shadow
Diocese de Dili > NOTÍCIAS > Notícias > Agio Pereira sei assume cargo Primeiro Ministro Interino

Agio Pereira sei assume cargo Primeiro Ministro Interino

DCDD – Iha encontro semanal ho Presedente da República iha Palácio Presidente Nicolau Lobato, Dili nee informa atividades Governo nian nebe concentra ba iha area rua hanesan; parte uluk nian hau informa kona ba hau iha problema saúde tanba nee iha loron 16 fulan nee hau sei sai ba liur hodi halo tratamento depois mak hau fila fali mai. Enquanto hau sai Ministro de Estado e da Presidência do Conselho de Ministros Agio Pereira mak sei lidera governo iha tempo nebe hau nia ausência, tenik Primeiro Ministro Taur Matan Ruak iha Palácio Presidencial Bairro Pite, Dili

Liu tan nee Primeiro Ministro Taur Matan Ruak hateten, “Iha encontro semanal nian nee mos ami koalia mos kona ba plano visita Presidente da República nian ba iha Covalima nebe sei acontece iha loron 27 too 28 fulan Junho tinan ida nee, nebe sei acompanhado mos housi membro governo nian balun ba fatin refere”.

Iha ocasião liderança nain rua nia hasoru malu nee mos sita uituan kona ba caso droga nian nebe timoroan nain rua lori no hetan capturação housi Polícia Indonesia nian iha Fronteiro Indonesia. Tan nee Primeiro Ministro informa katak “ohin ami koalia mos kona ba caso ida nee primeiro ita laiha acordo kona ba extradição, segundo ita nia advogado sira nee la naran ba. Tanba nee hau mos fo conselho ba Sua Exelência Presidente da República para bolu tok ita nia Procurador Geral para saida mak ita bele halo. Hau ohin dader foin mak simu surat housi advogado sira nian balun hateten katak advogado iha neba bele, so que ninia implicações nee oinsa par tuir Lei nee saida mak ita tem que halo. (Marta/Alin)

Leave a Reply

Your email address will not be published. Required fields are marked *