shadow
Diocese de Dili > NOTÍCIAS > LETURA DIÁRIA > Segunda – Feira, XXI Semana do Tempo Comum (Ano C)

Segunda – Feira, XXI Semana do Tempo Comum (Ano C)

Primeira Leitura          1 Tes 1, 1-5, 8b-10

Lia housi livro São Paulo nia primeira Surat ba sarani sira iha Tessalónica:

Housi Paulo, Silvano no Timóteo, ba Kreda tessalónica nian, nebé Aman Maromak no Na’i Jesus Cristo nian: Graça no dame hela ho imi.

Ami fó agradece nafatin tanba imi hotu no temi imi naran nafatin iha ami nia hamulak. Basá ami hanoin iha Maromak no Aman nia futar oin sá imi mors]is imi nia fiar, oin sá imi nia domin halo imi serbisu maka’as, no oin sá imi nia esperança iha ita Na’i Jesus Cristo metin teb-tebes. Maun alin sira, ami hatene katak Maromak hadomi imi no hili imi atu sai Maromak nian rasik. Basá ami lori liafuan di’ak ba imi , la’os de’it liafuan housi ibun tutun, maibé ho kbiit no ho Espírito Santo, hodi hatene lós katak liafuan ne’e lós duni. Imi hatene oin sá ami moris wainhira ami sei hela ho imi; moris ne’e ba imi rasik nia di’ak. Liafuan kona ba imi nia fiar iha Maromak to’o ona ba fatin hot-hotu. Ne’e duni, ami labele dehan tan buat ruma. Ema sira nebá ko’alia kona ba oin sá mi husik ona lulik sira atu fila ba Maromak, atu serbi Maromak los no moris hodi hein nia oan atu mai fali housi Lalehan; nia Oan Jesus nebé Maromak halo moris hi’as housi mate no nebé hasai ita housi mate no nebé hasai ita housi Maromak nia laran nakali nebé atu mai

Maromak Futar Lia.

 

Salmo Responsorial                                                                                                               Sal. 149, 1-2ª. 2b. 3-4ª, 5-6ª, 9b (R. 4ª)

Refrão : Na’i hadomi Nia povo!!! Repete-se

Ou           Aleluia

Hananu ba Na’i Knananuk foun ida,

Santo sira nia assembleia hahi Na’i;

Israel haksolok ba iha nia Maromak be hakiak nia,

Sião oan sira haksolok ba iha nia Liurai. Refrão

 

Hahí Nia ba no hana’i Na’i Nia naran,

Hamutuk hananu ba Ita Maromak.

Na’i hadomi Nia povo,

Nia sei fó prémio ba ema haraikan sira Refrão

 

Ema laran mós sira nia fuan haksolok,

Maromak nia sarani sira haksolok ba.

Tan hahi la mohu iha sira ibun!

Ida ne’e mak Nia belun sira nia glória. Refrão

 

Aclamação                                                                                                                                                                                          Jo. 10.  27

Refrão : Aleluia, Aleluia!! Repete-se

Ha’u nia bibi sira rona Ha’u lian, Na’i lia tun;

Ha’u hatene sira, sira mai tuir Ha’u. Refrão

 

Evangelho                                                                                                                                                                                    Mt. 23. 13-23

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus hateten nune’e: “susar boot ba imi, escriba no fariseu sira, laran makerek sira, basá imi taka reino lalehan nian ba ema sira; imi la tama, no mos la husik ema seluk nebé hakarak atu tama.

Susar boot ba imi, escriba no fariseu sira, laran makerek. Imi han mohu feto faluk sira nia uma hodi lohi sira ho imi nia oração nar-naruk; tan ne’e iha loron justiça nian, imi sei hetan kastigo todan liu

Susar boot ba imi, escriba no fariseu sira, laran makerek. Imi hakur tasi la’o lemo rai hodi dada ema hotu tuir imi nia fiar no wainhira ida monu iha imi nia liman, imi halo na sai infernu nia oan dala rua áat liu fali imi. Susar boot ba imi, matadalan sira nebé matan delek! Imi deha: ‘Ema jura karik hodi templo, ne’e lafolin buat ida; maibé ema jura karik hodi osan mean templo nian, nia tem que halo tuir.’ Beikten no matan delek sira! Ida nebé mak folin liu: osan mean, ka templo nebé halo santo osan mean? Imi dehan tan: ‘Ema ruma jura karik hodi altar, ne’e la folin buat ida; maibé nia jura karik hodi buat karan nebé iha altar leten, nia tem que halo tuir.’ Matan delek sira! Ida nebé mak folin liu; buat karan, ka altar nebé halo santo buat karan? Ne’e duni, se jura hodi altar, jura hodi altar no ba buat nebé iha nia leten. Ema nebé jura hodi templo, jura hodi templo no mós ba ida nebé horik iha nia. Ema nebé jura hodi lalehan, jura hodi Maromak nia futar fatin no mós hodi Ida tur iha nia”

Lia Maksoyn.

Leave a Reply

Your email address will not be published. Required fields are marked *