shadow
Diocese de Dili > NOTÍCIAS > LETURA DIÁRIA > Quinta Feira, XIX Semana Tempo Comum (ANO C)

Quinta Feira, XIX Semana Tempo Comum (ANO C)

Assunção da Virgem Santa Maria

Solenidade

 

Primeira Leitura               1Cr. 15. 3-4, 15-16, 16. 1-2

Lia housi primeiro Livro Crónicas nian:

Iha loron hirak nebá, David halibur iha Jerusalém povo tomak Israel nian, atu lori Na’i nia arca ba fatin nebé hadi’a tiha ona ba nia. Halibur tiha hotu Aarão ho Levi nia oan no bei-oan sira, Levita sira lori Maromak nia Arca hodi ai nebé sira tau iha kbás, nu’udar Moisés fó sai tuir Na’i nia Liafuan. David haruka fó hatene Levita sira nia ulun atu lori sira nia maun-alin be knananuk na’in sira atu mai ho instrumento knananuk nian, citaras, harpas ho címbalos, atu hananu ho lian maka’as knananuk sira ksolok nian. Nune’e, sira lori Maromak Nia Arca, hodi tau iha tenda nia klaran, tenda nebé David haruka halo ba nia. Tuir mai, iha Maromak Nia futar oin, sira hasa’e balada sira no buat-karan dame nian. Wainhira David hasa’e tiha hotu balada sira no buat-karan dame nian, hodi Na’i nia naran, fó bensa ba povo.

Maromak Futar Lia.

 

Salmo Responsorial                                                                                            Sal. 131(132). 6-7, 9-10, 13-14 (R. 8)

Refrão : Na’i, hamriik ba, hodi tama iha Ita hôrik fatin, Ita ho Ita Arca kbiit nian!!! Repete-se

Ami rona katak Arca iha hela Éfrata,

Ami hetan nia iha rai luan Jaar nian.

Ami tama iha Na’i nia fatin santo,

Ami tuku-tur iha Nia oin. Refrão

 

Ita Sacerdote sira moris iha justiça,

Ita nia sarani sira hahí ho ksolok.

Ita Ita hadomi David, Ita atan,

Ita la hadook-an houdi ida be Ita kose mina. Refrão

 

Na’i fihir tiha Sião,

Hili tiha nia nu’udar Nia hôrik fatin,

Fatin ne’e hela nafatin ba Ha’u nia hôrik fatin.

Ha’u sei hôrik iha ne’e, basá, Ha’u hili nia. Refrão

 

Segunda Leitura                                                                                                                                          1Cor. 15. 54b-57

Lia housi São Paulo nia Primeira Surat ba sarani sira iha Corinto:

Maun alin sira: wainhira natureza ida ne’e nebé bele dodok, hafutar-an ona ho buat nebé la dodok, no ida ne’e nebé bele mate ho buat nebé la bele mate, iha tempo nebá lia nebé hakerek nanis sai tuir lolós ona: “Mate mohu lakon iha vitoria laran”. Oh mate, ó manan iha nebé? Oh mate! Ó nia kro’at (aguilhão) iha nebé?” Mate nia kro’at mak sala, no sala hetan kbiit housi ukunfuan. Tan ne’e ita agradece ba Maromak nebé halo ita manan housi ita Na’i Jesus Cristo.

Maromak Futar Lia.

 

Aclamação                                                                                                                                                                  Lc. 11. 28

Refrão : Aleluia, Aleluia!! Repetese

Rahun di’ak ba sira nebé rona Maromak nia futar lia,

Hodi moris tuir. Refrão

 

Evangelho                                                                                                                                                             Lc. 11. 27-28

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus sei ko’alia daudaun, feto ida housi ema lubun sira leet foti lia dehan: “Ksolok ba knotak nebé kô’us Ita, no hirus matan nebé fó susu ba Ita!” Maibé Nia hatan: “Lolós, ksolok liu fali ba sira nebé rona Maromak Futar-Lia hodi hala’o iha sira moris!”.

Lia Maksoyn.

Leave a Reply

Your email address will not be published. Required fields are marked *