shadow
Diocese de Dili > NOTÍCIAS > Notícias > Iha fulan Maio no Início fulan Junho PNTL regista Caso hamutuk 408

Iha fulan Maio no Início fulan Junho PNTL regista Caso hamutuk 408

DCDD, Comandante Geral Policia Nacional Timor-Leste Comissário Faustino da Costa iha encontro semanal ho Presidente da República Francisco Guterres Lú Olo iha Palácio Presidencial Nicolau Lobato, Dili iha loron 13 Fulan Junho 2019 nee hodi relata atividade sira durante nee PNTL halo iha terreno. Hafoin remata tiha encontro Comandante Geral Policia Nacional Timor-Leste Comissário Faustino da Costa ba jornalista haktuir katak “Hasoru malu ohin nian ho Presidente da República Francisco Guterres Lú-Olo iha Palácio Presidencial Nicolau Lobato nee hodi apresenta atividades semanal nian nebe PNTL halo. Atividade sira nee mak hanesan iha fulan maio too início fulan Junho PNTL regista insidentes barak maibe situação geral iha rai laran lao ho diak.

Comissário Faustino da Costa afirma tan katak “Husi iha fulan Maio to’o loron 13 fulan PNTL regista caso hamutuk 408 hanesan assaltus, violência domêstica, ofenças integridade física símpples no caso soe bebe. Caso assaltos malu maioria comete housi arte marciais. Ita hotu hatene katak caso soe bebe laos iha Dili deit, maibe acontece mos iha Covalima. Housi nee hotu PNTL halo ona atuação no processa ona caso sira nebe registrado ona. Housi caso sira hotu nebe ami apresenta ba Presidente da República Francisco Guterres Lú Olo, no Presidente da República Francisco Guterres Lú Olo reconhece mos katak ida nee hanesan desafios ba PNTL no husu mos PNTL atu continua atua hodi resolve problema sira nee ho linha cordenação ho F-FDTL. (Marta/Alin).

Leave a Reply

Your email address will not be published. Required fields are marked *