shadow
Diocese de Dili > NOTÍCIAS > LETURA DIÁRIA > Quinta – Feira, XXV Semana do Tempo Comum (Ano C)

Quinta – Feira, XXV Semana do Tempo Comum (Ano C)

Primeira Leitura                          Ag. 1. 1-8

Lia housi Profecia Ageu nian:

Iha tinan ba dala rua liurai Dario nia ukun, iha loron ida, fulan ba dala neen, Na’i lia tun housi profeta Ageu, ba Zorobabel, Saletiel nia oan, embo’ot Judá nian, no ba na’ilulik boot Josué, Josadac nia oan: “Na’i, mundo rai-klaran nian lia tun nune’e: Povo ne’e hateten: ‘Tempo la dauk to’o atu hari fali Na’i nia templo’”. Na’i nia liafuan fó sai ba sira housi profeta Ageu: “Maibé, ba imi tempo to’o ona atu hôrik iha imi nia uma sira be hafutar ho sasan furak oi-oin, wainhira templo ne’e hela áat ba nafatin”. Ne’e duni, oras ne’e, Na’i, mundo rai-klaran nian dehan nune’e: “Imi sei haré no hanoin tuir didiak imi nia hahalok: imi kuda barak, maibé imi hamrook nafatin; imi hatais, maibé imi senti malirin nafatin. Ema nebé servisu, haloot nia osan kolen iha bolsa be iha ku’ak. Na’i, sei haré no hanoin tuir didiak imi nia hahalok. Imi sa’e ba foho hodi lori ai mai; imi hari fila fali Ha’u Nia templo, Ha’u sei simu nia ho ksolok. Iha nia Ha’u sei simu glória”, Na’i dehan.

Maromak Futar Lia.

 

Salmo Responsorial                                                                                                                          Sal. 149. 1-2, 3-4, 5-6a, 9b (R. 4ª)

Refrão : Na’i hadomi Nia povo!!! Repete-se

Ou           Aleluia!

Hananu knananuk foun ida ba Na’i,

Hahí Nia iha assembleia fiar na’in sira nian;

Israel haksolok ba iha nia Na’i,

Sião nia oan sira haklalak ba iha sira nia Liurai. Refrão

 

Hahí no hana’i Na’i Nia naran,

Hananu kmanek ba ita nia Maromak.

Na’i hadomi Nia povo,

Nia sei haraik prémio ba kiak sira. Refrão

 

Ema di’ak no lós sira nia fuan haksolok,

Maromak Nia oan sira haksolok;

Hahí la nahas iha sira ibun;

Ne’e mak glória Nia emar sira nian. Refrão

 

Aclamação                                                                                                                                                                                             Jo. 14. 6

Refrão : Aleluia, Aleluia!! Repete-se

Ha’u ne’e dalan, lialós no moris hun, Na’i lia tun;

ema ida la liu karik housi Ha’u, nia la bele ba Aman Maromak. Refrão

 

Evangelho                                                                                                                                                                                            Lc. 9. 7-9

Na’i Jesus Cristo nia Evangelho nu’udar São Lucas haktuir:

Iha tempo nebá, rona tiha kona ba buat ne’e hotu nebé Jesus halo, liurai Herodes hakfodak, basá ema balun dehan katak João moris hi’as fali housi mate; maibe ema seluk dehan katak Elias mosu fali, no ema seluk tan dehan katak profeta uluk sira ida moris hi’as falin. Maibe Herodes dehan: “Ha’u tesi tiha ona João nia ulun. Ne’e duni, ema ne’e se lós, nebé kona ba nia ha’u rona buat hirak ne’e?” No nia buka namanas atu haré Nia.

Lia Maksoyn.

Leave a Reply

Your email address will not be published. Required fields are marked *