shadow
Diocese de Dili > NOTÍCIAS > Notícias > Dom. Virgílio do Carmo da Silva, SDB, sai nudar Arcebispo ba Arquidiocese Dili

Dom. Virgílio do Carmo da Silva, SDB, sai nudar Arcebispo ba Arquidiocese Dili

DCADD – Dia 11 de Setembro de 2019 lokraik iha missa celebração XXX Aniversário visita histórica housi Sua Santidade Papa João Paulo II iha Timor-Leste iha Catedral Amo Núncio Apostólico ba Timor-Leste Sua Excelência Reverendíssima Mgr. Joseph Marino, fo sai katak ho tulun no graça Maromak nian, Amo Papa Francisco foti Diocese Dili sai nu’udar Arquidiocese-Diocese Metropolitana ho ninia sufragâneo mak Diocese Baucau no Diocese Maliana. No Amo Bispo Diocese Dili nian Dom. Virgílio do Carmo da Silva, SDB, sai nudar Arcebispo ba Arquidiocese Dili.

Papa Francisco nia mensagem hirak ne’e tatoli liu housi Núncio Apostólico iha Timor-Leste Arcebispo Mgr. Joseph Marino iha SE Catedrla Dili hafoin atu remata celebração XXX Aniversário visita histórica housi Sua Santidade Papa João Paulo II iha Timor-Leste.

Núncio Apostólico iha Timor-Leste Arcebispo Mgr. Joseph Marino; “Honra no ksolok boot ida ba ha’u atu informa ba imi katak, iha momento ida ne’e kedas iha Vaticano Sua Santidade Papa Francisco eleva ka foti tiha ona Diocese Dili ba Nível ka grau Arquidiocese (Keuskupan Agung) no foti ona Sua Excelência Dom. Virgílio do Carmo da Silva, SDB, nu’udar Arcebispo ba dahuluk ba Arquidiocese Dili. Santo Padre mos cria tiha ona Província Ecleciástica Dili nian ho Diocese sira; Bauca no Maliana nu’udar nia sufragâneo sira mak; Diocese Baucau no Diocese Maliana. Ida ne’e sinal domin boot ida ne’ebe Santo Padre iha ba Creda iha rai Timor-Leste no reconhecimento ba fiar ne’ebe klean povo Timor nian”.

Sua Excelência Reverendíssima Arcebispo ba Arquidiocese Dili Dom. Virgílio do Carmo da Silva, SDB iha nia novidade hateten, “Hanesan ita hotu rona Carta Propaganda da Fe housi Cardeal Filoni nian dehan; laiha ema ida ne’ebe soi ereção ida ne’e no nomeiação ida ne’e, maibe nu’udar Bispo ha’u hakru’uk ba decisão Amo Papa nian. Ida ne’e laos onra ida ba ha’u, maibe hau hanoin ida ne’e tanba sarani Timor ninian. Tanba Amo Papa rasik hare katak tempo to’o ona atu foti as liu tan no hametin liu tan Uma Creda. Ne’e duni, criação Igreja Metropolitana província Eclesiástica ida ne’e laos tanba ha’u maibe ida ne’e tanba sarani sira. ida ne’e mai ita hotu agradece ba Na’i Maromak ne’ebe liu housi Amo Papa ninia iniciativa ida ne’e hakarak atu hametin liu tan, consolida liu tan Uma Creda iha rai Timor. Ne’e duni ha’u husu de’it ita boot sira nia oração atu ita hotu hamutuk bele hatan duni ba iha exigência Igreja Metropolitana-serviço Arcebispo ninian ne’ebe ha’u rasik de’it sidauk hatene serviço ne’e saida, maibe ita hamutuk sei aprende atu halo kna’ar ida ne’e”. (Alin)

2 comments on “Dom. Virgílio do Carmo da Silva, SDB, sai nudar Arcebispo ba Arquidiocese Dili

  1. Do Fer

    hakarak corige deit laos Karta Propaganda Fe maibe ( carta husi Congrecao evangelizacao da fe ou Congregacao propaganda da fe.

    • Departamento Comunicação Diocese Dili

      obrigado barak ba itaboot nia corige…

Leave a Reply

Your email address will not be published. Required fields are marked *