu protege ninia oan mane, lao ho José ba país seluk (cf. Mt 2, 13-14). Husi motivo nebe hanesan, hela iha discípulos sira ninia leet hodi halibur malun iha harohan ba Espírito Santo nia hiit an mai (cf. At 1, 14). Tamba ne’e, ho presença ninian, moris mai Igreja jovem ida, ho ninia Apóstolos tomak nebe hakarak sai ba hamoris mundo foun ida (cf. At 2, 4-11).
  5. Jovenzinha ida ne’e, mak ohin loron, sai Inan nebe tau matan ba ninia oan sira: ba ita, ninia oan sira, nebe dala barak lao iha moris nebe kolen, moras, maibe desejosos katak naroman husi esperança labele hamoos. Ida ne’e mak ita hotu hakarak: katak naroman esperança nian labele hamoos duni. Ita ninia Inan hare ba povo lao rai ida ne’e, povo jovem nebe Nia hadomi liu, nebe buka atu hakmatek iha ninia fuan nebe klean, seiha mos barulho bar-barak, conversas no distrações iha dalan naruk ida ne’e. Maibe, liuhusi Inan nia matan, iha deit mak fatin ida ba hakmatek nebe nakonu ho esperança. No, nune’e, Maria haroman foun fali ita nia juventude.

Jovens santos

  1. Fuan husi Igreja nakonu mos foinsa’e mesak santos, nebe fo sira ninia moris tamba Cristo, barak husi sira too sai martírio. Hakonu ho magníficos reflexos husi Cristo jovem, nebe nabilan makaas hodi estimula no hasai tiha husi sonolência. Sínodo salienta mos katak «Foinsa’e santos barak mak halo nabilan ona delineamentos desde idade juvenil iha sira ninia beleza tomak no husi kedas sira ninia tempo, profetas loloos husi mudança; ninia exemplo hatudu oinsa mak foinsa’e sira mesak diak, uainhira nakloke an ba hasoru malun ho Cristo».[20]
  2. «Liuhusi santidade foinsa’e sira nian, Igreja bele hafoun ninia ardor espiritual no ninia vigor apostólico. Bálsamo husi santidade hamoris husi moris diak jovens wain nian hodi bele fo isin diak ba Igreja no mundo nia kanek sira, lori dadaun ita ba plenitude domin nian atu, desde sempre, ita hotu mos hetan bolu: foinsa’e santos tomak dudu ita atu fila fali ba domin uluk (cf. Ap 2, 4)».[21] Iha santos nebe laconhece moris adulta, sira iha ba ita hodi husik sira an sai sasin husi forma seluk moris juventude nian. Fo hanoin mos mai ita ao menos balun husi sira, husi momentos diferentes husi história, nebe sira moris ona, sira ida-idak ho sira nia maneira maneira, no santidade.
  3. São Sebastião – iha século III – hanesan jovem capitão ida husi guarda pretoriana nian. Haktuir katak nia koalia kona ba Cristo iha fatin hotu no buka nafatin atu converte ninia companheiros tomak, too iha tempo balun uainhira ema haruka nia husik tiha nia fé. Oinsa mak nia lahatan, sira husik rama isin iha ninia leten, maibé nia lamate no nafatin haklaken Cristo hodi latauk. Ikus mai, ema baku nia too mate.
  4. São Francisco de Assis, sei foinsa’e hela no nakonu ho mehi, rona ona Jesus nia bolu atu sai kiak hanesan Nia no hafoun Igreja ho ninia sasin. Hodi husik buat hotu ho ksolok no nee mak santo husi fraternidade universal, maun alin ba ema hotu, nebe lori ba Maromak husi ninia criaturas. Mate iha tinan 1226.
  5. Santa Joana d’Arc moris iha tinan 1412. Hanesan fetoran ida iha aldeia, liu husi ninia idade fetoran nian, luta ona hodi defende França husi invasores. Incompreende husi ninia aspeto no ninia forma moris nian nebe nakonu ho fé, mate iha ahi laran tamba ema sunu.
  6. Beato André Phû Yên, foinsa’e vietnamita ida iha século XVII, hanesan catequista no tulun ona missionários tomak. Hetan castigo tamba deit ninia fiar no, hodi lahakarak atu hakiduk husi ninia fiar, ema oho nia. Mate, ho liafuan ikus«Jesus».
  7. Iha século nebe hanesan, Santa Catarina Tekakwitha, foinsa’e leiga ida nebe moris iha América do Norte, ema duni nia tamba fiar no, iha ninia halai subar, lao deit ho ain durante quilómetros 300 liuhusi aituan laran. Consagra an ba Maromak no mate ho liafuan ikus: «Jesus, ha’u hadomi Ó!»
  8. São Domingos Sávio oferece ba Maria terus hotu nebe nia iha. Uainhira São João Bosco hanorin ba nia katak santidade implica buat nebe haksolok ninian, loke ninia fuan ba ksolok contagiosa ida. Buka nafatin atu besik ba ninia companheiros nebe marginalizados no moras. Mate iha tinan 1857, ho idade 14, dehan: «kmanek saida los mak ha’u hare ne’e!»
  9. Santa Teresa do Menino Jesus moris iha tinan 1873. Ho idade 15, hakat liu nia dificuldades tomak, consegue ona tama ba iha convento carmelita nian ida. Moris hanesa «caminhito» husi confiança total iha domin ba Nai, sai ona hanesan aihan, ho fuan tomak, ahi domin nebe book Igreja.
  10. Beato Zeferino Namuncurá hanesan foinsa’e argentino ida, oan mane ida chefe importante populações indígenas nian. Sai seminarista salesiano, nakonu ho vontade atu fila ba ninia tribo hodi lori Jesus Cristo. Mate iha tinan 1905.
  11. Beato Isidoro Bakanja hanesan leigo Congo nian ida nebe fo sasin husi ninia fiar. Nia hetan torturação nebe naruk tamba iha proposto cristianismo nian ba foinsa’e sira seluk. Mate, hodi perdua sira nebe halo aat ba nia, iha tinan 1909.
  12. Beato Pier Jorge Frassati, nebe mate iha tinan 1925, «hanesan foinsa’e nebe ksolok comunicativa nian, ksolok ida nebe hakat liu ninia dificuldades moris nian».[22] dehan mos katak hakarak fahe fali domin Jesus nian, nebe simu ona iha Comunhão, visita no tulun ema kiak sira.
  13. Beato Marcelo Callo hanesan foinsa’e francês ida, nebe mate iha tinan 1945. Iha Áustria, hanesan ema nebe hetan castigo iha campo concentração nian, iha nebe, iha serviço nain sira ninia leet, conforta an iha fiar ho ninia companheiros cativeiro tomak.
  14. Fetoran Beata Clara Badano, nebe mate iha tinan 1990, «experimenta ona oinsa sofrimento bele transfigura husi domin (…). Chave husi ninia paz no husi ninia ksolok mak confiança tomak iha Nai no aceitação mos husi moras hanesan expressão misteriosa husi ninia vontade ba ninia diak no ba diak ema hotu nian».[23]
  15. katak sira ne’e, hamutuk ho foinsa’e bar-barak, frequentemente iha nonok nia laran no anonimato, moris iha Evangelho ninia klean, interceda husi Igreja atu hakonu ho foinsa’e ksolok nian, corajosos no devotados nebe ofereçe ba mundo foun sasin santidade nian.__Continua ba Capítulo III

Leave a Reply

Your email address will not be published. Required fields are marked *