shadow
Diocese de Dili > NOTÍCIAS > LETURA DIÁRIA > XXV Domingo Tempo Comum (ANO C)

XXV Domingo Tempo Comum (ANO C)

Primeira Leitura                        Am. 8, 4-7

Lia housi Livro Profeta Amós:

Imi sira be sama hanehan ema ki’ak sira, imi sira be hakarak halakon tiha kiik sira iha rai-klaran, imi ne’e rona didi’ak mai! Imi dehan: “Bainhira mak sei liu fulan foun atu ita bele fa’an tiha ita nia ai-han? Bainhira mak sei liu loron sábado atu ita bele loke ita nia uma laran hodi fa’an ita nia trigo?  Ita sei halo ita nia sasukat sira kiik liu tan, ita sei hasa’e osan mutin nia folin, ita sei halo dasin falsu atu han matak? Ita sei hodi ita nia osan sosa ema ki’ak sira. Ita sei sosa duni ema ki’ak sira hodi chenela par ida. Ita nia fos íkis sira mos, ita sei fa’an hotu.”  Maibé, Na’i hakotu kedas lia ba Jacob, dehan: “Sira nia hahalok ida de’it mos Ha’u sei la haluhan!”

Maromak Futar Lia.

 

Salmo Responsorial                                                                                                                                        Sal. 112(113), 1-2, 4-6, 7-8

Refrão :  Imi sei hahí Na’i,  Na’i be foti ema kbiit laek!!! Repete-se

Na’i nia atan sira,

imi sei hahí Na’i naran.

Haklaken Na’i nia naran,

tinan ba tinan. Refrão

 

Na’i ita povo hotu nia leten,

Nia gloria iha lalehan tutun.

Ita Maromak boot liu hotu,

Nia trono leten aas ba. Refrão

 

Nia foti housi rai ema sira be monu,

Nia hasai housi foer ema sira be ki’ak,

hodi halo sira tur hamutuk

ho sira rai nian, iha fatin di’ak. Refrão

 

Segunda Leitura                                                                                                                                                                          1 Tim. 2, 1-8

Lia housi São Paulo nia surat ba Timóteo:

Oan doben! Uluk knana’in ha’u husu atu imi fo agradece, keta haluhan harohan hodi halo orasaun, keta haluhan husu barak ba ema hotu-hotu, ba liurai sira no ba autoridade hotu-hotu, atu nune’e ita bele moris hakmatek, moris nu’udar ema los, hodi hamta’uk Maromak. Ne’e mak di’ak, ne’e mak Na’i Maromak, ita nia Maksoin hadomi liu. Na’i Maromak hakarak ema hotu hetan salvsaun, ema hotu hetan hodi hatene lia los. Basá, Na’i Maromak ida de’it, Mediador mos ida de’it iha Maromak ho ema sira leet: Mediador ne’e mak ida be naran Jesus Cristo. Nia mak saran-An ba mate atu soi ita hotu. Ida ne’e mak lia sasin to’o mai ona iha oras lolos. Ha’u hateten lolos, ha’u la bosok: Na’i Maromak hili ha’u atu fo hatene lia sasin ida ne’e. Na’i Maromak foti ha’u ba Apóstolo no ba mestre kona fiar no kona ba lialos.

Maromak Futar Lia.

 

Aclamação                                                                                                                                                                                           Lc. 16, 13

Refrão : Aleluia, Aleluia!! Repete-se

Atan ida labele serbi ba liurai rua.

Imi labele serbi ba Maromak no serbi ba osan. Refrão

 

Evangelho                                                                                                                                                                         Lc. 16, 1-3 ou 10-13

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus lia tun ba Escolante sira:  “Riku ida iha ema ida atu hare nia sasan. Riku rona katak nia ema ne’e, halakon nia sasan barak. Tan ne’e, nia bolu ema ne’e hodi husu: ‘Sa mak ha’u rona ba ó nia hahalok? Haktuir ó nia servisu, basá, ohin ba oin, ó sei labele kaer tan ó nia servisu ne’e’. Ema ne’e hanoin iha nia laran: ‘Ha’u nia na’in hasai karik ha’u housi servisu, ha’u sei halo sa los? Fila rai ha’u labele! Husu esmola ha’u moe.. Ha’u hatene ona atu halo nusa, atu ema ruma bele simu netik ha’u, wainhira ha’u husik tiha ha’u nia servisu’. Bolu tiha sira ida-idak be debe hela nia patraun, nia dehan ba ida uluk liu. ‘Ó debe ha’u nia na’i hira?’  Nia hatan: Mina kalen atus ida!’ Nia dehan fali: ‘Tur lalais, kaer ó nia recibo, hakerek de’it lima nulu’. Tuir fali, nia dehan ba ida seluk: ‘Ó debe hira?’  Nia hatan:  ‘Trigo karon atus ida!’ Nia dehan: ‘Kaer ó nia recibo, hakerek walu nulu’.  Patraun hahí tiha ema aat ida ne’e, tan nia hatene moris. Basá, ema mundo ninian hatene moris ba maluk sira, liu fali ema Maromak ninian. Ha’u dehan kedas ba imi: Habelun malu ho osan be la folin: Bainhira osan ne’e mohu tiha, belun sira sei simu imi iha reino rohan laek. Ema nebé hatene hare sasan witoan, nia sei hatene mos hare sasan barak. Imi la hatene karik kaer imi nia osan folin laek, se mak beik tau iha imi liman sasan folin boot? Imi la hatene karik tau matan ba ema seluk nia sasan, se mak beik tau iha imi liman imi nia sasan rasik? Atan ida la bele serbi patraun na’in rua: basá, nia serbi ida hodi husik ida seluk, eh nia sei hadomi ida hodi hewai ida seluk. Imi la bele serbi Na’i Maromak hodi serbi mos osan!”.

Lia Maksoyn.

Leave a Reply

Your email address will not be published. Required fields are marked *