shadow
Diocese de Dili > NOTÍCIAS > Notícias > CREDA TIMOR COMEMORA XXX ANIVERSÁRIO VISITA SÃO JOÃO PAULO II IHA TIMOR

CREDA TIMOR COMEMORA XXX ANIVERSÁRIO VISITA SÃO JOÃO PAULO II IHA TIMOR

DCADD – Iha loron 11 fulan Setembro tinan 2019, Uma Creda Timor hamutuk ho Nunciatura Apostólica iha Timor-Leste, Diplomático sira, ukunain sira nação ida ne’e nian, Padres, Madres, Religiosos/as, Seminaristas no sarani sira  iha lorokraik (17.30) haliburan hamutuk iha SE Catedral Dili atu reconhce ba Santo boot ida ne’e no nia contribução ne’ebe nia fo ba ita nia rai doben Timor-Leste.

Dom Virgílio do Carmo da Silva, SDB be preside celebração ne’e iha nia homilia hateten; “Ha’u bele dehan katak São João Paulo II laos veterano de’it, maibe nia missionário boot ida, missionário ida esperança ninian ba povo ida ne’ebe desespero, Nia mak hanesan The Voice of the voiceless basá nia rasik dehan; hau mai hanesan Pedro nia saseluk ida iha imi nia le’et atu haforça ha’u nia maun-alin sira. Ida ne’e mak lori Ha’u mai iha Timor. Liafuan ida ne’e ita rona iha ohin loron nian sente bai-bain de’it, maibe iha tempo neba quando ita rona liafuan ida ne’e ita sente oin seluk. Laiha duni obstáculo ida atu impede visita ida ne’e masque dook e situação política iha tempo neba nian laos fácil, ida ne’e missão ida bibi atan sira nian tanba molok atu hahu Jesus nia paixão Nia hateten ba Pedro; wainhira to’o ona ó nia tempo, fo força ba ó nia maun alin sira liu-liu sira nebe fraku”.

Remata tiha missa ba Celebração XXX aniversário ne’e iha entrevista ho Sua Excelência Presidente da República relaciona ho evento ne’e hateten;

Ohin Hamutuk ho ita celebra ho ksolok tinan 30 Papa São João Paulo II mai iha ita nia rain hodi husik hela lian ba ita katak imi mak masin, imi mak mak naroman. Ne’e Liafuan ida ne’ebe lori ita para ita bele hanoin hikas katak ita moris ho ita nia identidade rasik, ita ema ida, povo ida ne’ebe iha nia dignidade rasik.

Por outro lado ita mai iha ne’e atu halo reflexão, hamutuk katak iha tempo ida ne’ebe que defícil Papa bele mai para atu bele husik hela mensagem ida ne’e hodi casu dadauk todan ida ne’ebe Timor-Leste hasoru durante tinan barak nia laran. Jovem sira ne’ebe serviço iha Frente Clandestina nian sira halo manifestação boot ida  hodi loke ba mundo katak povo Timor-Leste sidauk hili ninia destino katak atu integra ba Indonesia. Tanba ne’e bolu atenção ba comunidade internacional atu tau ain fila iha Timor-Leste para atu bele hakarak ba referendum ne’ebe ita halo iha tinan 1999. (Alin)

Leave a Reply

Your email address will not be published. Required fields are marked *