shadow
Diocese de Dili > NOTÍCIAS > Notícias > COMEMORA TINAN 20 CONSULTA POPULAR BIBAN ATU HALO REFLEXÃO

COMEMORA TINAN 20 CONSULTA POPULAR BIBAN ATU HALO REFLEXÃO

DCDD– Remata tiha Missa Ação de Graça Comemoração Visécima Aniversário Consulta Popular nian iha SE Catedral Dili iha loron 29 fulan Agosto 2019, Presidente do Parlamento Nacional Arão Noe iha entrevista expressa nia sentimento koslok hodi dehan; Ohin ita comemora tinan 20 e ho comemoração ida ne’e atu halo reflexão ba kotuk kona ba desafios, sofrimento ne’ebe atravessa durante funu naruk ida to’o Referendo no agora oinsa ita reflete ba resultado ne’e, reflete ba acontecimento sira ne’ebe acontece iha kotuk hodi hateke ba oin, atu projecta ba oin katak desafios sira uluk ne’e tem que sai hanesan motivador ba jovem sira ho desemvolvimento ida ne’ebe diak atu conclui ita nia mehi ida atu liberta povo housi kiak no mukit. Tanba ne’e parabens ba povo Timor-Leste tomak e benvindo ba bainaka sira hotu ne’ebe mai hodi participa iha ita nia comemoração ne’e, ha’u hein katak ho participação sira ne’e hotu atu motiva timoroan sira oinsa projecta ba futuro.

 Liu tan ne’e Presidente do Parlamento Nacional ne’e hateten; Tratado Tasi Timor nian ne’ebe aban (30/08/2019) sei halo troca de Notas, ne’e hatudu ona katak soberania completo ona iha tasi nian ho rai maran no aban Bainrua sei conclui tan ho Indonésia housi tasi Feto ninian. Ha’u hanoin katak ho troca Notas aban bele sai sinal hametin tan ita nia fiar atu be;e hakat ba oin hodi desemvolve no atinge ita nia mehi liberta kiak housi kiak no mukit.

Presidente do Parlamento Nacional mos garantia katak, Ita iha avanço dadauk ona nune’e ita mos iha desafios. Hanesan nação foun foin tinan 10 resin ita restaura ita nia Independéncia, ita hahu sai housi ahu kdesan ida, ita agora começa reconstroi e ha’u fiar katak se ita hotu-hotu fó liman ba malu, haketak tiha diferência ideias políticas, tau Interesse nacional hanesan objectivo principal ha’u fiar ita sei atinge meta ida ne’ebe que atu lori povo ba moris diak.

Ikus liu Presidente do Parlamento Nacional ne’e iha esperança mos katak, Ha’u fiar katak ita nia liderança sira sei participa iha loron aban tanba loron ida ne’e importante tebes no ha’u hanoin katak iha divergência ideias tanba ita nia fundador sira iha início Proclamação Independéncia 28 Novembro 1975 opta tiha República Democrática Timor-Leste. Ne’e processo Democracia ida. divergência ideias, diferênças ne’e laos atu fahe malu, ida ne’e parte ida motiva malu atu ita hodi avança ba oin. Tanba ne’e mak ha’u fiar katak liderança sira ne’ebe que iha diferência ideias ituan laos parte objetivo para hodi destroe maibe atu motiva tan oinsa ita bele tau an lolos, oinsa ita tau ita nia meta ida ne’ebe que atu lori povo ba moris diak. (Alin&Marta)

Leave a Reply

Your email address will not be published. Required fields are marked *