shadow
Diocese de Dili > NOTÍCIAS > LETURA DIÁRIA > Quarta-Feira, XXI Semana do Tempo Comum (Ano C)

Quarta-Feira, XXI Semana do Tempo Comum (Ano C)

Primeira Leitura                     1Tes 2, 9-13

Lia housi livro São Paulo nia primeira Surat ba sarani sira iha Tessalónica:

Maun alin sira, imi la haluha oinsá ami servisu no haka’as an. Ami servisu kalan loron atu ami la bele fó todan ba imi wainhira ami haklaken ba imi liafuan di’ak housi Maromak.

Imi no mós Maromak mak ami nia sasin katak ami nia hahalok ba imi fiar na’in sira lós, mós no sala laek. Imi hatene katak ami haré imi ida-idak hanesan aman ida haré nia oan sira. Ami fó aten barani ba imi; ami fó ksolok ba imi iha susar laran; ami haka’as fila-fila atu moris nu’udar Maromak hakarak; Maromak nebé bolu imi atu moris hamutuk ho Nia iha nia reino no glória.

Iha tan buat ida nebé halo ami fó agradece nafatin ba Maromak: wainhira ami hato’o liafuan di’ak ba imi, imi rona no simu nia, la’os nu’udar ema nia liafuan, maibé nu’udar Maromak nia liafuan, nebé servisu iha ema sira nebé fiar.

Maromak Futar Lia.

 

Salmo Responsorial                                                                                                                            Sal. 138(139), 7-2, 4-5 (R. cf. 1ª)

Refrão : Na’i, Ita hatene ha’u fuan tomak!!! Repete-se

Ksolok ba sira be hamta’uk Na’i,

Hodi la’o tuir Nia dalan!

Housi ó nia liman nia kole mak ó han,

Ó sei haksolok hodi moris di’ak. Refrão

 

Nune’e, ema be hamta’uk Na’i simu bensa,

Na’i haraik bensa ba ó housi foho Sião.

Ó bele haré Jerusalém be buras

Iha nia moris tomak. Refrão

 

Aclamação                                                                                                                                                                                             1Jo. 2. 5

Refrão : Aleluia, Aleluia!! Repete-se

Ema ruma halo tuir Cristo nia liafuan karik,

Maromak nia domin sai tuir lolos iha nia. Refrão

 

Evangelho                                                                                                                                                                                    Mt. 23. 27-32

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus hateten nune’e: “Susar ba imi, escriba no fariseu sira, laran makerek! Imi hanesan rate sira nebé pinta mutin, furak iha liur, maibé iha laran nakonu ho mate ruin no buat dodok oi-oin. Nune’e mos imi nebé ema hare mos iha liur maibé iha laran nakonu ho lia bosok no hahalok aat. Susar ba imi, escriba no fariseu sira, laran makerek, basa imi hada rate ba profeta sira hodi hafutar ho buat kmanek ema di’ak sira nia rate dehan:  ‘Ita moris karik iha ita bei ala sira nia tempo, ita liman la fo’er hanesan sira nian ho profeta sira nia ran’.  Nune’e imi hatudu katak imi ema sira nebé oho profeta sira nia bei oan! Ne’e duni, imi halo to’o rohan buat nebé imi nia bei ala sira hahu!”

Lia Maksoyn.

Leave a Reply

Your email address will not be published. Required fields are marked *