shadow
Diocese de Dili > NOTÍCIAS > LETURA DIÁRIA > Quarta – Feira, XX Semana Tempo Comum (Ano C)

Quarta – Feira, XX Semana Tempo Comum (Ano C)

Primeira Leitura                        Jz. 9. 6-15

Lia housi Livro Juízes nian:

Iha loron hirak nebá, ulun sira hotu Siquém nian no ema hotu housi uma kain Bet-Milo libur hamutuk iha ai-carvalho besik monumento Siquém hodi foti Abimelec ba liurai.

Wainhira Joatão rona tiha novidade ne’e, nia sa’e ba foho Garizim nia leten hodi hakilar ho lian maka’as: “Rona mai, ulun sira Siquém nian, Maromak mós sei rona imi.

Loron ida, ai-hun sira mai iha rai tetuk atu foti sira nia liurai. Sira dehan ba ai oliveira: ‘Ó ukun ami ba’. Maibé, ai-oliveira hatan ba sira: ‘Ha’u atu husik hela ha’u mina reino nebé fó glória ba Maromak no ba ema sira, atu ba boi-an (baloiçar) fali iha ai seluk-seluk nia leten?’

Nune’e, ai sira hateten fali ba ai-figueira: ‘Ó mai ukun ami’. Maibé, ai-figueira hatan ba sira: ‘Ha’u atu husik hela ha’u nia fuan furak, atu ba boi-an iha ai sira nia leten?’

Ai sira dehan fali ba ai-videira: ‘Ó mai uku ami’. Maibé, ai-videira hatan ba sira: ‘Ha’u atu husik hela ha’u nia tua foun nebé ksolok Maromak nian no ema sira nian atu ba boi-an iha ai sira nia leten?’ Ai sira hotu dehan ba ai-tarak: ‘Ó mai uku ami’. Ai-tarak hatan ba sira dehan: ‘Imi hakarak tebes ha’u atu ukun imi karik, ne’e sá, imi hotu mai hamaha-an iha ha’u nia mahan. Imi lakohi karik, ahi sei sai housi ai-tarak, sunu mutuk hotu ai-cedro sira iha Líbano”.

Maromak Futar Lia. 

 

Salmo Responsorial                                                                                                                       Sal 20 (21). 2-3, 4-5, 6-7 (R. cf. 2ª)

Refrão :  Na’i, Ita kbiit mak ksolok liurai nian!!! Repete-se

Na’i, liurai haksolok iha Ita kbiit,

No nia haksolok ho Ita tulun,

Ita habosu nia fuan nia hakaran,

Ita la hakribi harohan housi nia ibun. Refrão

 

Ita haraik ba nia graça folin boot,

No hafutar nia reen-tos ho coroa osan mean nian,

Nia husu moris ba Ita, Ita haraik ba nia,

Moris naruk ho tinan wa’in. Refrão

 

Graça ba Ita nia tulun, habo’ot nia glória,

Ita fó hatais nia ho nabilan no kbiit liurai,

Ita haraik ba nia bensa ba nafatin,

Ita hakonu nia ho ksolok iha Ita futar oin. Refrão

 

Aclamação                                                                                                                                                                                         Heb. 4. 12

Refrão : Aleluia, Aleluia!! Repete-se

Maromak Nia liafuan moris no book maka’as,

bele hatene lolos buat nebé ema hanoin no hakarak iha nia fuan. Refrão

 

Evangelho                                                                                                                                                                                     Mt. 20. 1-16ª

Na’i Jesus Cristo Nia Evangelho nu’udar São Mateus haktuir:

Iha tempo nebá, Jesus haktuir aiknanoik ida ne’e ba escolante sira: “Reino Lalehan nian hanesan uma na’in ida nebé sai iha dadersan atu halo contrato ho ema serbisu na’in sira ba nia to’o ho uvas nian. Halo tiha contrato ho sira loron ida denarius ida, nia haruka sira ba nia to’os. Tuku sia, nia sai fali hodi hare ema sira seluk iha dalan la halo buat ida. Nia dehan ba sira: ‘Imi mos ba ha’u nia to’os, ha’u sei fo buat nebé los ba imi. Sira ba, Nia sai fali iha loron fahe rua, no mos tuku tolu loraik hodi halo nune’e nafatin. Tuku lima loraik, nia hetan tan ema seluk iha neba. Nia husu ba sira: ‘Tan sa imi hamriik loron tomak iha ne’e la halo serbisu ruma?’ Sira hatan, ‘Ema la bolu ami.’ Nia dehan ba sira: ‘Imi mos ba ha’u nia to’os.’ Iha loraik, to’os na’in dehan ba mandor: ‘Bolu serbisu na’in sira hodi selu nia kolen, hahu housi sira ikus to’o sira uluk.’  Serbisu na’in sira nebé mai tuku lima loraik hakbesik hodi simu ida-idak denariu ida. Uainhira sira nebé uluk mai, sira hanoin atu simu liu maibe sira mos simu ida-idak denariu ida. Simu tiha osan, sira hamuu hasouru uma na’in hodi dehan: ‘Sira nebé ikus ne’e serbisu oras ida de’it, ó selu sira hanesan ami, nebé terus kole ho manas loron tomak.’ Nia hatan ba sira: ‘Ha’u belun, ha’u la hasouru ha’u lia ba ó:  ita la halo contrato denariu ida ba loron ida?  Ne’e duni, simu buat nebé ó nian hodi ba ona. Ha’u hakarak fo ba ida ikus ne’e hanesan ha’u fo ba ó. Ha’u la bele halo nu’udar ha’u hakarak ho ha’u nia rikusoi? Ka ó laran moras tanba ha’u laran di’ak?”

Nune’e sira nebé ikus sei sai uluk, sira nebé uluk sei sai ikus.”

Lia Maksoyn.

Leave a Reply

Your email address will not be published. Required fields are marked *