shadow
Diocese de Dili > NOTÍCIAS > LETURA DIÁRIA > Sexta – Feira, XXIII Semana do Tempo Comum (Ano C)

Sexta – Feira, XXIII Semana do Tempo Comum (Ano C)

Primeira Leitura           1Tim. 1. 1-2, 12-14

Lia housi São Paulo nia primeira Surat ba Timóteo:

Paulo, Jesus Cristo nia apóstolo tanba Maromak, ita Maksoyn, no tan Jesus Cristo, ita nia esperança; ba Timóteo, ha’u nia oan lolós iha fiar: Aman Maromak no Cristo Jesus, ita Na’i, haraik graça, laran di’ak no dame ba ó.

Ha’u fó agradece ba Cristo Jesus, ita Na’i, nebé haraik kbiit mai ha’u, basá Nia haré ha’u laran metin hodi bolu ha’u atu serbi Nia, maski uluk ha’u hateten áat Maromak no halo áat no hateten liafuan áat ba Nia. Maibé, Na’i hatudu Nia laran luak mai ha’u, tanba ha’u halo buat hotu hodi la hateten buat ida kona ba fiar. Tebes, ita Na’i nia graça barak liu, hodi hakonu ha’u ho fiar no domin iha Cristo Jesus.

Maromak Futar Lia.

 

Salmo Responsorial                                                                                                                          Sal. 15(16). 1-2a, 5, 7-8, 11 (R. 5a)

Refrão : Na’i, Ita mak ha’u nia liman-rohan!!! Repete-se

Tahan ha’u, Na’i, tan Ita ha’u nia heli-an-fatin,

Ha’u dehan ba Na’i, “Ita, ha’u nia Maromak”.

Na’i, Ita ha’u nia liman-rohan no cálice,

Ha’u nia moris iha Ita futar liman. Refrão

 

Ha’u sei hahí Na’i tan Nia mak ha’u mahein;

Iha kalan Nia fó lia menon mai ha’u ne’on.

Na’i iha nafatin ha’u matan nia oin,

Nia iha ha’u sorin kuana, ha’u sei la monu. Refrão

 

Na’i, hatudu dalan moris nian mai ha’u,

Haraik ksolok boot iha Ita furar oin,

Iha Ita sorin kuana, haksolok ba nafatin. Refrão

 

Aclamação                                                                                                                                                                                       Jo. 17. 17b,a

Refrão : Aleluia, Aleluia! Repete-se

Ita liafuan, Na’i, mak lialós tebes;

Hametin ami iha lialós. Refrão

 

Evangelho                                                                                                                                                                                       Lc. 6. 39-42

Na’i Jesus Cristo nia Evangelho tuir São Lucas

Iha tempo nebá, Jesus dehan aiknanoik ne’e ba escolante sira: “Ema matan delek ida bele hatudu ba ema matan delek seluk? Sira na’in rua la monu hotu iha kuak laran? Escolante ida la bele sai boot liu dali nia mestre, basá escolante di’ak ne’e sei halo hanesan nia mestre. Tan sá ó haré ai rahun iha ó nia maun eh alin nia matan, maibé la haré ai kabelak iha ó nia matan rasik? Oin sá ó bele dehan ó nia maun eh alin: ‘Maun eh alin, husik ha’u hasai ai rahun housi ó nia matan, maibé ó la hare ai kabelak iha ó nia matan rasik? Laran makerek! Hasai uluk lai ai kabelak housi ó nia matan, hafoin ó sei bele haré momós atu hasai ai rahn housi ó nia maun eh alin nia matan”.

Lia Maksoyn.

Leave a Reply

Your email address will not be published. Required fields are marked *