shadow
Diocese de Dili > NOTÍCIAS > LETURA DIÁRIA > Segunda – Feira, XVI Semana Tempo Comum (ANO C)

Segunda – Feira, XVI Semana Tempo Comum (ANO C)

Festa Santa Maria Madalena

 

Primeira Leitura                           Cant. 3. 1-4ª

Lia housi Cântico dos Cânticos:

Féen lia tun dehan nune’e: “Iha kalan, ha’u buka ida nebé ha’u fuan hadomi, ha’u buka nia, maibé ha’u la hetan nia. Ha’u dehan: ‘Ha’u hamriik hodi la’o iha cidade tomak, liu housi luron-luron no fatin hotu, ha’u sei buka ida nebé ha’u fuan hadomi. Ha’u buka nia, maibé ha’u la hetan nia! Guarda sira nebé la’o iha cidade hasouru ha’u, no ha’u husu ba sira: ‘Imi haré ida nebé ha’u fuan hadomi?’ Wainhira ha’u husik hela sira, ha’u hetan kedas ida nebé ha’u fuan hadomi!”.

Maromak Futar Lia.

Ou

Primeira Leitura                                                                                                                                                                      2Cor. 5. 14-17

Lia housi São Paulo nia segunda Surat ba sarani sira iha Corinto:

Maun alin sira: Cristo nia domin book ami maka’as basá ami hatene lolós katak ida mate tiha tan ema hotu nia di’ak, no tan ne’e ema hotu mate. Cristo mate duni tan ema hot-hotu, atu sira nebé moris ba Ida nebé mate no moris hi’as tanba sira.

Ne’e duni, houri ohin ba oin, ita haré ema, la’os tuir isin ona; maski uluk ita haré Cristo tuir isin, ohin ne’e, ita la haré tan Nia hanesan ne’e. Ne’e duni, ema hela iha Cristo karik, nia sai ona criatura foun ida; buat hotu tuan nian liu tiha ona; haré ba, buat hotu foun fali ona.

Maromak Futar Lia.

 

Salmo Responsorial                                                                                                                       Sal. 62(63). 2, 3-4, 5-6, 8-9 (R. 2b)

Refrão : Ha’u nia Maromak, ha’u klamar buka Itaboot!!! Repete-se

Na’i, ha’u nia Maromak, ha’u buka Itaboot;

Ha’u klamar buka bei-beik Ita.

Ha’u isin husu Ita nia tulun,

Nu’udar wé ida suli iha rai fuik maran. Refrão

 

Ha’u sei hahi Ita ba nafatin,

Sei tane ha’u liman ba Ita naran.

Sei hetan di’ak mai ha’u isin;

Ha’u sei la kole hahi Itaboot. Refrão

 

Tan Ita tahan ha’u,

Ho ksolok, ha’u sei hahi Ita naran.

Na’i hamutuk ho Ita, ha’u hetan di’ak;

Ita hasa’I ha’u housi susar laran. Refrão

 

Aclamação                                                                                           

Refrão : Aleluia, Aleluia!! Repete-se

Dehan mai ami, Maria, ó haré saidá iha dalan?

Ha’u haré rate no glória Jesus Moris hi’as nian. Refrão

 

Evangelho                                                                                                                                                                                 Jo. 20. 1, 11-18

Na’i Jesus Cristo nia Evangelho nu’udar São João haktuir:

Iha loron uluk semana nian, iha dadersan nakukun, Maria Madalena ba to’o rate hodi haré fatuk iha rate nia oin duir tiha ba sorin.

Maria fali hamriik besik rate iha liur hodi tanis. Nia sei tanis hela, nia hakru’uk hodi hateke ba rate laran. Nia haré Anjo na’in rua hatais mutin tur iha fatin nebé sira tau Jesus nia isin, ida iha ulun, ida iha ain. Sira dehan: “Feto, tansá ó tanis?” Nia hatan ba sira: “Basá ema lori tiha ha’u nia Na’i no ha’u la hatene sira tau Nia iha nebé?”. Dehan tiha liafuan hirak ne’e, nia fila ba kotuk hodi haré Jesus hamriik iha nebá, maibé nia la hatene katak ne’e Jesus. Jesus dehan ba nia, “Feto, tansá ó tanis? Ó buka sé?” Hanoin katak Nia mak to’os na’in, Maria husu fali: “Na’i, ita lori Nia karik, hateten to’ok mai ha’u, ita tau Nia iha nebé atu ha’u bele ba lori Nia”. Jesus dehan: “Maria!” Nia fila hodi dehan ba Jesus iha lia Hebreu: “Rabuni!” katak ‘Mestre’. Jesus dehan ba nia: “Keta káer Ha’u, tan Ha’u seidauk sa’e ba Aman. Maibé, ba hasouru ba hasouru Ha’u nia maun alin sira hodi dehan ba sira: Ha’u sa’e ba Ha’u Nia Aman no imi nia Aman; ba Ha’u Nia Maromak no imi nia Maromak”. Ne’e duni, Maria Madalena ba hateten ba escolante sira: “Ha’u haré ona Na’i;” no ni hateten ba sira katak Nia dehan buat sira ne’e ba nia.

Lia Maksoyn.

Leave a Reply

Your email address will not be published. Required fields are marked *