shadow
Diocese de Dili > NOTÍCIAS > LETURA DIÁRIA > Terça – Feira, X Semana Tempo Comum (ANO C)

Terça – Feira, X Semana Tempo Comum (ANO C)

Primeira Leitura                   2Cor. 1. 18-22

Lia housi São Paulo nia segunda Surat ba sarani sira iha Corinto:

Maun-alin sira: Nu’udar Maromak la bosok, ami nia liafuan ba imi la’os “lós” no “lae” dala ida de’it. Basá Maromak nia Oan Mane, nebé Silvano no Timoteo no ha’u haklaken ba imi, la’os “lós” no “lae” maibé iha Nia “lós” nafatin. Basá Maromak nia promessa hotu, hetan sira nia “lós” iha Nia: tan ne’e ita dehan “Amen” housi Nia, ba Maromak ba glória. Maibé Maromak mak Ida nebé hametin ami ho imi iha Cristo, no Nia mak haruka ami, hodi tau Nia sinal mai ami no fakar nia Espírito iha ami nia fuan nu’udar prenda.

Maromak Futar Lia.

 

Salmo Responsorial                                                                                                                    Sal. 118(119). 129-133, 135 (R. 135ª)

Refrão : Na’i, hatudu Ita futar oin mai ami!!! Repete-se

Na’i, Ita ukunfuan kmanek tebes,

Tan ne’e, ha’u moris tuir.

Ita futar liafuan mak naroman,

No haraik matenek ba ema kiik sira. Refrão

 

Ha’u loke ibun hodi dada íis,

Tan ha’u hakarak tebes Ita ukunfuan.

Hamatan mai ha’u no sadia ha’u,

Hanesan Ita halo ba sira be hadomi Ita naran. Refrão

 

Hametin ha’u nia lala’ok tuir Ita moruk,

Atu buat áat ida keta babeur ha’u;

Hatudu Ita futar oin ba Ita atan.

Halo Ha’u hatene Ita ukunfuar. Refrão

 

Aclamação                                                                                                                                                                                             Mt. 5-16

Refrão : Aleluia, Aleluia!! Repete-se

Imi nia naroman sei nabilan mós iha ema sira nia oin,

Atu sira haré buat di’ak imi halo,

Sira hahí imi nia Aman iha Lalehan. Refrão

 

Evangelho                                                                                                                                                                                       Mt. 5. 13-16

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus lia tun ba escolante sira: “Imi mak masin rai nian. Maibé, masin lakon karik nia meer, nia hameer aihan oinsá? Nia la so’i ona ba buat ida; nia so’i de’it atu so’e ba liur, ema atu sama. Imi mak mundo nia naroman. Cidade nebé harí iha foho leten, la bele subar-an; áhi-oan sunu atu la’os atu tau iha fatin ókos, maibé, atu tau iha fatin áas, hodi leno ema hotu iha uma laran. Imi nia naroman sei nabilan mós hanesan ne’e iha ema sira oin, atu sira haré buat di’ak imi halo, sira hahí imi nia Aman iha Lalehan”.

Lia Maksoyn.

Leave a Reply

Your email address will not be published. Required fields are marked *