shadow
Diocese de Dili > NOTÍCIAS > Notícias > “MISSIONÁRIO DA EUCARISTIA”

“MISSIONÁRIO DA EUCARISTIA”

Hau mak Pão Moris nian nebe Tun Housi Lalehan (Jo. 6, 51-57)

 

Iha loron 10 fulan Junho 2019 Diocese Dili liu husi Departamento Comunicação Diocese Dili realiza hikas Talk Show ida ho tópico MISSIONÁRIA DA EUCARISTIA nebe foti housi Evangelho São João 6, 51-57 iha nebe koalia liu kona Pão Moris Nian. Iha Evangelho São João nian nee Jesus Hateten; Hau mak Pão Moris nian nebe tun housi lalehan. Ema nebe han Pão nee nia sei moris ba nafatin; no Pão nebe Hau sei fo mak Hau nia Isin rasik, saran ba mundo nia moris. Iha Talk Show religiosos nebe ho tema MISSIONÁRIA DA EUCARISTIA, nebe realiza iha Gruta Nossa Senhora de Lurdes Bairro Klak-Fuik ho nia Orador sira mak hanesan; Pe. Violanto da Costa Soares,SJ, Me. Guilhermina Marçal,FdCC no Sr. Domingos Verdial.

Pe. Violanto da Costa Soares,SJ tenta explica iha Eucaristia nee buat fundamental saida deit mak ita precisa compreende iha Eucaristia atu nudar sarani ida bele celebra didiak no lolos. Tan nee, Pe. Violanto hateten, “Eucaristia ne’e rasik ninia definição katak acção da graça. Agradece Na’i Maromak tanba graça nebe ita hetan. Eucaristia ou missa nebe celebra ne’e iha elemento 5 : primeiro; Eucaristia desejada de preparada katak ha’u atu ba missa ne’e atu simu eucaristia ha’u tem que prepara ha’u nia an, segundo; Eucaristia celebrada e participativa katak ha’u ba missa ne’e laos atu ba tur deit maibe celebra contente ho Maromak, ho maun alin sira no depois participada katak wainhira canta ha’u canta hotu, wainhira reza ha’u reza hotu, wainhira nonok hau nonok hotu. Laos depois amu homilia ita ba tur tiha fali iha liur hodi koalia fali nee lae! Terceiro; comungada e personalizada katak simu Jesus futar isin halo comunhão ida no sai personalificação ho Ha’u, sai ida deit ho Ha’u no isin ida deit ho Ha’u. Quatro; Eucaristia rezada e adorada katak wainhira Santíssimo nebe maka amo sira halo tiha transubstânciação  ka consagração ne’e sai Jesus nia isin ona no sai Jesus nia ran e depois ba tau iha Sacrário. ida ne’e tem que rezada no adorada katak respeita nafatin fatin nee. No ikus liu mak; Eucaristia de vida e praticada katak Eucaristia nebe ita simu ne’e sai isin ida ho ó, nune’e o fila fali ba uma o hato’o katak ha’u Eucaristia vivo para transmite ba hau nia família no ba maun alin sira katak comunhão ho Jesus ne’e hanesan comunhão ho maun alin sira. Ida nee katak ó comunhão ho Jesus nee tem que comunhão ho maun-alin sira. Ida ne’e maka ponto elemento 5 atu moris didiak hanesan pessoa Eucaristico”.

Liu tan nee Pe. Violanto hateten: “iha lian Português ema dehan nunee; uma vida Eucarística é uma vida Missionária. Vida nebe maka moris diak iha Eucaristia ne’e tem que hatutan fila fali ba ema seluk. Eucaristia nebe ita celebra ne’e laos padre mak celebra deit, maibe ita hotu participa no ita celebra missa ne’e atu fo vida. Jesus wainhira han kalan ikus iha Senáculo ho nia Escolante nee nia dehan katak, Nee Hau nia Isin simu han ba, nee Hau nia Ran simu hemu ba, halo ida nee hodi hanoin Hau. Maibe ida nee nia hetan nia significado ida nebe lolos tem que ligado ho Calvário. Ita hare Nia pronúncia ho liafuan deit, maibe tem que ba prática. Tan nee ema dehan katak Senáculo labele separa ho ho Calvário. Tanba nee mak ema dehan katak celebração Eucaristia nee é celebrar a vida no sentido de ita ba tiha missa ona fila ba uma fo vida”.

Iha sorin seluk, Me. Guilhermina iha nia ponto de vista kona ba Eucaristia nee katak, “Tuir buat nebe Jesus Cristo dehan iha Evangelho São João (6:51-56) ne’e atu reafirma lolos ba ita nu’udar ema sarani nebe celebra Eucaristia hodi simu Cristo nia Futar Isin laos hanesan aihan bai-bain, maibe ida nebe fo esperança iha ita nia caminhada Espiritual ba vida eterna nian. Tanba ne’e mak Jesus dehan; Ha’u nia isin mak aihan lolos nebe tun husi lalehan, atu fo moris ba imi. Sira nebe han Ha’u nia isin no hemu Ha’u nia ran sei hetan moris rohan laek. Então iha ne’e Jesus lori ita oinsa mak iha celebração Eucaristia ne’e lori duni ita hodi celebra ho espiritu fiar nian katak iha momento celebração Eucaristia ne’e laos amululik deit mak iha neba, maibe Cristo rasik mak amululik representa hodi celebra Eucaristia. Eucaristia ne’e mai duni husi Cristo nebe dehan Eucaristia ho domin ba humanidade liu-liu ba ita sarani sira, iha ne’e mos atu lori ita atu dehan katak celebração Eucaristia, ha’u nebe simu Cristo nia futar isin nebe Jesus dehan se mak han Ha’u nia Isin no hemu Ha’u nia Ran nia sei la hamrok tan no sei la mate tan, ida ne’e liga uitoan wainhira Jesus mosu ba feto Samaritana nebe dehan we nebe o kuru sei hotu no sei mai fali atu kuru hikas fali maibe we nebe Ha’u fo o hetan dala ida ba nafatin to’o moris rohan laek. Ne’e duni Eucaristia nebe ita celebra laos ita ba simu ostia ne’e hanesan ostia bai-bain ida, maibe ostia ne’e nakfilak ba Cristo nia futar isin lolos nebe ita simu ne’e simu ho fiar katak ita simu Cristo nia isin no nia ran nebe fo vida ba ita. Eucaristia nebe ha’u simu ne’e  transforma ha’u nia an no ita mos sai fali hanesan aihan ida nebe ita simu Cristo nia isin ne’e ba ema seluk. Ida ne’e mak hatete katak sai sasin ksolok Eucaristia ne’e iha ita nia moris lor-loron”.

Liu tan nee Me. Guilhermina dehan: “Eucaristia katak centro vital ba moris sarani ida nian no ba religiosa katak se sem Eucaristia vida ne’e laiha sentido ida. Ne’e duni, Eucaristia mak ha’u nia comunhão ho Na’i Maromak, Na’i Maromak nia comunhão ho ha’u no comunhão ne’e laos katak ba ha’u an deit, maibe quando ha’u celebra Eucaristia ne’e lolos Cristo nebe ha’u simu ne’e ho sentimento ksolok ho fiar katak ha’u simu Cristo ida ne’e ha’u nian an ne’e transformada no halo ha’u nia an ne’e sai sinal comunhão iha comunidade no mos ha’u nia postulado. Ne’e duni, Centro Igreja nian mak Eucaristia katak componente hot-hotu se deit ita ba ne’e ho condição celebração Eucaristia ne’e. Agora ne’e ita ladun haré quando ema halo sala pecado ruma la ba confessa ba comunga hanesan bai-bain deit, maibe condição ne’e ita rasik mak cria, se iha buat ruma nebe ladiak tem que precisa cria aproximação sacramento reconciliação hanesan graça boot ida nebe prepara ita diak liu tan atu ba simu Jesus, hafoin preparação ba Eucaristia hahu husi uma creda laran (decorações, leitores, cantores, acolitos, amululik no sarani) sira hotu, ita ida-idak tem que prepara ita nia an. Leitores sira lê ne’e proclama Maromak nia liafuan iha momento neba Maromak impresta nia ibun hodi haklaken Maromak nia futar liafuan ba ema sarani sira atu rona didiak, prepara ita atu hodi tama iha celebração comunhão unico ho Na’i Maromak iha Eucaristia nebe ita simu iha comunhão”.

Iha biban hanesan, Sr. Domingos mos fo nia ponto de vista ba Euristica rasik katak, “Eucaristia mak centro ba ita ema nia moris. Jesus rasik dehan, ema nebe han Ha’u nia isin no hemu Ha’u nia ran, nia sei sai isin ida deit ho Ha’u. Nu’udar sarani ida Eucaristia sai hanesan centro ida ba ha’u moris. Hanesan sarani ida, ha’u tem que dedica ha’u nia an tomak ho maneira oinsa mak atu tuir Eucaristia ne’e ho hanoin katak participa missa ho an tomak hodi bele sai ezemplo diak ba ema seluk. Antes atu ba missa tem que prepara lê netik Bíblia ruma molok ba missa, masque dala ruma hasoru desafio oi-oin iha moris lor-loron nian, maibe sempre iha nafatin coragem atu paciência,  hakbesik nafatin ba Igreja hodi reza”.

Liu tan nee Sr. Domingos hateten, “Ita nia presença iha Eucaristia ne’e atu reza mos ba maun-alin sira nebe la sente Maromak nia presença iha sira nia moris no sira nebe lakon fiar ba Maromak hodi labesik ba Igreja. Ita buk atu hanesan missionário ba sira hodi conssola sira liu husi ita nia hahalok diak, paciência, haraik an, halo diak ba sira, hodi lori sira fila fali ba Maromak”. (Equipa DCDD)

Leave a Reply

Your email address will not be published. Required fields are marked *