shadow
Diocese de Dili > NOTÍCIAS > LETURA DIÁRIA > Quarta – Feira, X Semana Tempo Comum (ANO C)

Quarta – Feira, X Semana Tempo Comum (ANO C)

Primeira Leitura                      2Cor. 3. 4-11

Lia housi São Paulo nia Segunda Surat ba sarani sira iha Corinto:

Maun alin sira: Ami fiar ne’e housi Cristo ba Maromak. La’os katak ami rasik soi atu foti an kona ba buat ruma nebé mai housi ami; maibé lolós buat nebé halo ami soi mai housi Maromak, nebé halo duni ami soi atu sai aliança foun nia emar, la’os housi letra maibé housi espírito; basá letra lori mate, maibé espírito lori moris.

Oras ne’e, knaar atu oho nian, nebé hakerek tiha iha fatuk belar, mosu nu’udar buat nebé kmanek liu, nune’e ema Israel sira la bele hateke ba Moisés nia oin tan nia glória, nebé atu mohu lakon; knaar Espírito nian sei mosu kmanek liu tan! Basá knaar atu fó kastigu kmanek karik, knaar halo ema laran lós nian sei sai kmanek liu tan. Tebes duni, ohin ne’e buat nebé hafutar an ho glória sai fali glória laek, tan glória seluk nebé boot liu nia. Basá buat nebé atu mohu lakon kmanek karik, kmanek oinsá liu tan mak buat nebé sei hela ba nafatin.

Maromak Futar Lia.

 

Salmo Responsorial                                                                                                                                              Sal. 98(99). 5-9 (R. 9c)

Refrão : Na’i, ami nia Maromak, Ita mak Santo!!! Repete-se

Hahí Na’i, ita Maromak,

Takrabat ba rai iha Nia futar oin,

Nia mak Santo! Refrão

 

Moisé no Aarão housi Nia na’ilulik sira leet,

No Samuel iha sira be bolu Nia naran,

Sira harohan ba Na’i, Nia rona sira. Refrão

 

Iha kalohan laran, Na’i ko’alia ba sira,

Sira halo tuir Nia ukunfuan,

Fó moris tuir lei be Nia fó ba sira. Refrão

 

Na’i, ami nia Maromak, Ita rona sira,

Ba sira, Ita nu’udar Maromak be laran mamar,

Maibé, fó castigo ba sira nia hahalok áat. Refrão

 

Hahí ba Na’i, ita Maromak,

Takrabat ba rai iha Nia foho Santo nia oin,

Na’i Santo tebes, ita nia Maromak. Refrão

 

Aclamação                                                                                                                                                                                  Sal. 25. 4b, 5ª

Refrão : Aleluia, Aleluia!! Repete-se

Na’i, halo ha’u hatene Ita dalan,

Halo ha’u tuir Ita lialós. Refrão

 

Evangelho                                                                                                                                                                                        Mt. 5. 17-19

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus lia tun ba escolante sira, dehan: “Imi keta hanoin katak Ha’u mai hasai tiha Lei ka Profeta sira; Ha’u mai la’os atu hasai; Ha’u mai atu halo ema kumpri lolós. Ha’u dehan lialós ba imi: Maski Lalehan ho rai lakon, Lei baluk ida mós sei la lakon; sei cumpri hotu. Ema nebé la halo tuir ukunfuan hira ne’e ida, maski ukunfuan ki’ikoan, hodi hanourin nune’e ba ema, nia sei sai kiik liu iha reino Lalehan. Maibé, ema nebé moris tuir didiak ukunfuan, hodi hanourin mós maluk seluk, ema ne’e sei sai boot iha reino Lalehan.

Lia Maksoyn.

Leave a Reply

Your email address will not be published. Required fields are marked *