shadow
Diocese de Dili > NOTÍCIAS > Notícias > PARÓQUIA SAGRADO CORAÇÃO DE JESUS BECORA COMEMORA ANIVERSÁRIO BA DALA 54

PARÓQUIA SAGRADO CORAÇÃO DE JESUS BECORA COMEMORA ANIVERSÁRIO BA DALA 54

DCDD-DILI, Atu comemora Festa Padroeiro Paróquia Sacrado Coração de Jesus Becora nian ba dala 54, antes ne’e Ilas Sagrado Coração de Jesus lao fo volta Paróquia Becora laran tomak hodi visita comunidade bairro, capelas no escola católica sira. Iha loron Sexta-feira  28 fulan Junho tinan 2019 tuku 9:00 dader, liburan hamutuk sarani paróquia Sagrado Coração de Jesus iha gruta hodi comemora Solenidade Festa Sacrado Coração de Jesus ho missa ne’ebe preside housi mahein diocese dili nian Dom. Virgílio do Carmo da Silva, SDB. Iha Solenidade ne’e foinsae nai 1200 mak simu sacramento Crisma. Remata tiha missa Solenidade ne’e, iha discurso sira Dom. Virgílio do Carmo hateten, Ha’u nia parabens ba iha Pe. Pároco, Pe. Vigário,Comissão, Conselho Pastoral no equipa tomak Becora nian, tanba durante Tinan rua nia laran lori duni Gaudete exultate la hela de’it iha paróquia, maibe tun ba iha bairro, Aldeia sira, tama sai fatin hot-hotu, ida ne’e nia rezultado mak iha tinan kotuk ita iha ema Atus hitu mak Crisma. No ohin iha Rihun ida atus rua mak Crisma. Ida ne’e hatudu katak sinal ida laos Uma Creda hela de’it iha nia fatin, maibe Igreja oinsa mak koko tun ba buka nia bibi sira. Tanba ne’e mak ha’u hanoin no sente contente e Agradecido.

 Ba Crismado sira Prelado ne’e hatete, “ohin imi rona ona buat barak hahu housi missa no durante semana tomak imi nia preparação. Hein katak buat hotu ne’ebe imi simu la hela de’it ohin, maibe hein katak lor-loron mos, continua fo sasin nafain kona ba imi nia fiar nu’udar Jovem missionário no haklaken nafatin iha imi nia família, iha imi nia escola no iha imi nia comunidade. Parabens ba ita nia Jovem Crismado sira atu imi mos ba oin tem que sai nafatin missionário katak ba no haklaken “Ide e Proclamai” ho imi nia moris “baptisados enviados” ema hotu ne’ebe sarani simu knar ida ne’e atu fo sasin kona ba ita nia fiar.

Iha sorin seluk Pároco Paróquia Sagrado Coração de Jesus Becora Pe. Domingos da Silva Soares hateten, “Ha’u nia agradecimento ba Amo bispo no padre sira ne’ebe ohin mai halibur hamutuk iha fatin ida ne’e hodi celebra festa mahein Paróquia Becora nian. Iha festa Sagrado Coração de Jesus nian ita Paroquiano Becora hanoin nafatin katak ita hot-hotu tem que banati tuir Sagrado Coração de Jesus nia ain fatin. No  buat ne’ebe dala barak hau dehan tiha ona katak ita tem que iha Apostulado nebe barak liu tan tanba iha tinan kotuk ita iha ema nain hitu (7), maibe tinan ida ne’e ema nain ida de’it. Maibe ne’e hotu ita sei buka esclarece malu no ajuda malu atu Paróquia Coração de Jesus ne’e maka’as liu tan iha apostalado de oração ninian.

Pároco ne’e mos esclarece tan katak, Amo bispo contente tebes tanba bele hare Jovem rihun ida atus rua (1200) hakbesik mai simu Sacramento Crisma Ne’e graça boot ida mai ita, nebe ita nia programa Gaudete Exultate ne’e sei naruk no sei haklean liu tan, maibe hanesan ha’u dehan ona iha fatin-fatin katak ita hot-hotu nia direito ba ksolok. Ohin ita sei continua programa Conselho Paroquial ninian ne’ebe ita sei hala’o atu oinsa ita bele hetan orientações ne’ebe concreta ba sacramento sira, ba buat hotu-hotu hodi ita bele hatene mos oinsa ita la’o hamutuk. Paróquia katak família ou ema sira ne’ebe hela besik malu atu la’o hamutuk ba fatin ida katak Lalehan. (Alin)

Leave a Reply

Your email address will not be published. Required fields are marked *