shadow
Diocese de Dili > NOTÍCIAS > LETURA DIÁRIA > Terça – Feira, XXV Semana do Tempo Comum (Ano C)

Terça – Feira, XXV Semana do Tempo Comum (Ano C)

Primeira Leitura         Esd. 6. 7-8, 12b, 14-20

Lia housi livro Esdras nian:

Iha loron hirak nebá, Dario, liurai Pérsia nian, hakerek ba ulun sira iha província ocidental be hela iha Mota Eufrates nia sourin balu ba, hodi fó ordem nune’e: “Imi husik embo’ot Judá nian ho katuas sira judeu sira nian atu hari templo Maromak nian. sira hari fila fali templo ne’e iha nia fatin uluk. Ida ne’e mak ha’u nia hanourin oinsá mak imi sei servisu hamutuk ho katuas sira judeu sira nian kona ba hari fila fali templo Maromak nian; imi sei selu iha oras lolós ema sira ne’e hodi osan housi imposto nebé simu housi povo be hela iha província ocidental Mora Eufrates nia sorin balu ba, atu nune’e, katuas sira judeu sira nian, hala’o didi’ak nafatin sira nia servisu hodi tulun housi liafuan Profeta Ageu no Zacarias, Ido nia oan. Sira halo hotu duni templo tuir Maromak Israel Nia hakaran no tuir ordem liurai Ciro no Dario nian. Templo ne’e hotu iha loron rua nulu resin tolu, fulan Adar nian, iha tinan ba dala neen liurai Dario nia ukun. Israel nia oan sira – na’ilulik sira, levita sira, no sira hotu nebé fila mai sira rain – ho ksolok boot tebes celebra festa dedicação templo Maromak nian. Atu hala’o festa dedicação templo ne’e nian, sira hasa’e sira hasa’e karau vaka atus ida, bibi malae aman atus rua, bibi malae kiik atus háat; atu hamos Israel tomak nia salan, sira hasa’e mós bibi timur sanulu resin rua, tuir uma-kain ida-idak Israel nian. Hafoin, foti na’ilulik sira tuir ida-idak nia klase, no foti levitas sira tuir ida-idak nia grupo, atu hala’o knaar sagrado iha Jerusalém, tuir lisan nebé hakerek nanis ona iha livro Moisés nan.

Ema sira be uluk moris dadur iha rai seluk celebra Páscoa iha loron sanulu resin háat, fulan ba dala uluk nian. Na’ilulik no levita sira simu hamos an hamutuk sira ne’e hotu mós ona, sira bele hasa’e sacrifício bibi oan Páscoa nian tan ema desterrado sira hotu, tan maluk na’ilulik sira seluk no tan sira an rasik.

Maromak Futar Lia.

 

Salmo Responsorial                                                                                                                  Sal. 121(122). 1-2, 3-4a, 4b-5 (R. cf. 1)

Refrão : Ho ksolok, ita sei la’o ba Na’i Nia uma!!! Repete-se

Ha’u haksolok, wainhira ema dehan mai ha’u:

“Ita la’o ba Na’i Nia Uma”.

Ami tau ona ain iha

Ó odamatan, Jerusalém. Refrão

 

Jerusalém, cidade be hari metin,

Hari metin tuir no kmanek tebes!

Atu suku sira hotu sa’e ba,

Suku hotu Na’i Nian. Refrão

 

Tuir lisan Israel nian,

Atu haliban Na’i Nia naran,

Iha nebá, iha tribunal justiça nian

Tribunal uma kain David nian. Refrão

 

Aclamação                                                                                                                                                                                          Mt. 11. 28

Refrão : Aleluia, Aleluia!! Repete-se

Rahun di’ak ba sira nebé rona Maromak Nia futar lia,

hodi moris tuir. Refrão

 

Evangelho                                                                                                                                                                                        Lc. 8. 19-21

Na’i Jesus Cristo nia Evangelho  nu’udar São Lucas haktuir:

Iha tempo nebá, Jesus nia inan ho Nia maun-alin sira mai buka Nia, maibe sira la bele hakbesik ba Nia tanba ema lubun boot. Ema nira fó hatene ba Nia: “Ita nia inan no maun-alin sira hamriik iha liur hodi hakarak haré Ita,” Nia hatan ba sira: “ Ha’u nia inan no maun alin sira mak sira nebé rona hodi halo tuir Maromak nia liafuan”.

Lia Maksoyn.

Leave a Reply

Your email address will not be published. Required fields are marked *