shadow
Diocese de Dili > NOTÍCIAS > LETURA DIÁRIA > Quinta-Feira, XXI Semana do Tempo Comum (Ano C)

Quinta-Feira, XXI Semana do Tempo Comum (Ano C)

Primeira Leitura                   1Tes. 3. 7-13

Lia housi livro São Paulo nia primeira Surat ba sarani sira iha Tessalónica:

Maun alin sira, imi nia fiar mak fó laran ksolok ne’e mai ami, basá ami moris lolós wainhira ami laran metin iha imi nia moris hamutuk ho Na’i. Ohin, ami fó agradece ba Na’i tanba imi; kalan loron ami husu Nia ho laran tomak atu husik ami haré imi ho matan rasik hodi halo lós buat nebé imi sei kuran ba imi nia fiar.

Maromak no Aman rasik, no ita Na’i Jesus Cristo, hadi’a dalan mai ami atu ba to’o imi! Na’i halo boot liu tan imi nia domin ba malu no ba ema hot-hotu, hanesan ami hadomi imi. Nune’e Nia sei hametin imi nia fuan atu sai lós no santo iha Maromak no Aman nia futar oin, wainhira ita Na’i Jesus fila hikas mai hamutuk ho Santo sira hotu.

Maromak Futar Lia.

 

Salmo Responsorial                                                                                                                   Sal. 89(90), 3-4, 12-13, 14, 17 (R. 14)

Refrão : Hakonu ami ho Ita laran-luak, no ami sei haksolok!!! Repete-se

Na’i, Ita halo ema sira fila ba rai tahun;

Hodi dehan: “Adão nia oan, fila ba”.

Tinan rihun ida iha Ita matan,

Hanesan loron houri sehik nian be liu ona,

Hanesan vigília ida kalan nian. Refrão

 

Hanourin ami sura ami loron,

Atu hetan matenek fuan nian.

Na’i, fila hi’as mai! To’o wainhira….

Na’i, sadi’a Ita atan sira. Refrão

 

Habosu ami housi dader ho Ita laran-luak,

Atu ami moris ho ksolok iha loron hotu.

Na’i, ami Maromak, haraik mai ami graça,

Hametin, Na’i, ami liman nia hahalok. Refrão

 

Aclamação                                                                                                                                                                                Mt. 24. 42ª, 44

Refrão : Aleluia, Aleluia!! Repete-se

Imi matan moris neon na’in ba basa iha oras nebé

imi la hanoin hetan mak Mane Maksoyn sei mai. Refrão

 

Evangelho                                                                                                                                                                                    Mt. 24. 42-51

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus hateten ba escolante sira: “Ne’e duni matan moris ba, basá, imi la hatene iha loron nebé mak imi nia Na’i hi’it An mai. Hatene ba ida ne’e: uma na’in hatene karik tuku hira ahuna’in sei mai, nia sei matan moris no sei la husik sobu nia uma. Tan ne’e imi mos matan moris ba, basa imi la hatene iha sa oras Oan Mane sei mai”.

“Ne’e duni, se los make mar laran metin no matenek nebé na’i haruka atu tau matan ba nia atan sira hodi fo han sira iha templo lolos? Ksolok ba atan nebé, uainhira na’i fila mai, nia sei hetan nia badinas nune’e. Tebes, Ha’u dehan ba imi katak Na’i sei tau nia rikusoi tomak iha nia liman. Maibé, emar aat ne’e dehan karik ba nia an: ‘Ha’u nia Na’i sei tarde tan,’ no baku nia maluk sira hodi han no hemu ho lanuten sira; atan ne’e nia Na’i sei mai iha loron nebé nia la hein no iha oras nebé nia la hatene. Na’i sei fo kastigu todan ba nia hodi tau nia hamutuk ho ema laran makerek sira; iha nebá ema sei tanis no ruun nehan.”

Lia Maksoyn.

Leave a Reply

Your email address will not be published. Required fields are marked *