shadow
Diocese de Dili > NOTÍCIAS > LETURA DIÁRIA > Terça – Feira, XVIII Semana Tempo Comum (ANO C)

Terça – Feira, XVIII Semana Tempo Comum (ANO C)

TRANSFIGURAÇÃO DO SENHOR

Festa

 

Primeira Leitura             Dan. 7. 9-10, 13-14

Lia housi Profecia Daniel nian:

Wainhira ha’u haré daudaun hela, trono balu hatur-an tiha, no Katuas lulik ida ba hatodan-an tiha. Nia hatais mutin hanesan kalohan, Nia fúuk lahan hanesan lan mós nian. Nia trono mesak áhi lakan, ho roda nabilan áhi moris nian. Housi nia oin, suli sai mai hanesan wé nabilan áhi lakan nian. Ema rihun ba rihun serbi Nia, ema took ba tokon hôrik hela iha Nia oin. Hahu hala’o tribunal, livro sira mós hahu nakloke. Ha’u hatéke hela ba buat nebé mosu iha kalan, ha’u hare, mosu mai housi kalohan laran, Ida hanesan Mane Maksoyn. Nia la’o daudaun, sira lori Nia ba Katuas lulik futar oin. Nia simu kkbiit atu ukun nu’udar Liurai. Povo tomak, nação hot-hotu, ema tomak iha mundo rai-klaran hakru’uk hodi serbi Nia. Ninia kkbiit rohan laek sei la lakon. Ema ida sei la sobu Nia Reino.

Maromak Futar Lia.

 

Salmo Responsorial                                                                                                                            Sal. 96(97). 1-25-6, 9 (R. 1ª. 9ª)

Refrão : Na’i mak Liurai, Leten áas liu rai tomak!!! Repete-se

Na’i mak liurai, rai tomak haksolok ba;

Nusa lub-lubun haksolok ba.

Nia hatais kalohan no nakukun,

Justice no direito mak Nia trono nia hun. Refrão

 

Foho sira naben hanesan lilin,

Iha Na’i rai tomak nia oin.

Lalehan haklaken Nia justiça,

Povo tomak haré Nia glória. Refrão

 

Na’i, Ita mak áas liu rai tomak,

Áas liu maromak hot-hotu.

Haksolok iha Na’i ba, ema justo sira,

Hahí ba Nia naran Santo. Refrão

 

Segunda Leitura                                                                                                                                                                       2Ped. 1. 16-19

Lia housi São Pedro nia segunda Surat:

Doben sira: Ami la buka bua kmanek falso atu fó hatene imi kona ba Na’i Jesus Cristo Nia kkbiit no Nia fila hikas mai; maibé tan ami haré Nia kmanek ho ami nia matan rasik. Basá Nia simu housi Aman Maromak naran boot no glória, wainhira housi glória lalehan tun ba Nia lian ne’e: “Ida ne’e mak Ha’u Oan, Ha’u Oan doben tebes; iha Nia Ha’u tau Ha’u neon tomak”. Ami rona tiha lian ne’e, nebé tun ba Nia housi Lalehan, wainhira ami hamutuk hela ho Nia iha foho santo.

Nune’e, profeta sira nia mensagem haraik barani liu tan mai ami; imi halo di’ak hodi sée tilun ba Nia hanesan áhi-oan nebé nabilan iha fatin nakukun, to’o rai loron, to’o moris iha imi fuan fitun dader nian.

Maromak Futar Lia.

 

Aclamação                                                                                                                                                                                           Mt. 17. 5c

Refrão : Aleluia, Aleluia!! Repete-se

Ida ne’e mak Ha’u Oan doben, iha Nia Ha’u tau

Ha’u neon tomak, Imi rona Nia ba. Refrão

 

Evangelho                                                                                                                                                                                     Lc. 9. 28b-36

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus ho Pedro, João no Tiago sa’e ba foho ida atu harohan. Nia harohan daudaun, Nia oin nakfilak-An; Nia unuk mutin nabilan teb-tebes. Teki-tekir mane na’in rua mosu mai, ko’alia ho Nia: Moisés no Elias, nebé mosu ho kmanek wa’in. Sira ko’alia kona ba Nia mate nebé Nia sei hasouru iha Jerusalém. Pedro ho nia maluk sira matan dukur liu; maibé, hader tiha, sira haré Nia glória no mós mane na’in rua nebé hamutuk ho Nia. Wainhira sira na’in rua ne’e hases daudaun, Pedro dehan ba Jesus: “Mestre, di’ak tebes ita hela iha ne’e; ami halo takabaluk tolu: Ida ba Ita, ida ba Moisés no ida ba Elias”. Nia ko’alia, maibé nia la hatene buat sá nia dehan daudaun. Nia sei ko’alia hela, kalohan ida mosu mai hodi taka sira. Wainhira sira tama iha kalohan laran, sira ta’uk. Housi kalohan lia ida dehan: “Ida ne’e mak Ha’u nia Oan doben; rona Nia ba!” Lia ne’e ko’alia tiha, Jesus hela mesak. Escolante sira nonok no iha loron hirak nebá sira la dehan ba ema ida buat nebé sira haré.

Lia Maksoyn.

Leave a Reply

Your email address will not be published. Required fields are marked *