shadow
Diocese de Dili > NOTÍCIAS > Notícias > PRESIDENTE DA REPÚBLICA HATO’O VOTO KSOLOK NIAN BA PARÓQUIA LETEFOHO

PRESIDENTE DA REPÚBLICA HATO’O VOTO KSOLOK NIAN BA PARÓQUIA LETEFOHO

DCDD (16-07-2019), Presidente da República de Timor-Leste Dr. Francisco Guterres Lu-Olo hato’o nia parabens ba Paróquia Nossa Senhora do Carmo Letefoho ne’e iha loron 16 fulan Julho tinan 2019 comemora nia aniversário existência nian ba dala 25. Biban comemoração ba XXV aniversário Paróquia Letefoho nian ne’e, Presidente labele participa direita, maibe delega Chefe Casa Civil ne’ebe representa Presidente da República hodi participa iha evento 25 ano Paróquia Letefoho. Presidente da República nia menságem ne’ebe transmite direita housi Chefe Casa Civil ne’e hateten, antes atu hahu menságem ne’ebe Presidente transmite katak Presidente agradece ho convite ne’ebe hato’o ba Presidente maske Presidente la marca presença direita tanba Presidente iha atividade seluk atu halao. Presidente da República halo tuir artigo 6 nebe hateten oinsa atu garante objetivo Estado katak sidadão sira tem que moris diak iha isin no klamar ne’ebe mak saudável, atu nune’e ema laos de’it iha isin diak, maibe mos iha klamar ne’ebe diak atu hetan salvação. Presidente nia comprimisso boot katak nia sei tau matan ba ema hot-hotu atu moris diak iha física no Espiritual. Tanba ne’e mak Presidente promove diálogo nafatin permanente ho Igreja Católica no comfissões Religioso sira.

Chefe Casa Civil ne’e haktuir katak, Ohin ita celebra aniversário ba 25, diferência ita halo celebração entre ema nia tinan ho Instituição nia tinan. Tan ne’e iha buat rua; ema quando celebra nia tinan, nia moris badak ba dadauk. Quando ita celebra Instituição nia tinan katak Instituição ne’e atu naruk no buras ba bebeik. Ohin ita rona menságem iha homilia amo bispo nian hateten katak, iha buat rua; iha Telemóvel no mos Terço. Telemóvel ne’e precisa signal no Usa terço precisa vontade. Tanba ne’e ba ita hot-hotu importante liu mak vontade tanba vontade laprecisa antena. Tanba ne’e 25 anos laos tempo ida badak, tempo ida suficiente ona katak Paróquia Letefoho nia sai jovem boot ida isin diak.

Chefe Casa Civil ne’e haktuir tan mos katakk, Quando ita hare sarani sira barak hatudu katak esperança ba futuro iha rai Letefoho naroman ba bebeik. Ho participação sarani sira hotu Letefoho bele sai exemplo ba Timor, ba Ermera hatudu katak ita boot sira nia fiar buras ba bebeik. Ita nia fiar no ita nia Fé tem que hatudu iha prática moris loron ba loron. Ita reza, ita bele ba missa, maibe ita tem que pratica iha ita nia moris loron ba loron. Iha Bíblia hateten ona; Ita rona ne’e diak, maibe diak liu tan quando ita halao iha ita nia moris. Menságem ida tan ba ita boot sira hotu katak ita rona barak liu ne’e diak liu tanba ne’e mak Maromak halo ita nia tilun rua, ibun ida de’it. Ita boot sira halo preparação tinan ida ne’e laos tempo kiik, kosar hira mak suli, roupa hira mak ita tem que troca, mas ne’e laos tanba ema ida atu selu ita, maibe hatudu katak ita nia Fé forte duni. Tanba ne’e, ba Bispo no Padre sira hotu, Madre sira dala ida tan Presidente hato’o nia parabens ba Paróquia ida ne’e no hakuak boot ba ita boot sira hotu. Desemvolve Espiritual povo ida ne’e conta mos ho Presidente da República hanesan mos Cehefe Estado ba Povo ida ne’e. ikus liu agradece ba convite maske Letefoho malirin maibe sarani sira nia fuan manas nafatin, espera katak ita boot sira nia fiar ida manas no buras atu lori Timor-Leste diak liu tan oha futuro. (Equipa DCDD)

Leave a Reply

Your email address will not be published. Required fields are marked *