shadow
Diocese de Dili > NOTÍCIAS > LETURA DIÁRIA > Terça-Feira, XXI Semana do Tempo Comum (Ano C)

Terça-Feira, XXI Semana do Tempo Comum (Ano C)

Primeira Leitura                         1 Tes 2. 1-8

Lia housi livro São Paulo nia primeira Surat ba sarani sira iha Tessalónica:

Maun alin sira, imi rasik hatene katak ami nia visita ba imi la le’et de’it.

Imi hatene oin sá ema halo áat no hasara ami iha Filipos, molok ami ba haré imi iha Tessalónica. No maski iha babeur barak, ita nia Maromak fó aten barani mai ami atu hato’o ba imi liafuan di’ak nebé mai housi Nia. Liafuan nebé ami hato’o ba imi liafuan diak nebé mai housi Nia. Laifuan nebé ami hato’o ba imi la mai housi hanourin nebé sala eh housi laran la lós, eh laran atu lohi ema. Ami ko’alia nafatin nu’udar Maromak hakarak, basá Nia hanoin katak ami soi atu simu kna’ar liafuan di’ak nian. Ami la buka atu monu lós ba ema nia laran, maibé ba Maromak nian de’it  nebé koko ami nia laran. Imi hatene didi’ak katak ami la mosu ba imi ho lia midar, ka ko’alia ho liafuan sira nebé atu taka suba ami nia hakarak áat. Maromak mak ami nia sasin. Ami la haka’as an atu buka naran boot housi ema, housi imi ka ema seluk, maski nu’udar Cristo nia apóstolo ami bele husu buat ruma housi imi.

Maibé ami laran maus wainhira ami iha imi leet, hanesan inan ida nebé tau matan ba nia oan sira. Tanba ami hadomi imi, ami hakarak hato’o ba imi, la’os de’it liafuan foun di’ak, maibé ami nia moris rasik. Imi folin boot tebes mai ami.

Maromak Futar Lia.

 

Salmo Responsorial                                                                                                                              Sal. 138(139), 1-3, 4-6 (R. cf. 1)

Refrão : Na’i, Ita hatene ha’u fuan tomak!!! Repete-se

Na’i ha’u hatene ha’u an tomak

Ita hatene wainihra ha’u toba no hader.

Ita hatene borus ha’u nia hanoin tomak. Refrão

 

Ita hare wainhira ha’u la’o no ha’u descansa,

Ita hamatan tuir ha’u nia hakat hotu.

Liafuan seidauk to’o iha ha’u nia nanal

Ita hatene ona nia, Na’i. Refrão

 

Ha’u Maromak, Ita besik hela ha’u,

Ita iha ha’u sorin, lolo Ita liman mai ha’u leten.

Ita nia matenek ba ha’u kmanek tebes,

Ha’u la soi atu hatene. Refrão

 

Aclamação                                                                                                                                                                                         Heb. 4. 12

Refrão : Aleluia, Aleluia!! Repete-se

Maromak Nia liafuan moris no book maka’as, bele hatene lolos buat nebé          

ema hanoin no hakarak iha nia fuan. Refrão

 

Evangelho                                                                                                                                                                                    Mt. 23. 23-26

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus hateten nune’e: Susar ba imi, escriba no fariseu sira, laran makerek! Imi selu du’ut morin sira nia imposto hodi tau ba kotuk buat hirak nebé boot liu iha ukunfuan: justisa, laran luak no fiar metin. Tuir lolos, imi sei halo tuir buat hirak ne’e hodi la hewai buat seluk. Imi mata dalan matan delek sira ba ema matan delek sira. Imi tais susuk maibé tolan kuda camelo! Susar boot ba imi, escriba no fariseu sira, laran makerek! Imi hamos copo no bikan sira housi liur, maibé iha laran, sira nakonu ho na’uk no buat fo’er. Fariseu matan delek sira, hamos uluk copo no bikan laran ba atu bele sai mos iha liur.

Lia Maksoyn.

Leave a Reply

Your email address will not be published. Required fields are marked *