shadow
Diocese de Dili > NOTÍCIAS > REFLEXÃO > HALIBUR RIKU SOIN LALEHAN NO MUNDO?

HALIBUR RIKU SOIN LALEHAN NO MUNDO?

Liurai Alexandre Magno toba hela iha kama leten ida, wainhira nia atu mate dau-daun ona, nia bolu no halibur hotu nia jeneral sira no hato’o hela lia menon tolu ba dala ikus nunee:

  1. Ema nebé leba hau nia kaisaun tenke doutor sira nebé di’ak liu hotu iha mundo.
  2. Hau nia riku soin hotu nebé halibur durante moris (osan, osan mean, sasán luxo sira) tenke kari no halekar iha dalan husi uma too ba rate.
  3. Hau nia liman tenke husik tabele sai husi caixão atu ema hotu bele haré.

Jeneral ida, hakfodak ho lia menon ne’e hodi husu explicação. Liurai Boot Alexandre explica nunee:

  1. Hau hakarak doutor sira nebé di’ak liu mak lori hau nia caixão atu hatudu katak bainhira O nia oras to’o atu mate maske doutor nebé matenek liu hotu mós sei labele salva o nia moris.
  2. Hau hakarak riku soin hotu halekar iha dalan atu hatudu katak buat hotu nebé ita hetan iha mundo sei husik hela iha mundo.
  3. Hau hakarak liman husik tabele sai husi caixão atu hatudu ba ema hotu katak ita moris mai iha mundo ho liman mamuk no sei husik hela mundo ho liman mamuk.

Liurai Alexandre hatutan: “ita nia riku soin boot liu iha mundo mak tempo. Ita bele produz riku soin barak durante ita nia moris iha mundo maibé, ita sei la bele aumenta naruk liu tan ita nia tempo. Ita bele buka no halibur hotu sasán mundo nian maibé, bainhira tempo too mai, HOTU ONA.”

Vivemos muitas vezes como se Deus não nos escutasse. Não conseguimos enxergar as bênçãos que o Senhor derrama em nossas vidas, ou quando as vemos, elas parecem não ser suficientes. Primeira Leitura,  Profeta Isaías descreve katak; Maromak cria ema hodi hetan ksolok ho Maromak. São Paulo iha Segunda Leitura justifica; ita nobun nudar fiar nain ba Cristo, la bele confronta malu ho lalaok sira mundo nian. São Paulo aconselha atu diak liu ita muda lalaok nudar ema foun (o homem novo-manusia baru) nudar Cristo ba maluk sira seluk. Iha fali Evangelho, São Lucas fo hanoin ita katak; Jesus hatudu ita nudar ema Cristão nebé sai nia manu ain (Utusan Tuhan) ba rai-rai.

Evangelista Lucas nia leitura fo reflexão; ita nudar Cristo nia escolante automaticamente sai nudar manu ain Jesus nian. Ita hetan bolu oinsa no too iha nebé ona ita consciente ho ita nia dever nudar Jesus nia manu-ain. Nudar Jesus nia escolante verdadeiro ita tenke sai manu-ain forte tuir ida-idak nia dalan no posição iha sociedade hodi fahe Lia Foun diak nu’u Jesus haruka.

Ita precisa haré ida-idak nia-an ba situação no ita nia knaar nudar seguidor Cristo nian. Saida mak ita halo ona cumpri knaar nudar manu-ain Cristo nian? Ba tuir Missa iha Domingo deit tan tauk tama inferno? Reza deit molok han no molok toba? Participa iha oração grupo bairro nian deit? hirak nee deit too ona hodi justifica knaar sarani nian? Nee hotu parte kiik ida husi ita nia dever nudar Cristo nia manu-ain. Se ita confia-an ona ho lalaok kiik hirak temi iha leten, nee significa katak ita seidauk cumpri knaar loloos nudar manu-ain Cristo nian. Nee significa ita buka salva-an deit hodi haluha tiha maluk sira seluk.

Afinal Jesus hatete claro ona katak:”toos boot maibé, serviço nain oitoan deit”. Jesus hatutan liu tan; ”Hatene ba katak Hau haruka imi hanesan bibi malae ba iha asu fuik sira leet”. Ema hirak nebé conhece Cristo no hakarak los atu hetan salvação barak maibé, ema hirak nebé Cristão (Católico) loloos oitoan deit. Será que ita consciente ona hau nia knaar nudar Cristo nia manu-ain? Será que simu simu Sacramento Baptismo ho Sacramento sira seluk ba interece privado deit?

Cristão (Católico) barak hanoin katak; ema hirak nebé sai Cristo nia manu ain mak amu Bispo, padre sira, madre sira, catequista sira, nomos sarani balu nebé ho iniciativa rasik hakarak participa iha grupo categorial. Tuir los, ema hotu nebé simu ona baptismo iha Igreja Católica iha obrigação participa hodi haklaken Lia Foun Diak hanesan escolante 72 nebé Jesus haruka ba haklaken além de apóstolo 12. Ita fiel ona ba vocação ida nee ka lae?

Lia Foun Diak (Evangelho) nebé precisa haklaken nee,  precisa concretiza iha sasin moris ba ema seluk. Praticamente, ita ida-idak basea ba ita nia situação rasik, precisa participa hodi haklaken no lori dame ba ita nia maluk sira seluk. Nudar escolante verdaderio Jesus nian, uluk liu, Jesus laos haruka ita hodi ba harii uma mesak andar no luxo maibé, Jesus haruka ita ida-idak hodi constroe Maromak nia emar sai soceidade ida nebé moris dame  no halo ema hotu bele sente Maromak nia diak liu husi lalaok moris justo. Ida nee mak tos (seara/ladang) nebé Jesus pretende koalia iha nia Evangelho.

Amu Papa Francisco nebé sai Papa iha situação problemática hanesan agora nee, sempre convida no motiva Cristão Católico sira tau atenção especial ba ema kiak no kiik sira. Papa ida nee mai husi continente América do Sul, iha neba, maioria povo ema Cristão, maibé, Maromak hili nia hodi ukun iha continente nebé uma andar rihun ba rihun, Igreja mesak andar no furak maibé, laran hahu mamuk ona. Iha neba, ema kiak mos barak ba bebeik. Papa haré katak iha mundo nee, injustiça demais liu ona. Dala ida iha homília Papa dehan: ema kiak sira nudar portão (lokar/odamatan boot/pintu gerbang) ba lalehan.

Hasoru progresso no modernismo mundo horas nee, ita nia Papa Francisco hakarak hatudu valor boot husi moris simples nebé ema la bele haluha. Papa Francisco rasik aplica duni moris simples nee iha ninia governação papal hodi opta liu ba ema kiak sira. lalaok nee fo sinal katak; ita mak Maromak nia manu ain. La bele halibur deit mak riku soin maibé, precisa halibur mos riku soin lalehan nian. Reflect fila fali história badak Alexandre Magno nian iha leten. Ita taka refelexão Domingo semana nee nian ho lia murak tuir mai: São João da Cruz nos ensina: “Quanto mais te apartas das coisas terrenas, mais te aproximas das celestiais e mais te achas em Deus.”

 

Vivemos muitas vezes como se Deus não nos escutasse. Não conseguimos enxergar as bênçãos que o Senhor derrama em nossas vidas, ou quando as vemos, elas parecem não ser suficientes. Para termos as bençãos, devemos buscar o Deus das bençãos, se buscarmos o Senhor de todo o coração vamos encontrá-lo. Mas, quando bebemos da fonte do Amor Eterno, as respostas vêm em nossa mente e coração. Não existem limites para Deus. Ele é alfa e o ômega, o princípio e o fim de tudo. Assim seja e Bem Haja. (IgnasLopes)

Leave a Reply

Your email address will not be published. Required fields are marked *