shadow
Diocese de Dili > NOTÍCIAS > LETURA DIÁRIA > Sábado, XV Semana Tempo Comum (ANO C)

Sábado, XV Semana Tempo Comum (ANO C)

Primeira Leitura                    Ex. 12. 37-42

Lia housi Livro Êxodo:

Iha loron hirak nebá, Israel oan sira hahu sai housi Ramsés ba liu Sucot; sura mane de’it hetan rihun atus neen, la sura labarik oan sira. Sira sai ho sira riku-soin wa’in; balada boot no ki’ik no bibi luhan ba luhan. Sira sai housi Egipto lori ho massa trigo nian, nebé sira tunu hodi halo pão azimo, katak pão la tau fermento. Ema duni sai sira housi Egipto lalais de’it, tan ne’e, sira la lori bukae atu han tuir dalan. Israel oan sira hela iha Egipto iha tinan atus háat tolu nulu nia laran. Iha kedas tinan atus háat tolu nulu ne’e nia rohan, iha loron ikus, mak Na’i nia emar sira hotu sai housi rai Egipto. Kalan ne’e kalan vigília nian ba Na’i, wainhira Nia halo Israel oan sira sai housi Egipto. Kalan ne’e kalan vigília consagrada ba Na’i, be Israelita sira atu celebra nafatin housi otas ba otas.

Maromak Futar Lia.

 

Salmo Responsorial                                                                                                                    Sal. 135(136). 1, 10-15, 23-24 (R. 13)

Refrão : Na’i laran-luak rohan laek !!! Repete-se

Ou           Aleluia!!

Agradece ba Na’i tan Nia di’ak,

Tan Nia laran-luak rohan laek.

La haluha ita ita tempo susar,

Tan Nia laran-luak rohan laek;

Soi ita housi ema sira be hanehan ita,

Tan Nia laran-luak rohan laek. Refrão

 

Nia hakanek Egipto nia oan kaua’ik sira,

Tan Nia laran-luak rohan laek;

Hasai Israel housi sira leet,

Tan Nia laran-luak rohan laek;

Ho Nia liman nia kbiit no todan,

Tan Nia laran-luak rohan laek. Refrão

 

Nia fahe tasi mean ba rua,

Tan Nia laran-luak rohan laek;

Hodi halo Israel oan sira liu,

Tan Nia laran-luak rohan laek;

Hamou’ut farão ho nia soldadu sira iha tasi,

Tan Nia laran-luak rohan laek. Refrão

 

Aclamação                                                                                                                                                                                        2Cor. 5. 19

Refrão : Aleluia, Aleluia!! Repete-se

Housi Cristo, Maromak badame malu ho ita;

Nia haruka ita hala’o hadame nian. Refrão

 

Evangelho                                                                                                                                                                                     Mt. 12. 14-21

Na’i Jesus Cristo nia Evangelho nu’udar São Mateus haktuir:

Iha tempo nebá, fariseu sira halibur malu hodi futu lia hasouru Jesus, atu oho Nia.

Maibé, Jesus hatene ona sira nia hanoin, Nia sai tiha housi fatin nebá. Ema barak tuir Nia, Nia fó isin di’ak ba sira hotu hodi bandu sira atu keta hateten sai ba ema seluk. Nune’e, atu cumpri lolós buat nebé Profeta Isaías fó sai nanis houri uluk, nebé dehan: “Ne’e Ha’u Nia Atan, nebé, ksolok Ha’u klamar nian. Ha’u sei hamahan Nia ho Ha’u Nia Espírito, atu Nia haklaken Ha’u nia justiça ba mundo tomak. Nia sei la istori malu, sei la hakilar, ema ida sei la rona nia lian iha basár. Nia sei la fera au nebé nakfera ona, sei la hamate lampu nia kábas nebé lakan suar, to’o Nia lori lialós ba vitória. Nação hotu iha mundo rai klaran sei hein ho laran tomak iha Nia naran”.

Lia Maksoyn.

Leave a Reply

Your email address will not be published. Required fields are marked *