shadow
Diocese de Dili > NOTÍCIAS > Notícias > SANTUÁRIO FATUBESSI: FATIN ATU MANAN INDULGÊNCIA PLENÁRIA

SANTUÁRIO FATUBESSI: FATIN ATU MANAN INDULGÊNCIA PLENÁRIA

DCDD – Iha Quinta-Feira, loron 22 fulan Agosto tinan 2019, sarani lubun wain halo peregrinação ba Santuário Fatubessi. Santuário ida ne’e Diocese Dili hili hanesan fatin ida ne’ebe atu Indulgência Plenária iha Jubileu Extra-ordinário Missão ninian katak atu hafoun ita nia domin, ita nia compromisso, ita nia discipulado liu housi Maria hanesan modelo discípulo diak liu hotu ninian.

Vigário Episcopal ba Assunto Pastoral Diocese Dili nian Rev. Pe. Jovito do Rêgo Araujo iha ninia homilia relaciona ho Festa Solenidade Santa Maria Rainha da Paz iha Fatubessi, Sacerdócio ne’e hateten; “Ita hotu-hotu mai iha fatin ida ne’e, ne’ebe amu bispo sira decide ona hanesan fatin atu ita bele hetan Indulgência Plenária iha Jubileu Extra-ordinário missão ninian. Ita mai atu hametin ita ninia oração ne’ebe dala barak ita hateten ho ibun, maibe ita nia neon, ita nia moris la tuir. Ita hare fenómeno ida nebe mosu ikus-ikus ne’e ema hot-hotu hakarak hatur an iha cadeira lialos. Laiha ema sala katak hot-hotu mesak Santo de’it, nebe ita mai iha nee dala ida tan ita atu reconhece ita ninia fraqueza, ita nia debilidade, ita nia incurrigibilidade katak lei iha, ordem iha, doutrina iha, Maromak nia ukunfuan iha maibe ita nunca moris tuir tanba ita ema ulun fatuk toos. Ne’e duni, peregrino hot-hotu ne’ebe mai iha Santuário ida ne’e sei hetan Indulgência Plenária ba graça ne’ebe Maromak haraik iha oportunidade especial de’it ba ema hot-hotu hakarak ho neon ho laran hadia sira nia an, prepara sira nia an atu simu graça ida ne’e liu housi confessa, missa atu hamamuk tiha buat aat sira housi ita nia an atu ita nia an sai hanesan fatin ida ne’ebe Maromak hakonu ho graça. Momento ida ne’e momento atu manan Indulgência, ita precisa hama muk ita nia an.

Remata tiha Missa Solenidade Santa Maria Rainha da Paz ne’e, iha Dircurço Pe. Mouzinho Pereira Lopes hanesan Diretor Nacional Pontificia Obras Missionária (POM) iha Timor-Leste hateten; “Ita nia celebração nee hola parte iha Jubileu Extra-ordinario missão nian ne’ebe Santo Padre Francisco promulga iha tinan liu ba ne’ebe mundo tomak celebra Jubileu ne’e atu fanun ita nia kna’ar missão ne’ebe desde Baptismo iha tiha ona. Ita hanoin amu sira mak tem que ba serviço, tem que ko’alia Maromak nian, tem que ko’alia kona ba domin, kona ba justiça, maibe ne’e ita hotu sarani católico oan sira nian no ita mak tem que halo. Jubileu ida nee ita hahu no amu bispo sira loke tiha ona iha diocese Dili iha dia 11 liu ba no sei  taka iha dia 30 de Outubro ho missa boot iha Tasi-tolu.

Liu tan ne’e Vigário Forâneo Ermera Pe. Arnaldo Frederico de Deus mos hateten; “Masque diocese hato’o katak tinan 2 celebra dala ida iha Fatubessi, maibe tinan-tinan vigararia Ermera halao nafatin atividade peregrinação hamutuk ho Virgem Peregrina. Ba peregrino sira housi diocese tolu (Dili, Maliana no Baucau) ne’ebe iha nee Na’in Feto hanoin nafatin imi atu tinan ida ne’e tinan especial, ita hanoin no reflete viagem Na’in Feto nian hamutuk ho ita to’o loron consulta popular ka dia 30 de Agosto 1999 iha ne’ebe tinan ida nee ita halo ona tinan 20 ho Na’in Feto nia tulun. Oras nee ita atu fahe malu hodi hein fali tinan foun, ha’u acomula deit mensagem sira nebe ohin ita rona iha reflexão atu ita bele atenção atu ita mos bele moris iha condição nebe diak nafatin ne’e duni Na’in Feto sei acompanha nafatin ita iha ita nia moris, iha ita nia kna’ar no iha ita nia viagem tuir ida-idak nia vocação ne’ebe Maromak haraik ba ita. (Rbn/Marta)

Leave a Reply

Your email address will not be published. Required fields are marked *