shadow
Diocese de Dili > NOTÍCIAS > LETURA DIÁRIA > Quarta – Feira, XV Semana Tempo Comum (ANO C)

Quarta – Feira, XV Semana Tempo Comum (ANO C)

Primeira Leitura                          Ex. 2. 1-15ª

Lia housi Livro Êxodo:

Iha loron nebá, Moisés hein hela bibi, nia banin mane Jetro, na’ilulik iha rai Madiã ninian. Nia lori bibi sira ba iha rai-fuik maran nia sorin balu ba. Nia to’o iha Maromak Nia foho Horeb. Na’i Nia Anjo mosu ba nia hanesan ahi-klaak moris iha ai-klobor oan ida. Moisés haré ahi ne’e moris hela, maibé, la han mohu ai-klobor ne’e. Moisés hanoin iha nia laran nune’e: “Ha’u b besik, hodi haré to’ok buat foun sá ne’e?” Na’i haré nia hakbesik an ba ai klobor ne’e. Nune’e, Na’i bolu nia housi ai klobor ne’e: “Moisés, Moisés!” Nia hatan: “Ha’u mak ne’e!” Maromak dehan teni: “Ó keta besik mai. Hasai tiha sandálias housi ó ain, basá, fatin ó sama daudaun ne’e, rai lulik ida”. Maromak lia tun dehan teni: “Ha’u mak ó aman nia Maromak, Abraão nia Maromak, Isaac nia Maromak, Jacob nia Maromak. Moisés taka tiha oin, basá nia ta’uk hateke ba Maromak.

Hafoin, Na’i dehan tan: “Ha’u hare Ha’u Nia povo terus iha rai Egipto; Ha’u rona mós nia lian, tan guarda sira fó terus nia. Oras ne’e Ha’u haruka ó ba iha Farão, atu ó lori sai housi Egipto Ha’u Nia povo, Israel oan sira.

Moisés hasa’e lia ba Maromak, hodi dehan: “Maibé, Na’i, ha’u ne’e sé lós atu ba ko’alia ho farão hodi lori sai Israel oan sira housi Egipto?” Maromak hatan ba nia: “Ha’u sei hela hamutuk ho ó; ida ne’e hanesan sinal katak Ha’u mak haruka ó; wainhira ó lori sai tiha ona povo sira housi Egipto imi sei mai hasa’e hana’i ba Maromak iha foho ida ne’e”.

Maromak Futar Lia.

 

Salmo Responsorial                                                                                                                                 Sal. 102(103). 1-4, 6-7 (R. 8ª)

Refrão : Na’i, Ita mak Maromak laran-luak no laran maus!!! Repete-se

Hahí Na’i, ha’u klamar,

Ha’u an tomak, hawélok Nia naran Santo.

Hahí Na’i, ha’u klamar,

La haluha Nia kmanek tomak. Refrão

 

Na’i kasu ó salan tomak,

Nia perdua ó nia hahalok áat hotu;

Hasai ó moris housi mate,

Hafutar ó ho grace no laran maus. Refrão

 

Na’i halo justiça,

Nia hatau direito ema sira be terus todan,

Nia hatudu Nia dalan ba Moisés,

No ba Israel oan, Nia hahalok kmanek sira. Refrão

 

Aclamação                                                                                                                                                                                           Mt. 11. 25

Refrão : Aleluia, Aleluia!! Repete-se

Rahun di’ak ba Ita, Na’i Lalehan no rai nian, tan

Ita hatudu mistério reino Lalehan nian ba ki’ik sira. Refrão

 

Evangelho                                                                                                                                                                                     Mt. 11. 25-27

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus dehan nune’e: “Aman, Na’i Lalehan no rai nian, Ha’u hahí Ita tan Ita subar tiha buat hirak ne’e ba ema matenek no neon na’in sira hodi hatudu ba ki’ik oan sira. Los duni, Aman, tan Ita hakarak duni nune’e. Ha’u Aman tau tiha buat hot-hotu iha Ha’u liman; ema ida la hatene Oan, Aman de’it mak hatene; nune’e mós ema ida la hatene Aman, Oan de’it mak hatene, no mós ema nebé Oan hakarak hatudu ba nia”.

Lia Maksoyn.

Leave a Reply

Your email address will not be published. Required fields are marked *