shadow
Diocese de Dili > NOTÍCIAS > LETURA DIÁRIA > Quarta – Feira, XXV Semana do Tempo Comum (Ano C)

Quarta – Feira, XXV Semana do Tempo Comum (Ano C)

Primeira Leitura                       Esd. 9. 5-9

Lia housi livro Esdras nian:

Iha oras sacrifício loro kraik nian, ha’u, Esdras, hamriik housi ha’u hakneak fatin, ho hatais no unuk bosan no nakles, ba hakneak iha Na’i futar oin, lolo liman ba Na’i, ha’u Maromak, hodi dehan: “Ha’u Maromak, ha’u senti moe teb-tebes no la barani atu foti ha’u oin hodi hateke ba Itaboot, ha’u Maromak! Basá, ami nia hahalok áat sira butuk áas liu ami nia ulu fatuk, ami nia salan wa’in tebes hada malu áas to’o ona lalehan. Houri ami nia bei-ala sira nia tempo to’o ohin loron, Ami nia hahalok áat sai wa’in ba bei-beik. Tan ami nia salan sira, mak ami, ami nia liurai sira no na’ilulik sira, monu iha liurai housi rai seluk nia liman, hetan mate, hetan kadeia; ema na’uk hodi hadau ami nia sasan, no ami moe lerek iha loron ne’e.

Maibé, oras ne’e, ami hetan ona tulun housi ami nia Maromak. Na’i husik hela ami balu, la mate housi terus, hodi haraik mós fatin di’ak mai ami, housi Nia tur fatin santo. Nune’e mak Na’i loke ami nia matan, fó hikas fali di’ak iha ami nia moris be hanesan atan. Tebes, ami atan duni, maibé, iha ami nia moris nu’udar atan, ami nia Maromak la husik lerek ami mesak; Nia halo ami hetan laran-luak housi liurai Pérsia nian; hodi tulun ami foti hi’as fali ami nia Maromak Nia templo, hodi hadi’ak fali baki sira be áat, hodi fó fatin di’ak no metin ida mai ami iha Judá no iha Jerusalém”.

Maromak Futar Lia.

 

Salmo Responsorial                                                                                                                          Tob. 13. 2, 3-4ª, 4bcd, 5, 8 (R. 2ª)

Refrão : Rahun di’ak ba Maromak be moris rohan laek!!! Repete-se

Rahun di’ak ba Maromak be moris rohan laek!

Nia reino hela metin tinan ba tinan.

Iha Na’i liman iha castigo no perdua, moris no mate,

Buat ida la sai housi Nia ukun. Refrão

 

Imi fila imi fuan ba Nia karik,

Hodi la’o iha Nia futar oin ho lialós,

Nia sei mai to’o imi,

Hodi hatudu Nia futar oin ba imi. Refrão

 

Imi haré didi’ak ba, buat sá Nia halo ba imi,

Agradece ba Nia ho ó lian tomak.

Hahí Na’i tan Nia justiça Na’in,

Haliban Liurai otas hot-hotu nia. Refrão

 

Ha’u hahí Na’i iha ha’u moris dadur iha rai seluk,

Fó hatene Nia kbiit no beran ba povo sala na’in sira.

Mai, sala na’in sira, moris tuir justiça iha Nia futar oin,

Kala Nia hatudu laran luak no sadi’a ami. Refrão

 

Aclamação                                                                                                                                                                                            Mc. 1. 15

Refrão : Aleluia, Aleluia!! Repete-se

Maromak Nia reino besik ona;

imi hakribi imi nia salan no fiar iha Evangelho. Refrão

 

Evangelho                                                                                                                                                                                             Lc. 9.1-6

Na’i Jesus Cristo nia Evangelho nu’udar São Lucas haktuir:

Iha  tempo nebá, Jesus bolu apóstolo na’in sanulu resin rua besik Nia, hodi fó biit ba sira atu duni sai diabo sira no fó isin di’ak ba ema moras sira. Nia haruka sira atu haklaken Maromak nia reino, no mós atu fó isin di’ak ba ema moras sira. Nia dehan ba sira: “Keta lori tuir dalan ai tonka ka kohe, pão ka osan ka hatais tahan rua. Iha uma naran de’it nebé imi tama, hela iha nebá to’o tempo nebé imi atu sai. Kona ba sira nebé la simu imi, uainhira imi husik fatin nebá, liki rai rahun housi imi nia ain nu’udar sinal hasouru sira.” Nune’e sira sai hodi la’o housi knua ida ba knua sira seluk, hodi haklaken Evangelho no fó isin di’ak ba ema moras sira iha fatin hotu.

Lia Maksoyn.

Leave a Reply

Your email address will not be published. Required fields are marked *